தமிழக இப்தார் விருந்தில் அரங்கேறும் அரசியல்

by **சிவா** Mon Jul 13, 2015 11:02 pm

சென்னை : தேசிய அரசியலில் சோனியா, லாலு, கெஜ்ரிவால் உள்ளிட்டோர் இப்தார் விருந்து கொடுப்பதாக கூறி, ஆளுங்கட்சி நீங்களாக அனைத்து கட்சிகளையும் ஒன்று திரட்டி அரசியல் நடத்தி வருகின்றனர். இதே போன்று தமிழகத்திலும் இப்தார் விருந்தில் கலந்து கொள்வதாக கூறி தமிழக அரசியல் கட்சிகள் அரசியல் செய்து வருகின்றன. கூட்டணிக்கு அச்சாரம் போடுவதற்காகவும் சிலர் இந்நிகழ்ச்சியை பயன்படுத்தி வருவதாகவும் கூறப்படுகிறது.

சென்னையில் இந்தியன் யூனியன் முஸ்லிம் லீக் கட்சி சார்பில் இப்தார் விருந்து நடைபெற்றது. இதில் திமுக சார்பில் கனிமொழி, காங்கிரஸ் சார்பில் ஈ.வி.கே.எஸ்.இளங்கோவன் ஆகியோர் கலந்து கொண்டனர். இந்த கூட்டத்தில் பேசிய கனிமொழி, இஸ்லாமிய மக்களின் உரிமைக்காக போராடக்கூடிய இயக்கம் திமுக தான். சிறுபான்மையினருக்கு கல்வி மற்றும் வேலைவாய்ப்பில் இடஒதுக்கீடு அளித்தது திமுக தான். அனைத்து மதங்களும் அன்பை போதிப்பதால், மதவாதத்திற்கு நாட்டில் இடமில்லை என கூறினார்.

ஈ.வி.கே.எஸ்.இளங்கோவன் பேசுகையில், பாபர் மசூதி இடிப்பின் போது கரசேவைக்கு ஆள் அனுப்பிய ஜெயலலிதாவிற்கு இப்தார் நிகழ்ச்சி நடத்த தகுதியில்லை என்றார்.

ராமநாதபுரத்தில் நடைபெற்ற இப்தார் விருந்தில் கலந்து கொண்ட தேமுதிக தலைவர் விஜயகாந்த், நான் சிறுபான்மையினருக்கு எப்போதும் ஆதரவாக இருப்பேன் என்றேன்.

சென்னை எழும்பூரில் நடைபெற்ற இப்தார் நிகழ்ச்சியில் கலந்து கொண்ட மதிமுக பொதுச் செயலாளர் வைகோ, மதசார்பற்ற தன்மையை தொடர்ந்து பாதுகாப்போம் என நானும் எனது கட்சி தொண்டர்களும் உறுதி ஏற்கிறோம் என தெரிவித்துள்ளார்.

இதிலுமா அரசியல் என சமூக ஆர்வலர்கள் கேள்வி எழுப்பி உள்ளனர்.

தினமலர்

by **ayyasamy ram** Tue Jul 14, 2015 8:48 am

by **T.N.Balasubramanian** Tue Jul 14, 2015 9:15 am

ஓட்டிற்காக , காக்கா பிடிக்கும் கும்பல்கள் இந்த அரசியல்வாதிகள் /பஃபூன்கள்
ரம்ஜான் போதுதான் இஸ்லாமியர்களை பற்றிய அக்கறை இவர்களுக்கு .
மதசார்பற்ற தன்மையை காப்போம் என்கின்றவர்கள் ,
மற்ற நேரங்களில் ,
மற்ற மத விழாக்களில் பங்கு கொள்கிறார்களா ?
மதமே இல்லை என்பவர்கள் இப்தார் கொண்டாடுவதும் ,
சுய மதத்திலேயே , வெவ்வேறு ஜாதி எனப் பிரித்து தாழ்த்துவதும்
ஆண்டாண்டு காலம் நாம் கண்டுகொண்டு இருக்கும் தமாஷ்கள்தானே !
ரமணியன்

by balakarthik Tue Jul 14, 2015 4:06 pm

பின்னாடி போஸ்டருல கேப்டன் சிகப்பா இருக்காரு முன்னாடி மைக்குல கருப்பா இருக்காரு இவரு கேப்டனோட ஜெராக்ஸ்சா

by சரவணன் Tue Jul 14, 2015 6:21 pm

balakarthik wrote:பின்னாடி போஸ்டருல கேப்டன் சிகப்பா இருக்காரு முன்னாடி மைக்குல கருப்பா இருக்காரு இவரு கேப்டனோட ஜெராக்ஸ்சா

மேற்கோள் செய்த பதிவு: 1150904ஆமாம் கலர் ஜெராக்ஸ்

by balakarthik Tue Jul 14, 2015 6:24 pm

சரவணன் wrote:
balakarthik wrote:பின்னாடி போஸ்டருல கேப்டன் சிகப்பா இருக்காரு முன்னாடி மைக்குல கருப்பா இருக்காரு இவரு கேப்டனோட ஜெராக்ஸ்சா
மேற்கோள் செய்த பதிவு: 1150904ஆமாம் கலர் ஜெராக்ஸ்

மேற்கோள் செய்த பதிவு: 1150937

போஸ்ட்டருக்கு ஏழெட்டு கோட்டிங் அடிச்சிருப்பாங்க போலிருக்கு Fair & Lovley விளம்பரத்துல வர பொண்ண விட சிகப்பா இருக்காரு

by சரவணன் Tue Jul 14, 2015 6:29 pm

கருப்பு எம் ஜி ஆர் நு சொன்னத சரியா காதுல வாங்காம எம்.ஜி ஆர் மாதிரி சும்மா தக தக ந்னு மின்ராப்ல பிரிண்டு அடிச்சிட்டாங்கலெ

by shobana sahas Tue Jul 14, 2015 10:26 pm

T.N.Balasubramanian wrote:ஓட்டிற்காக , காக்கா பிடிக்கும் கும்பல்கள் இந்த அரசியல்வாதிகள் /பஃபூன்கள்
ரம்ஜான் போதுதான் இஸ்லாமியர்களை பற்றிய அக்கறை இவர்களுக்கு .
மதசார்பற்ற தன்மையை காப்போம் என்கின்றவர்கள் ,
மற்ற நேரங்களில் ,
மற்ற மத விழாக்களில் பங்கு கொள்கிறார்களா ?
மதமே இல்லை என்பவர்கள் இப்தார் கொண்டாடுவதும் ,
சுய மதத்திலேயே , வெவ்வேறு ஜாதி எனப் பிரித்து தாழ்த்துவதும்
ஆண்டாண்டு காலம் நாம் கண்டுகொண்டு இருக்கும் தமாஷ்கள்தானே !
ரமணியன்

மேற்கோள் செய்த பதிவு: 1150797

ரொம்ப சரி அய்யா .