தங்கம் விலை கணிசமாகக் குறைந்ததால், நுகர்வோர் மகிழ்ச்சி!

**krishnaamma** · **krishnaamma** Tue Jul 21, 2015 1:32 pm

தங்கம் விலை கணிசமாகக் குறைந்ததால், நுகர்வோர் மகிழ்ச்சி அடைந்துள்ளனர். சென்னையில், நேற்று ஒரே நாளில், தங்கம் விலை சவரனுக்கு, 256 ரூபாய் குறைந்ததால், நகைக் கடைகளில் கூட்டம் அதிகரிக்கத் துவங்கி உள்ளது.

சர்வதேச சந்தையில், ஐந்து ஆண்டுகளில் இல்லாத அளவுக்கு, தங்கம் விலை நேற்று சரிவடைந்தது. அதே நேரத்தில், உள்நாட்டில், இரண்டு ஆண்டுகளில் இல்லாத அளவுக்கு குறைந்தது. மும்பையில் நேற்று, 10 கிராம் சுத்த தங்கத்தின் விலை, 520 ரூபாய் குறைந்து, 25,250 ரூபாய்க்கு விற்பனையானது. டில்லியில், 10 கிராம் சுத்த தங்கம், 300 ரூபாய் குறைந்து, 25,700 ரூபாய்க்கு விற்கப்பட்டது. அதேபோல, ஒரு கிலோ வெள்ளி விலை, 150 ரூபாய் குறைந்து, 34,200 ரூபாயாக இருந்தது.

சென்னையில், கடந்த சனியன்று, 22 காரட் ஆபரண தங்கம் ஒரு கிராம், 2,434 ரூபாய்க்கும், ஒரு சவரன், 19,472 ரூபாய்க்கும், 24 காரட், 10 கிராம் சுத்த தங்கம், 26,030 ரூபாய்க்கும் விற்பனையானது. இந்நிலையில், நேற்று தங்கம் விலை, கிராமுக்கு, 32 ரூபாய் குறைந்து, 2,402 ரூபாய்க்கும், சவரனுக்கு, 256 ரூபாய் சரிவடைந்து, 19,216 ரூபாய்க்கும், 10 கிராம் சுத்த தங்கம், 340 ரூபாய் குறைந்து, 25,690 ரூபாய்க்கும் விற்பனை செய்யப்பட்டது. ஒரு கிராம் வெள்ளி, 36.40 ரூபாய்க்கும், ஒரு கிலோ பார் வெள்ளி, 34,020 ரூபாய்க்கும் விற்பனையானது.

கடந்த, 2013 ஏப்., 18ம் தேதி, ஒரு கிராம் தங்கம், 2,401 ரூபாய்க்கும், ஒரு சவரன், 19,208 ரூபாய்க்கும் விற்பனையானது. இதையடுத்து, 26 மாதங்களுக்கு பின்,நேற்று தங்கம் விலை கணிசமாகக் குறைந்துள்ளது. கடந்த ஜனவரி, 1ம் தேதி, ஒரு கிராம் தங்கம், 2,524 ரூபாய்க்கும்,

ஒரு சவரன், 20,192 ரூபாய்க்கும் விற்கப்பட்டது. நேற்றைய விலையுடன் ஒப்பிடும் போது, நடப்பாண்டில் மட்டும் கிராமுக்கு, 122 ரூபாயும், சவரனுக்கு, 976 ரூபாயும் வீழ்ச்சி கண்டுள்ளது.

தங்கம் விலை கணிசமாகக் குறைந்ததால், நுகர்வோர் மகிழ்ச்சி! J79kWKb3R1efqBCmLkfK+Tamil_News_large_1300454

தங்கம் விலை கணிசமாகக் குறைந்ததால், நுகர்வோர் மகிழ்ச்சி! J79kWKb3R1efqBCmLkfK+Tamil_News_large_1300454

விலை குறைய காரணங்கள் என்ன?

* கிரீஸ் மற்றும் ரஷ்யாவில் ஏற்பட்டுள்ள பொருளாதார நெருக்கடி நிலை, ஸ்பெயின் மற்றும் ஆஸ்திரேலியாவில் எதிரொலிக்கும் அபாயம் உருவாகி உள்ளது. இதனால், தங்கத்தில் முதலீடு செய்ய, முதலீட்டாளர்கள் தயக்கம் காட்டுவதால், இந்தியாவில், தங்கத்தின் விலை குறைந்து வருகிறது.

* அமெரிக்காவின் பொருளாதார வளர்ச்சி, 2007ல், மோசமானதால், வட்டி விகிதம் கணிசமாகக் குறைக்கப்பட்டது. இதனால், முதலீட்டாளர்கள், அங்கிருந்து வெளியேறி, ஆசிய நாடுகளில் முதலீடு செய்யத் துவங்கினர். தற்போது, அமெரிக்க பொருளாதாரம் வளர்ச்சிப் பாதையில் செல்வதால், ஒன்பது ஆண்டுகளுக்குப் பின், அங்கு முதல் முறையாக, வட்டி விகிதம் உயர்த்தப்பட உள்ளது.

இதனால், ஐரோப்பிய, ஆசியநாடுகளின் நிதிச் சந்தையில் செய்யப்பட்ட முதலீடுகள், அமெரிக்காவிற்கு திரும்பும் சூழல் உருவாகியுள்ளது. எனவே, சர்வதேச சந்தையில் தங்கத்திற்கான தேவை குறைந்து, விலை குறைந்து வருகிறது.

*தங்க முதலீட்டுத் திட்டங்களும், தற்போது, வரவேற்பை இழக்கத் துவங்கிஉள்ளன; அதுவும், விலை வீழ்ச்சிக்கு காரணம்.

* மேலும், சீனாவிடம் உள்ள தங்கம், மதிப்பீட்டை விடக் குறைவாக, 1,658 டன் அளவுக்கே உள்ளதாக நேற்று தகவல் வெளியானது. இதனாலும், சர்வதேச சந்தையில், தங்கத்தின் விலை, ஐந்து ஆண்டுகளில் இல்லாத அளவிற்கு, வீழ்ச்சி கண்டுள்ளதாக, தங்கம் வர்த்தகர்கள் கூறுகின்றனர்.

* தொழிற்சாலைகள் மற்றும் நாணய உற்பத்தியாளர்களின் தேவை குறைந்ததால், வெள்ளி விலையும் சரிவடைந்து உள்ளது.

பல நாடுகளில் நிலவும், பொருளாதார நெருக்கடியால், உலக முதலீட்டாளர்கள், தங்கத்தில் முதலீடு செய்யவில்லை. இதன் காரணமாக, நம் நாட்டில் தங்கம் விலை குறைந்து வருகிறது. இந்த மாதம் முழுவதும், இதே நிலை நீடிக்கும். அதன் பின், விலை உயர வாய்ப்புள்ளது.

ஜெயந்திலால் சலானி

தங்கம் மற்றும் வைர நகை வியாபாரிகள் சங்க தலைவர், சென்னை.
தினமலர்

balakarthik · balakarthik Tue Jul 21, 2015 1:38 pm

தங்கம் விலை ஏறினாலும் இறங்கினாலும் நம்மூரு Miss தங்கங்களும் Mrs தங்கங்களும் வாங்காம இருக்கவா போறாங்க விக்கிறது வித்துக்கிட்டுத்தான் இருக்கும் இந்தியா அளவுக்கு நகை பித்து வேற நாட்டில் இல்லை

**krishnaamma** · **krishnaamma** Tue Jul 21, 2015 1:42 pm

balakarthik wrote:தங்கம் விலை ஏறினாலும் இறங்கினாலும் நம்மூரு Miss தங்கங்களும் Mrs தங்கங்களும் வாங்காம இருக்கவா போறாங்க விக்கிறது வித்துக்கிட்டுத்தான் இருக்கும் இந்தியா அளவுக்கு நகை பித்து வேற நாட்டில் இல்லை

மேற்கோள் செய்த பதிவு: 1152073

நிஜம் பாலா புன்னகை

கவியரசன்(கவிச்சுடர்) · 16/07/2015

சாதாரணமாவே குதிப்பாங்க இப்ப ................

**krishnaamma** · **krishnaamma** Tue Jul 21, 2015 2:02 pm

கவியரசன்(கவிச்சுடர்) wrote:
சாதாரணமாவே குதிப்பாங்க இப்ப ................

மேற்கோள் செய்த பதிவு: 1152100

எஸ்.......எஸ்.....எஸ்............ ஆமோதித்தல்

................ நடனம்

.......... குதூகலம்

கவியரசன்(கவிச்சுடர்) · 16/07/2015

krishnaamma wrote:
கவியரசன்(கவிச்சுடர்) wrote:
சாதாரணமாவே குதிப்பாங்க இப்ப ................
மேற்கோள் செய்த பதிவு: 1152100

எஸ்.......எஸ்.....எஸ்............ ................ ..........

மேற்கோள் செய்த பதிவு: 1152102

போடுறா பாட்ட எ டண்டனக்கா

**krishnaamma** · **krishnaamma** Tue Jul 21, 2015 2:09 pm

கவியரசன்(கவிச்சுடர்) wrote:
krishnaamma wrote:
கவியரசன்(கவிச்சுடர்) wrote:
சாதாரணமாவே குதிப்பாங்க இப்ப ................
மேற்கோள் செய்த பதிவு: 1152100

எஸ்.......எஸ்.....எஸ்............ ................ ..........
மேற்கோள் செய்த பதிவு: 1152102

போடுறா பாட்ட எ டண்டனக்கா

மேற்கோள் செய்த பதிவு: 1152105

சிரி சிரி

Sponsored content · Sponsored content

தங்கம் விலை கணிசமாகக் குறைந்ததால், நுகர்வோர் மகிழ்ச்சி!

தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

Re: தங்கம் விலை கணிசமாகக் குறைந்ததால், நுகர்வோர் மகிழ்ச்சி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக