இராம ஜெயம்

by **M.Jagadeesan** Sun Jul 19, 2015 10:25 am

First topic message reminder :

நம் இந்தியக் குடும்பங்களில் குறிப்பாகத் தமிழ்நாட்டுக் குடும்பங்களில் "இராம ஜெயம்" எழுதுவதை சிலர் அன்றாட வழக்கமாகக் கொண்டுள்ளனர். காலையில் கடவுளை வணங்கிய பின்னர் ஒரு நோட்டுப் புத்தகத்தில் 108 முறை தினமும் "இராம ஜெயம்" எழுதுவர். அலுவலகம் செல்பவர்கள் கூட சிலர், அந்த நோட்டுப் புத்தகத்தை உடன் எடுத்துச் செல்வர். உணவு இடைவேளை மற்றும் ஓய்வு நேரம் கிடைக்கும்போது எல்லாம், " இராம ஜெயம் " எழுதுவர். நினைத்த காரியம் வெற்றி பெறவேண்டும் என்பதற்காக ' இராம ஜெயம் " எழுதுவர்.

போரில் இராமன் வெற்றி பெற்றதை சீதையிடம் சொல்லவந்த அனுமன், " இராம ஜெயம் " என்று சொல்கிறான். வேற்றுமை உருபு சேர்க்காமல் எழுதுவது வடமொழி மரபாகும். ஆனால் தமிழ் மொழியில் அப்படி எழுதும் வழக்கம் கிடையாது. "இராம ஜெயம்" என்பதை தமிழில் எழுதினால் " இராமன் வெற்றி " என்று எழுதவேண்டும். இவ்வாறு வேற்றுமை உருபு சேர்க்காமல் எழுதினால் பொருளைப் புரிந்து கொள்வதில் குழப்பம் ஏற்படும். ஏனெனில் அதைக் கீழ்க்கண்டவாறு விரித்து எழுதலாம்.

இராமனை வெற்றி
இராமனால் வெற்றி
இராமனோடு வெற்றி
இராமனுக்கு வெற்றி
இராமனின் வெற்றி
இராமனுடைய வெற்றி
இராமன் கண் வெற்றி
இராமனே வெற்றி

இதில் எதை நாம் எடுத்துக் கொள்வது? இராமாயணக் கதை நமக்கு நன்கு தெரியுமாதலால் வெற்றி பெற்றது இராமன் என்பது நமக்குத் தெரியும். எனவே " இராமனுக்கு வெற்றி " என்பதே சரி என்று சொல்வோம். ஆனால் இராமாயணக் கதை தெரியாத ஒருவருக்கு இதில் எது சரி என்பது எப்படித் தெரியும்?

ஆங்கிலத்திலும் இக்குழப்பம் உண்டு.
Rama killed Ravanaa. இதன் பொருள் இராமன் இராவணனைக் கொன்றான் என்பதாகும். இதை அப்படியே தமிழ்ப் படுத்தினால் "இராமன் கொன்றான் இராவணன் " என்று வரும். இராமாயணக் கதை அறியாத ஒருவருக்கு யாரை யார் கொன்றார் என்பதில் குழப்பம் ஏற்படுவது இயற்கைதானே? இந்தக் குழப்பம் எப்படி வந்தது? உருபு சேர்க்காமல் எழுதியதால்தானே? இதையே செயப்பாட்டு வினையில் "Ravanaa was kiilled by Rama" என்று " by " உருபு (Preposition) சேர்த்து எழுதும்போது இக்குழப்பம் ஏற்படுவதில்லை. தமிழ் மொழியில் உருபு சேர்த்து வாக்கியங்களை நாம் எழுதுவதால் எவ்விதக் குழப்பமும் ஏற்படுவதில்லை.

எனவே இனிமேல் புதிதாக " இராம ஜெயம் " எழுதுபவர்கள் " இராமனுக்கு ஜெயம் "என்று எழுதலாமே ! அல்லது அழகு தமிழில் "இராமனுக்கு வெற்றி " என்று எழுதலாமே !

by shobana sahas Tue Jul 21, 2015 3:13 am

ரொம்ப நன்றி க்ரிஷ்ணாம்மா, ரமணீயன் அய்யா . எனக்கு ஒரு வேண்டுதல் உள்ளது . 1008 தடவை ராமஜயம் எழுதுவதாக ... "ராமனுக்கு வெற்றி " என்று எழுத போகிறேன் ... நன்றி ..

by **krishnaamma** Tue Jul 21, 2015 12:09 pm

shobana sahas wrote:ரொம்ப நன்றி க்ரிஷ்ணாம்மா, ரமணீயன் அய்யா . எனக்கு ஒரு வேண்டுதல் உள்ளது . 1008 தடவை ராமஜயம் எழுதுவதாக ... "ராமனுக்கு வெற்றி " என்று எழுத போகிறேன் ... நன்றி ..

மேற்கோள் செய்த பதிவு: 1151867

கண்டிப்பாக உங்களது வேண்டுதல் நிறைவேறும் ஷோபனா புன்னகை

by **விமந்தனி** Tue Jul 21, 2015 12:21 pm

ஸ்ரீராமஜயம் :வணக்கம்:

by **T.N.Balasubramanian** Tue Jul 21, 2015 1:10 pm

ஸ்ரீராமஜயம் :வணக்கம்:

ரமணியன்

by **M.Jagadeesan** Tue Jul 21, 2015 3:30 pm

மொழிக்கு முதலில் " ர " என்ற எழுத்து வரக்கூடாது என்பது இலக்கண விதி .

ராமசாமி -தவறு
இராமசாமி - சரி

ராமானுஜம் - தவறு
இராமானுஜம் -சரி

ரவி - தவறு
இரவி -சரி

ராதாகிருஷ்ணன் - தவறு
இராதாகிருஷ்ணன் - சரி

இவ்வாறே

ராமஜெயம் - தவறு
இராமஜெயம் -சரி அல்லது இராமஜயம் என்றும் எழுதலாம் .

by சரவணன் Tue Jul 21, 2015 3:39 pm

shobana sahas wrote:ரொம்ப நன்றி க்ரிஷ்ணாம்மா, ரமணீயன் அய்யா . எனக்கு ஒரு வேண்டுதல் உள்ளது . 1008 தடவை ராமஜயம் எழுதுவதாக ... "ராமனுக்கு வெற்றி " என்று எழுத போகிறேன் ... நன்றி ..

உங்களுக்கு ஏன் இப்படி குழப்பம், பஞ்சாச்ர மந்திரம் எழுதுங்க. ஹரியும் சிவனும் ஒன்னு தானே.

by shobana sahas Wed Jul 22, 2015 2:34 am

அய்யா நான் தங்களுக்கு நன்றி கூற மறந்துவிட்டேன் ... இராம ஜெயம் - Page 2 1757813334

நன்றி நன்றி ஜெகதீசன் அய்யா .

by **M.Jagadeesan** Wed Jul 22, 2015 8:11 am

நன்றி ஷோபனா !

by jagan Tue Nov 17, 2015 2:11 am

T.N.Balasubramanian wrote:பதிவுக்கு நன்றி , jagadeesan அவர்களே.

காஞ்சி மகா பெரியவா கூறியது நினைவுக்கு வருகிறது .

ஜெயம் என்பது பெயர்
ஜயம் என்பது வெற்றி .
ராம ஜபம் எழுதுபவர்கள் ,
"ராம ஜயம் "என்று எழுதினால் தான் , சரியானது என்றுள்ளார் .
அன்பர்கள் குறித்துக் கொள்ளலாம் .

ரமணியன்

மேற்கோள் செய்த பதிவு: 1151605 இராம ஜெயம் - Page 2 3838410834