நாடாளுமன்ற மழைக்காலக் கூட்டத் தொடர்: 23 நாட்களில் 32 மசோதாக்களை நிறைவேற்ற திட்டம்

நாடாளுமன்றத்தின் மழைக்காலக் கூட்டத் தொடர் நாளை துவங்கி உள்ளது. இதில் நிலம் கையகப்படுத்தும் அவசர சட்டத்தை 4-வது முறையாக பிறப்பிக்க மத்திய அரசு திட்டமிட்டு இருப்பதாக தகவல் வெளியாகியுள்ளது.

இந்நிலையில், நாடாளுமன்ற மழைக்கால கூட்டத்தொடர் நாளை தொடங்கி ஆகஸ்ட் 3-ம் தேதி முடிய உள்ளது. இந்நிலையில், 4-வது முறையாக நிலம் கையகப்படுத்தும் அவசர சட்டத்தை மத்திய அரசு கொண்டு வரும் என்று எதிர்பார்க்கப்படுகின்றது. அப்படி 4-வது முறை அவசர சட்டம் பிறப்பிக்கப்பட்டால், அதுவே முதல்முறையாக இருக்கும் என்பது குறிப்பிடத்தக்கது.

நிலம் கையகப்படுத்தும் மசோதாவை பா.ஜனதா எம்.பி.யான அலுவாலியா தலைமையில் அமைக்கப்பட்ட கூட்டுக் குழுவின் ஆய்வில் உள்ளது. இக்குழு தங்கள் முடிவை நாடாளுமன்ற கூட்டம் தொடங்கும் நாளில் மத்திய அரசிடம் சமர்ப்பிக்கும் என்று எதிர்பார்க்கப்பட்டது. ஆனால், அறிக்கை தாக்கல் செய்ய அலுவாலியா மேலும் 2 வார கால அவகாசம் கேட்க திட்ட மிட்டுள்ளதாக புதுதில்லி வட்டாரங்கள் கூறுகின்றன.

இதனால் நிலம் கையகப்படுத்தும் அவசர சட்டத்தை மழைக்கால கூட்டத் தொடரிலும் நிறைவேற்ற முடியாத சூழல் ஏற்பட்டுள்ளது. ஆகவே, நாடாளுமன்ற மழைக்கால கூட்டத் தொடர் முடிவதற்கு முன்பு 4-வது முறையாக நிலம கையகப்படுத்துதல் அவசர சட்டம் பிறப்பிக்கப்படும் என்று தெரிகிறது. 4-வது முறையாக அவசர சட்டம் பிறப்பிக்கப்பட்டால் அதுவே நாட்டில், முதல் முறையாக இருக்கும் என்று கூறப்படுகிறது.

சரியாக 23 நாட்கள் நடைபெறும் இந்த கூட்டத் தொடரில் 32 மசோதாக்களை நிறைவேற்ற மத்திய அரசு திட்டமிட்டுள்ளது. எதிர்க்கட்சிகளின் அமளி, ஒத்திவைப்புகளுக்கு இடையே இந்த திட்டம் எந்த அளவுக்கு நிறைவேறும் என்று பொருத்திருந்துதான் பார்க்க வேண்டும்.
-
தினமணி