அடுக்கு மாடி குடியிருப்பில்….

**ayyasamy ram** · **ayyasamy ram** Tue 4 Aug 2015 - 10:45

-

பிரமாண்டமான
தோட்டத்துடன் கூடிய
பெரிய கிராமத்து
வீட்டை விற்று
ஆசையுடன் புதிதாய்
நகரத்தில் வாங்கிய
அடுக்குமாடி குடியிருப்பில்
ஏழாவது தளத்தில்
எண் நூறு சதுரடி வீட்டில்
பாப்பா தேடுகிறாள்
இரவில் சோறு ஊட்டும்போது
முற்றத்தையும் நிலாவையும் !

–

——————————————–—

>கவிஞர் வலங்கைமான் நூர்தீன்
ஒரு அடுக்குமாடி குடியிருப்பின் ஏழாவது தளம்- (கவிதை தொகுப்பிலிருந்து)

**krishnaamma** · **krishnaamma** Tue 4 Aug 2015 - 11:49

ம்ம்.... கஷ்டம் தான் புன்னகை

**M.Jagadeesan** · **M.Jagadeesan** Tue 4 Aug 2015 - 12:03

இதே கருத்தைக்கொண்ட என்னுடைய கவிதை !

எட்டாத உயரத்தில்...
================
சப்பை வயிற்றுடன் எச்சில் இலைதேடி
குப்பைத் தொட்டியில் குதிக்கின்ற நாய்!
விருந்துவரக் கா!கா! எனக்கரைந்தே ஒருசோற்றுப்
பருக்கைக்காய் மரக்கிளையில் வந்தமரும் காக்கை !
பசும்புல்லும் புண்ணாக்கும் தின்பதற்கு வழியின்றி
நசுங்கிய செய்தித்தாள் தின்னுகின்ற மாடு!
பெருஞ்சாக்கு மூட்டையுடன் பேப்பர் பொறுக்குபவன்!
வருகின்ற எதிர்காலம் சொல்லும் கிளிஜோஷியன்!
தட்டுமுட்டு சாமானும் தகர டப்பாவும்
இட்டால் இனிக்கின்ற பேரீட்சை தருபவன்!
செருப்பு தைப்பவன் ! குடைரிப்பேர் செய்பவன் !
தெருவெங்கும் சுற்றியே சாணை பிடிப்பவன் !
கம்பியில் நடக்கின்ற கூத்தாடி! தன்உழைப்பை
நம்பியே பிழைக்கின்ற தென்னை மரமேறி!
அனுமார் வேடமிட்டு அலைகின்ற யாசகன்
இத்தனைக் காட்சிகளும் பார்க்கின்ற அனுபவத்தை
மொத்தமாய் இழந்து எட்டாத உயரத்தில்
அடுக்குமாடிக் குடியிருப்பில் அனைத்து வசதியுடன்
மிடுக்குடன் வாழ்கின்ற பாவியேன் நான் !

**krishnaamma** · **krishnaamma** Tue 4 Aug 2015 - 12:18

ரொம்ப சரி ஐயா........அற்புதமான கவிதை..........உண்மையை அப்படியே சொல்லி இருக்கீங்க சூப்பருங்க

இந்த காய் கறிகாரி, பேப்பர் காரன், வண்ணான், பாத்திரத்துக்கு ஈயம் பூசுபவர்கள், குறத்திகள், தயிர் மோர் விற்பவர்கள், காலை இல் சுட சுட இட்டிலி, சேவை கொண்டு வருபவர்கள் .............பட்டியல் ரொம்ப நீளும் புன்னகை

............... எல்லோரையும் இழந்துவிட்டோம்............. புன்னகை

................

**ayyasamy ram** · **ayyasamy ram** Tue 4 Aug 2015 - 13:09

M.Jagadeesan wrote:இதே கருத்தைக்கொண்ட என்னுடைய கவிதை !

எட்டாத உயரத்தில்...
================
சப்பை வயிற்றுடன் எச்சில் இலைதேடி
குப்பைத் தொட்டியில் குதிக்கின்ற நாய்!
விருந்துவரக் கா!கா! எனக்கரைந்தே ஒருசோற்றுப்
பருக்கைக்காய் மரக்கிளையில் வந்தமரும் காக்கை !
பசும்புல்லும் புண்ணாக்கும் தின்பதற்கு வழியின்றி
நசுங்கிய செய்தித்தாள் தின்னுகின்ற மாடு!
பெருஞ்சாக்கு மூட்டையுடன் பேப்பர் பொறுக்குபவன்!
வருகின்ற எதிர்காலம் சொல்லும் கிளிஜோஷியன்!
தட்டுமுட்டு சாமானும் தகர டப்பாவும்
இட்டால் இனிக்கின்ற பேரீட்சை தருபவன்!
செருப்பு தைப்பவன் ! குடைரிப்பேர் செய்பவன் !
தெருவெங்கும் சுற்றியே சாணை பிடிப்பவன் !
கம்பியில் நடக்கின்ற கூத்தாடி! தன்உழைப்பை
நம்பியே பிழைக்கின்ற தென்னை மரமேறி!
அனுமார் வேடமிட்டு அலைகின்ற யாசகன்
இத்தனைக் காட்சிகளும் பார்க்கின்ற அனுபவத்தை
மொத்தமாய் இழந்து எட்டாத உயரத்தில்
அடுக்குமாடிக் குடியிருப்பில் அனைத்து வசதியுடன்
மிடுக்குடன் வாழ்கின்ற பாவியேன் நான் !