இரக்கம் இல்லாதவள்

**M.Jagadeesan** · **M.Jagadeesan** Mon Jul 13, 2015 9:15 pm

அன்னையும் பிதாவும் முன்னறி தெய்வம் என்று
ஒளவைப் பாட்டி சொன்ன சொல்லால்
என்னைப்பெற்ற தெய்வங்களுக்கு என்நெஞ்சில்
ஐம்பது விழுக்காடு ஒதுக்கிவைத்தேன்.

உடன்பிறந்த ரத்தத்தின் ரத்தங்களுக்கும்
உற்றார் உறவினர்களுக்கும்
முப்பது விழுக்காடு முடக்கி வைத்தேன்.

எழுத்தறிவித்த ஆசான்களுக்கும் என்
கெழுதகை நண்பர்களுக்கும்
பத்து விழுக்காடு பரப்பி வைத்தேன்.

நான்
உய்யும் பொருட்டு
உணவு அளிக்கின்ற
செய்யும் தொழிலுக்கு
ஒன்பது விழுக்காடு
ஒதுக்கி வைத்தேன்.

நேற்றைய தினம் உன்னைக்கண்டு
நெஞ்சம் பறிகொடுத்தேன்
மீதமிருந்த ஒரு விழுக்காட்டை உன்
காதலுக்காகக் கணக்கில் வைத்தேன்.
ஆனால் இன்றோ! என் நெஞ்சில்
எல்லா இடத்தையும் நீயே நிரப்பி
மற்றெவரையும்
இல்லாமல் செய்துவிட்டாய்
இரக்கம் இல்லாதவளே !

shobana sahas · shobana sahas Wed Jul 15, 2015 12:24 am

அருமை அய்யா . உண்மை .. சிறிது சிறிதாய் வந்து பெரிய இடத்தை எடுத்துக்கொண்டு விட்டார்கள் . வாழ்த்துக்கள் .

**ayyasamy ram** · **ayyasamy ram** Wed Jul 15, 2015 6:39 am

--இருபது கோடி நிலவுகள் கூடி பெண்மையானதோ,,,
அப்படிப்பட்ட பெண் எதிரே வந்தால்...?!

**M.Jagadeesan** · **M.Jagadeesan** Wed Jul 15, 2015 8:26 am

ஷோபனா , ஐயாசாமிராம் ஆகியோரின் பாராட்டுக்கு நன்றி .

Sponsored content · Sponsored content

இரக்கம் இல்லாதவள்

இரக்கம் இல்லாதவள்

Re: இரக்கம் இல்லாதவள்

Re: இரக்கம் இல்லாதவள்

Re: இரக்கம் இல்லாதவள்

Re: இரக்கம் இல்லாதவள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக