2ஜி மூலம் கிடைத்த ரூ.10,000 கோடி வெளிநாட்டிற்கு கடத்தல்: ரா 'திடுக்'

by **T.N.Balasubramanian** Fri Jul 10, 2015 3:12 pm

2ஜி மூலம் கிடைத்த ரூ.10,000 கோடி வெளிநாட்டிற்கு கடத்தல்: ரா 'திடுக்'

புதுடில்லி : 2ஜி ஸ்பெக்ட்ரம் ஊழல் மூலம் கிடைத்த சுமார் ரூ.10,000 கோடி வெளிநாடுகளுக்கு கடத்தப்பட்டதாக 'ரா' உளவு அமைப்பு திடுக்கிடும் தகவலை வெளியிட்டுள்ளது. இதற்கான ஆதாரங்கள் கிடைத்துள்ளதாக அமலாக்கப் பிரிவும் தெரிவித்துள்ளதாக தகவல்கள் வெளியாகி உள்ளன.

2ஜி மூலம் கிடைத்த ரூ.10,000 கோடி வெளிநாட்டிற்கு கடத்தல்: ரா 'திடுக்' 0LvwOwNUSyDmOIkangRG+Tamil_News_large_1293103

2ஜி மூலம் கிடைத்த ரூ.10,000 கோடி வெளிநாட்டிற்கு கடத்தல்: ரா 'திடுக்' 0LvwOwNUSyDmOIkangRG+Tamil_News_large_1293103

2ஜி ஊழலுடன் தொடர்புடைய நாட்டின் மிகப் பெரிய ஹவாலா நிதி மோசடியை அமலாக்கத் துறை கண்டுபிடித்துள்ளதாக தகவல் வெளியாகி உள்ளது. 2ஜி முறைகேட்டில் தொடர்புடைய லஞ்சப் பணம் பல நாடுகளுக்கும் கொண்டு செல்லப்பட்டிருப்பதாக அமலாக்கத் துறை வட்டாரங்கள் தெரிவிக்கின்றன. இந்த மோசடியில் தனியார் வங்கி ஒன்றுக்கும் தொடர்புள்ளதாக கூறப்படுகிறது. 2ஜி வழக்கில் குற்றம்சாட்டப்பட்டுள்ள முன்னாள் மத்திய அமைச்சர் ஆ. ராசாவுக்கு சென்னையைச் சேர்ந்த ஒரு நிறுவனம் இந்த விஷயத்தில் உதவியதாகவும், 2ஜி முறைகேட்டில் கைமாறிய பணம் துபாயைச் சேர்ந்த ஒரு நிறுவனத்துக்கு சென்றதாகவும் கூறப்படுகிறது.
அங்கிருந்து ஹாங்காங் உள்ளிட்ட சில நாடுகளை அந்தத் தொகை சென்றடைந்ததாகவும் தகவல்கள் தெரிவிக்கின்றன. 2012-13ம் ஆண்டில் உளவு அமைப்பான 'ரா' அளித்த தகவலின் அடிப்படையில் நடத்தப்பட்ட விசாரணையில் இது தெரிய வந்துள்ளது. அகமதாபாத்தைச் சேர்ந்த அமலாக்கப் பிரிவு அதிகாரிகள் சூரத்தைச் சேர்ந்த வைர நிறுவனங்களில் ஹவாலா மோசடி குறித்து நடத்திய விசாரணையின் போது 2ஜி முறைகேட்டில் பெறப்பட்ட லஞ்சப் பணம் வெளிநாடுகளுக்குச் சென்றது தெரிய வந்ததாக கூறப்படுகிறது.
சுமார் ரூ.10,000 கோடி அளவிற்கு இந்திய பணம் வெளிநாடுகளுக்கு சென்றிருப்பதாக அமலாக்கப்பிரிவு தெரிவித்துள்ளது. சிலர் கைது செய்யப்பட்டு, சிலருக்கு கைது வாரண்ட் பிறப்பிக்கப்பட்டுள்ளது. இந்த பண பரிமாற்றத்தில் முக்கிய பங்கு வகித்த பிரித்விராஜ் கோதாரி என்ற தங்க நகை வியாபாரியை போலீசார் தேடி வருகின்றனர். இவரை கைது செய்யப்பட்டால் பலரைப் பற்றிய திடுக்கிடும் தகவல்கள் வௌியாகும் என எதிர்பார்க்கப்படுகிறது.

நன்றி தினமலர்

ரமணியன்

by **ayyasamy ram** Fri Jul 10, 2015 6:04 pm

கூறப்படுகிறது
-
என்ற செய்தியை எந்தளவுக்கு நம்பலாம்...??!!!

by **T.N.Balasubramanian** Fri Jul 10, 2015 7:15 pm

கூறப்படுகிறது ,எதிர்பார்க்கப்படுகிறது
எல்லாம் " வ..ரு..ம் ஆனா வ..ரா.....து "போன்றே
பத்திரிகைகளின் சமாளிப்புகள் .

ரமணியன்

by **ராஜா** Sat Jul 11, 2015 8:22 pm

T.N.Balasubramanian wrote:கூறப்படுகிறது ,எதிர்பார்க்கப்படுகிறது
எல்லாம் " வ..ரு..ம் ஆனா வ..ரா.....து "போன்றே
பத்திரிகைகளின் சமாளிப்புகள் .

ரமணியன்

சில நேரங்களில் உண்மையின் வெப்பத்தை ( புன்னகை

) தாங்க முடியாமல் போக நேரிடும் அல்லவா , அப்போ ஒரு ஊகத்தில் தான் செய்தி போட்டோம் என்று ஜகா வாங்கிடலாம் தானே

by **T.N.Balasubramanian** Sat Jul 11, 2015 8:33 pm

ராஜா wrote:
T.N.Balasubramanian wrote:கூறப்படுகிறது ,எதிர்பார்க்கப்படுகிறது
எல்லாம் " வ..ரு..ம் ஆனா வ..ரா.....து "போன்றே
பத்திரிகைகளின் சமாளிப்புகள் .

ரமணியன்
சில நேரங்களில் உண்மையின் வெப்பத்தை ( ) தாங்க முடியாமல் போக நேரிடும் அல்லவா , அப்போ ஒரு ஊகத்தில் தான் செய்தி போட்டோம் என்று ஜகா வாங்கிடலாம் தானே

மேற்கோள் செய்த பதிவு: 1150294

அதே அதே
ரமணியன்