இந்தியா- நியூசிலாந்து ஒரு நாள் கிரிக்கெட் : இந்தியா அபார வெற்றி

**சிவா** · **சிவா** Tue Mar 03, 2009 4:37 pm

நேப்பியர் : இந்தியா நியூசிலாந்து அணிகளுக்கு இடையேயான முதல் ஒரு நாள் போட்டி நேப்பியரில் நடைபெற்றது. இந்தியா 53 ரன்கள் வித்தியாசத்தில் நியூசிலாந்தை வீழ்த்தியது. டாஸ் வென்று முதலில் பேட்டிங் செய்த இந்தியா நிர்ணயிக்கப்பட்ட 38 ஓவர்களில் 4 விக்கெட் இழப்பிற்கு 273 ரன்கள் எடுத்தது. ஆட்டம் துவங்கி 4 ஓவர்கள் முடிந்திருந்த நிலையில் மழையால் ஆட்டம் தாமதிக்கப்பட்டது, இதனால் ஒவ்வொரு இன்னிங்சுக்கும் ஓவர் 38 ஆக குறைக்கப்பட்டது.

இந்திய அணியில் காயம் காரணமாக இஷசாந்த் சர்மா நீக்கப்பட்டு முனாப் பட்டேல் சேர்க்கப்பட்டுள்ளார். தோனி 84 ரன்களும் , சேவாக் 77 ரன்களும் சுரேஷ்ரெய்னா 63 ரன்களும் எடுத்து அபாரமாக விளையாடினார்கள். சேவாக் மற்றும் ரெய்னா துரிதமாக அரைசதம் அடித்தனர். சேவாக் ஒரு நாள் போட்டிகளில் 34வது அரைசதம் அடித்தார்.

274 ரன்கள் இலக்குடன் களமிறங்கிய நியூசிலாந்து அணி ஆரம்பம் முதலே மந்தமாக ஆடிவந்தது. ரன் ஏதும் எடுக்காமல் இரண்டாவது ஓவரில் முதல் விக்கெட் வீழ்ந்தது . ‌பிரண்டன் மெக்கலம் டக் அவுட் ஆனார். பின்னர் மீண்டும் மழை பெய்ததால் ஆட்டம் நிறுத்தி வைக்கப்பட்டது . ஆட்டம் துவங்கிய போது 28 ஓவர்களாக குறைக்கப்பட்டன . இது நியூசிலாந்து மேலும் பின்னடைவை ஏற்படுத்தியது. அடுத்தடுத்து விக்கெட்டுகள் சரிந்தன . நியூசிலாந்து 9 விக்கெட்டுகள் இழப்புக்கு 162 ரன்கள் எடுத்தது .

இரண்டு டுவென்டி -20 போட்டிகளிலும் தோல்வியடைந்த நிலையில் இன்றைய போட்டியில் வெற்றி பெற்றுவோம் என இந்திய அணி கேப்டன் ‌தோனி குறிப்பிட்டது போலவே வெற்றி பெற்றுள்ளது.

இந்தியா- நியூசிலாந்து ஒரு நாள் கிரிக்கெட் : இந்தியா அபார வெற்றி

இந்தியா- நியூசிலாந்து ஒரு நாள் கிரிக்கெட் : இந்தியா அபார வெற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக