வேப்பம் விதையை விரும்பு

**ayyasamy ram** · **ayyasamy ram** Fri Jul 24, 2015 11:41 pm

-
சித்தர் இலக்கியத்தில் வேப்பமரம், வேப்பன் வித்து,
வேப்பயிலை, வேப்பம்பூ, வேப்பம் பட்டை எனப் பல
பாகங்கள் மருந்தாகப் பயன்படுகின்றன.

“குட்டம்’ என்று கூறப்படும் தொழுநோய், விஷ சுரம்,
வைசூரி எனப்படும் அம்மை நோய், கிருமிகளினால்
வரும் நோய்கள் கம்பத்தியம் எனப்படும் நினைவு
தடுமாற்றாலை உண்டாக்கும். மூளை சார்ந்த நோய்கள்,
இவைகளுக்குச் சிறந்த மருந்தாகும்.

மாந்தம், வயிற்றுப்பொருமல் பலவகையான வயிற்றுப்
போக்கு நோய்கள், கீல்களில் உண்டாக்கும் வலி, வீக்கம்,
வயிற்றில் உண்டாகும் கிருமிகள் இவைகள் போன்ற
நோய்களுக்கும் வேப்பிலை நல்ல மருந்தாகும்.

வேப்பமரத்தின் பட்டை மூலநோய், வயிற்றுநோய்,
பேதி நோய், சுர நோய் ஆகியவற்றைப் போக்கும்.

வேப்பம்பூ உலர்த்திப் பக்குவப்படுத்தப்பட்டுச்
சேமித்துப் பயன்படுத்தும் போது, பித்தத்தினால் வருகிற
தலை சுற்றல், நாவில் ருசியின்மை, வாந்தி, மலத்தில்
பூச்சிகள் முதலியன குணமாகும்.

வேப்பம் வித்தினால் குட்டநோய், பாம்பு விஷம், ஜன்னி,
சொறி சிரங்கு, உள்மூலம், ஏப்பம் முதலியவைகள்
குணமாகும்.

வேப்ப நெய்க்கு வாத நோய்கள், கிரந்தி, கரப்பான்,
சிரங்கு முதலியனவும், காய்ச்சல் நோயும் குணமாகும்.

வேப்பிலை குறித்து தேரையார் (சித்தர்) தம் பாடலில் —
–
“கிருமி குட்ட மாந்தங்கெடு விடஞ்சுரங்கள்
பொருமியவை சூரிகையின் புண்க – ளொருமிக்க
நிம்பத் திலையிருக்க நீடுலகினீநுகாமற்
கம்பத் திலை விருக்கக் காண்’
–
என்கிறார்.
–
வேப்பம் வித்து பற்றி தேரையார் குறிப்பிடுகையில்-
–
“சீறும் குறைநோயுஞ்சில் விஷமுஞ் சந்நிவகை
ஊறுஞ் சொறி சிரங்கு முன்மூலம் – மீறி வரும்
ஏப்பம் மலக்கிருமியெல்லா மொழிந்திடவே
வேப்பம் விதையை விரும்பு’
–
என்கிறார்.
–
வேப்ப நெய்யைப் பற்றி தேரையார் குறிப்பிடுகையில்:
–
“வாதம்போம் பித்தமிகு மாறாக் கிரந்தியொடு மோதுகரப்
பான் சிரங்கு மன்னிசிவும் – ஓடுடலின்
நாப்பனுறு சிர நாடு சந்தியும் தொலையும்
வேப்ப நெய் யென்றாரு கால்வாள்.’
–
என்கிறார்.
–
– சு. இலக்குமண சுவாமி
–
———————————
மஞ்சரி

shobana sahas · shobana sahas Sat Jul 25, 2015 1:34 am

நல்ல பயனுள்ள பதிவு அய்யா . நன்றி

வேல்முருகன் · வேல்முருகன் Sat Jul 25, 2015 1:44 pm

shobana sahas wrote:நல்ல பயனுள்ள பதிவு அய்யா . நன்றி

மேற்கோள் செய்த பதிவு: 1153213

வேப்பம் விதையை விரும்பு 3838410834

சங்கர்.ப · சங்கர்.ப Sat Jul 25, 2015 2:04 pm

நன்றி

சரவணன் · சரவணன் Sat Jul 25, 2015 2:07 pm

பயனுள்ள அருமையான பதிவு.

**T.N.Balasubramanian** · **T.N.Balasubramanian** Sat Jul 25, 2015 2:43 pm

வேப்பம் பழம் சிறிது அசட்டு தித்திப்புடன் இருக்கும் .
ருசித்துள்ளேன் .
நல்ல பதிவு ,a ram , நன்றி

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

Sponsored content · Sponsored content

வேப்பம் விதையை விரும்பு

வேப்பம் விதையை விரும்பு

Re: வேப்பம் விதையை விரும்பு

Re: வேப்பம் விதையை விரும்பு

Re: வேப்பம் விதையை விரும்பு

Re: வேப்பம் விதையை விரும்பு

Re: வேப்பம் விதையை விரும்பு

Re: வேப்பம் விதையை விரும்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக