பரிதிமாற் கலைஞர் (வி.கோ. சூரியநாராயண சாஸ்திரி) - பிறந்த நாள்

பரிதிமாற் கலைஞர் (வி.கோ. சூரியநாராயண சாஸ்திரி)
ஜூலை 6, 1870 - நவம்பர் 2, 1903)
------------------

-
தமிழை உயர்தனிச் செம்மொழி எனச்சுட்டிய
ஆராய்ச்சியாளர். தாய்மொழியாம் தமிழுக்கு
இயல், இசை, நாடக அணிகளைச் சூட்டி அழகு
பார்த்தவர்!
-
தன்னால் தமிழ் வாழவேண்டும் என்ற உணர்வாளர்.
தாய்மொழியிலேயே கல்வி கற்க வலியுறுத்தியவர்.
இம்மண்ணில் முப்பத்தி மூன்று ஆண்டுகளே
வாழ்ந்தாலும், தமிழ்-&தமிழர் முன்னேற்றத்துக்காகத்
தம் வாழ்நாள் முழுவதும் பாடுபட்டவர்.
-
“சூரிய நாராயண சாஸ்திரி” என்னும் தமது வடமொழிப்
பெயரை முதன் முதலில் “பரிதிமாற் கலைஞன்” எனத்
தமிழ்ப் பெயராக்கிக் கொண்டவர்.
-
நாடகத் தமிழுக்கு இலக்கணம் வகுத்தவர்.
நவீனத் தமிழிலக்கிய வரலாற்று ஆராய்ச்சிக்கு வித்திட்டவர்.
“சூரியநாராயண சாஸ்திரி”, “பரிதிமாற் கலைஞர்” எனப்
பெயர் கொண்ட பின்னரும், “திராவிட சாஸ்திரி” என
விடாது மக்களால் புகழப்பட்டவர்!
-
குழந்தைகள் பன்னிரண்டு வயது வரை தமிழ் மொழியிலேயே
கல்வி கற்க வேண்டுமென்று ஆங்கிலேய ஆட்சிக்
காலத்திலேயே முழங்கியவர்.-

“பரிதிமாற் கலைஞரால் இயற்றப்பட்ட நூல்கள் யாவும்,
தமிழ் அன்னைக்கு ஏற்ற அணிகள். அவைகளுள் ஒன்று
“தமிழ் மொழன் வரலாறு”, தமிழ் நாட்டில், தமிழ்
மொழி வரலாற்றுக்கு வழிகாட்டியவர் பரிதிமாற்
கலைஞரே. அவர் நீண்ட நாள் உலகில் வாழ்ந்திருந்தால்
தமிழ் அன்னை இழந்த அரியாசனத்தில் ஏறி
அமர்ந்திருப்பாள். முத்தமிழும் ஆக்கம் பெற்றிருக்கும்”
என்று புகழ்ந்துரைத்துள்ளார் தமிழ்த் தென்றல் திரு.வி.க.
-
சென்னைக் கிறிஸ்தவக் கல்லூரியில் 1970ம் ஆண்டு
பரிதிமாற் கலைஞருக்கு நூற்றாண்டு விழா கொண்டாடப்
பட்டது. பரிதிமாற் கலைஞரின் பிறந்த ஊரான
விளாச்சேரியில் அவர் வாழ்ந்த வீட்டை நினைவு
இல்லமாக்கிப் புதுப்பிக்கப்பட்டுள்ளது.
-
அவரது நூல்கள் அனைத்தும் நாட்டுடைமை ஆக்கப்
பட்டுள்ளன.
-
தமிழே தன் இறுதி மூச்சாக வாழ்ந்தவர்
பரிதிமாற் கலைஞர்! அவர் புகழ் “செம்மொழித் தமிழ்”
உள்ளவரை சீரோடும் சிறப்போடும் நிலைத்து நீடு நிற்கும்!
-
--------------------------