முதல்வர் ஜெயலலிதா நிகழ்ச்சிகள் திடீர் ரத்து

**சிவா** · **சிவா** Mon Jul 13, 2015 10:08 pm

சென்னை: முதல்வர் ஜெயலலிதா நிகழ்ச்சிகள் அனைத்தும், திடீரென ரத்து செய்யப்பட்டன. முதல்வர் ஜெயலலிதா, ஆர்.கே.நகர் தொகுதி எம்.எல்.ஏ.,வாக, கடந்த 4ம் தேதி பதவியேற்றார். அதன்பின், தலைமை செயலகம் வரவில்லை.

இன்று அவர், தலைமை செயலகம் வருவார் என, அதிகாரிகள் தெரிவித்தனர்.அதனால், தலைமை செயலகத்தில், பள்ளி மாணவ, மாணவியருக்கு, இலவச சைக்கிள்கள் வழங்கும் விழா மற்றும் உயர்கல்வித் துறை சார்பில், கல்லுாரி பேராசிரியர்களுக்கு பணி நியமன உத்தரவு வழங்கும் விழாவுக்கு ஏற்பாடு செய்யப்பட்டது.

அதற்கேற்ற வகையில், முதல்வரை வரவேற்று, கடற்கரை சாலையில், வழிநெடுகிலும் விளம்பர பேனர்கள் வைக்கப்பட்டன. பிற்பகல் 2:55 மணிக்கு, முதல்வர் போயஸ் கார்டனில் இருந்து புறப்பட்டு, தலைமை செயலகம் வருவார் என்றும், அறிவிக்கப்பட்டது; போலீஸ் பாதுகாப்பும் போடப்பட்டிருந்தது.

ஆனால், திடீரென, முதல்வர் நிகழ்ச்சிகள் அனைத்தும் ரத்து செய்யப்பட்டன. இதற்காக, அதிகாரபூர்வமாக எந்த அறிவிப்பும் வெளியாகவில்லை.

**சிவா** · **சிவா** Mon Jul 13, 2015 10:11 pm

கும்பிடு குருசாமி அண்ணே, அடுத்த முதல்வராக தயாராக இருக்கிறீர்கள் தானே!

ஓபிஎஸ் போன்ற அதிர்ஷ்டசாலி உலகில் இதுவரை இல்லை, இனிமேலும் இருக்கப் போவதில்லை!

**M.Jagadeesan** · **M.Jagadeesan** Mon Jul 13, 2015 10:33 pm

முதல்வருக்கு என்ன நடந்தது ? ஏன் இந்த மூடு மந்திரம் ? முதல்வர் என்பவர் மக்களால் தேர்ந்தெடுக்கப்பட்டவர் . அவருடைய உடல்நிலை சரியில்லைஎன்றால் அதுகுறித்து மக்களுக்குத் தெரிவிக்கவேண்டியது அரசின் கடமை . வேறு காரணம் இருப்பின் அதையும் வெளிப்படையாக மக்களுக்குத் தெரிவிக்கவேண்டும் .

**சிவா** · **சிவா** Mon Jul 13, 2015 10:48 pm

M.Jagadeesan wrote:முதல்வருக்கு என்ன நடந்தது ? ஏன் இந்த மூடு மந்திரம் ? முதல்வர் என்பவர் மக்களால் தேர்ந்தெடுக்கப்பட்டவர் . அவருடைய உடல்நிலை சரியில்லைஎன்றால் அதுகுறித்து மக்களுக்குத் தெரிவிக்கவேண்டியது அரசின் கடமை . வேறு காரணம் இருப்பின் அதையும் வெளிப்படையாக மக்களுக்குத் தெரிவிக்கவேண்டும் .

அதிமுகவின் அரைவேக்காட்டு அமைச்சர்கள் தான்தோன்றித்தனமாகச் செயல்படுபவர்கள். தமிழகத்தில் மக்களுக்கான ஆட்சி என்பதை மறந்து ஜெயலலிதாவுக்கான ஆட்சி என்ற மாயையை உருவாக்கி அதில் ஆட்சியாளர்கள் குளிர்காய்ந்து வரும் கேவலமான நிலையை தமிழகம் எதிர்நோக்கி உள்ளது! இந்நிலையில் இவர்களிடமிருந்து மக்கள் எந்த உண்மையையும் எதிர்பார்க்க முடியாது என்பது மட்டும் உண்மை!

**ayyasamy ram** · **ayyasamy ram** Tue Jul 14, 2015 8:59 am

58 வயதில் அரசு ஊழியர்கள் ஓய்வு
பெறுகிறார்கள்...
-
அதே நிலை அரசு பொறுப்பில் உள்ள அமைச்சர்
பெருமக்களும் கடை பிடிக்க வேண்டும்...
-
உடல் உபாதையுடன் அவர்கள் எடுக்கும் முக்கிய
முடிவுகள் மக்களை பாதிக்க கூடியதாக அமையாம்
-
அமைச்சர்கள் எண்ணிக்கையை கட்டுப்படுத்த
சட்டம் கொண்டு வந்தது போல, பதவி வகிக்கவும்
வயது நிர்ணயித்து சட்டம் இயற்ற வேண்டும்...!!

Sponsored content · Sponsored content

முதல்வர் ஜெயலலிதா நிகழ்ச்சிகள் திடீர் ரத்து

முதல்வர் ஜெயலலிதா நிகழ்ச்சிகள் திடீர் ரத்து

Re: முதல்வர் ஜெயலலிதா நிகழ்ச்சிகள் திடீர் ரத்து

Re: முதல்வர் ஜெயலலிதா நிகழ்ச்சிகள் திடீர் ரத்து

Re: முதல்வர் ஜெயலலிதா நிகழ்ச்சிகள் திடீர் ரத்து

Re: முதல்வர் ஜெயலலிதா நிகழ்ச்சிகள் திடீர் ரத்து

Re: முதல்வர் ஜெயலலிதா நிகழ்ச்சிகள் திடீர் ரத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக