உண்மை எப்போதும் கசக்கும்-முஹம்மத் ஸர்பான்

by mohammed sarfan Mon Jul 06, 2015 1:02 am

உண்மை எப்போதும் கசக்கும்-முஹம்மத் ஸர்பான்

வேகமாய் நடக்கும் மந்தைகளை
பார்த்து மனிதன் தன்னை விட
முன்னேறிவிடுமோ? என்று சைவத்தை
அசைவத்தால் இரையாக்குகின்றான்.

அழகான மலர்களை பார்த்து
பொறாமையால் பறித்து மண்ணில்
விழச்செய்கிறாள் பெண்ணொருத்தி.....,

சுத்தமான காற்றையும் அனுமதியின்றி
புட்டியில் அடைத்து விற்கிறார்கள் விஞ்சானிகள்

நீதி தேவதையின் கண்களை
கறுப்புத்துணியால் கட்டி அநீதிக்கு
சார்பாய் விலைபேசுகின்ற வழக்கறிஞர்கள்.

கலையை கைதட்டலுக்கும் பாரட்டுக்குமே
படைக்கும் இலக்கியவாதிகள் தேரில் உலா
வந்தாலும் தமிழுக்கு மட்டும் தான் கழுதைச்சவாரி.

உலகம் பாவத்தை கைதட்டி வரவேற்கிறது.
புண்ணியத்தை மூட்டை கட்டி ஆழமான
குழியில் புதைத்து விட்டது,

நல்லதை விரும்பினால் கல்லறை வாசல்.
தீமைக்கும் துணைபோனால் அடுக்குமாளிகைகள்.
உண்மை எப்போதும் கசக்கும்.

குறிப்பு:25.06.2015 அன்று உதய சூரியன் பத்திரிகையில் வெளி வந்த என்னுடைய கவிதை