அழகான பெண்

by **ayyasamy ram** Sun Jul 05, 2015 10:00 pm

First topic message reminder :

அழகான பெண் - Page 2 XRVFZeGwS1GXiQMTlejW+16

-
சார்… மாடம்பாக்கத்துக்கு எந்த பஸ்ல போகணும்?’’
– கேட்டவர் ஒரு முதியவர்.
-
‘‘டைம் கீப்பர் ஆபீஸ்ல போய்க் கேளுங்க பெரியவரே…’’ –
சொல்லி விட்டு தான் பொறுப்பேற்றிருந்த வண்டி
ரிவர்ஸ் வருவதற்காக விசில் கொடுத்துக் கொண்டிருந்தார்
கண்டக்டர் சையது.
-
‘‘சார்… ஃபைவ் பி எங்கே வரும்?’’ – கல்லூரி மாணவன்
கேட்டான்.
-
‘‘படிக்கத் தெரியும் இல்லே… மேல இருக்கற போர்டைப் பாரு!’’
என்று சொல்லிவிட்டு பஸ்ஸில் ஏறப்போனார்.
-
‘‘சார், இது ராயப்பேட்டை போகுமா?’’ – இந்த முறை கேட்டது
ஓர் அழகான இளம்பெண்.
-
‘‘இந்த வண்டி போகாது. ட்வென்ட்டி ஒன்ல போங்க…
அதோ, அந்த பிளாட்ஃபார்ம்ல வந்து நிக்கும். ரங்கராஜு…
இந்தப் பொண்ணுக்கு ட்வென்டி ஒன் நிக்கற இடத்தைக்
காட்டுப்பா’’ – கீழே நின்ற கண்டக்டர் ஒருவரிடம்
சிரத்தையாகச் சொல்லிவிட்டு விசில் கொடுத்தார் சையது.
-
‘‘அது என்னப்பா… பொண்ணுங்க கேட்டா மட்டும்
பொறுமையா வழி சொல்றே!’’ – ஓட்டுநர் நக்கலாகக் கேட்டார்.
-
‘‘என்ன பண்றது? நானும் ஒரு பொண்ணைப் பெத்தவன்.
தனியா நிக்கிற எந்தப் பெண்ணைப் பார்த்தாலும் காணாம
போன எம் மகள் ஃபாத்திமா ஞாபகம் வரும்!’’ –
சையது கண்கலங்கச் சொன்னார்.
-
-
டிரைவரின் கற்பனையும் கிண்டலும் சடன் பிரேக் பிடித்தன