மதுவிலக்கை தளர்த்த குஜராத் திட்டம்

by **ayyasamy ram** Sun Jul 05, 2015 7:43 am

--

காந்தி நகர் :
சர்வதேச தரத்தில் உருவாக்கப்பட்டு வரும்,
'கிப்ட் சிட்டி' எனப்படும், குஜராத் சர்வதேச நிதி
மற்றும் தொழில்நுட்ப நகரில், வர்த்தகத்தை
பெருக்கும் நோக்கில், மதுவிலக்கு கொள்கையை
தளர்த்த, குஜராத் அரசு ஆலோசித்து வருகிறது.
-
மகாத்மா காந்தியடிகள் பிறந்த குஜராத் மாநிலத்தில்,
பூரண மதுவிலக்கு அமலில் உள்ளது. கிராமங்கள்,
நகரங்கள் எங்கும் மதுபானக் கடைகளே கிடையாது.
-
குறிப்பாக, அரசு சார்பில் மதுபானக் கடைகள் செயல்
படுவதில்லை.இது பெரிய சாதனையாக இருந்தாலும்,
வெளிநாட்டு முதலீடுகளை ஈர்ப்பதில், சிக்கலாகவும்
இருக்கிறது.ஆசிய பிராந்தியத்தில், நிதித் துறையில்
சிறந்து விளங்கும் முன்னோடிகளாக, சிங்கப்பூர்,
துபாய் போன்ற நாடுகள் உள்ளன. இதற்கு போட்டியாக,
குஜராத்தில், 'கிப்ட் சிட்டி' நிர்மாணிக்கப்பட்டது.
-
இப்பகுதியில் வெளிநாட்டு வர்த்தகர்கள் தொழில் நடத்த,
அரசின் மதுவிலக்கு கொள்கை தடையாக இருப்பதை,
மாநில அரசுக்கு தொழில் வல்லுனர்கள் உணர்த்தி
உள்ளனர். இதையடுத்து, அந்த பகுதியில் மட்டும்,
மதுவிலக்கை விலக்கிக் கொள்ள, முதல்வர்
ஆனந்திபென் படேல் தலைமையிலான குஜராத் அரசு
முடிவு செய்துள்ளதாகக் கூறப்படுகிறது.
-
கிப்ட் சிட்டி, வெளிநாட்டு வர்த்தகத்துக்கு
முக்கியத்துவம் தரும் பகுதியாகக் கருதப்படுவதால்,
அங்கு மதுவிலக்கு தளர்த்தப்படும். இணையதளம்
மூலம், ஏற்கனவே, மதுபான அனுமதி சீட்டுகளை
வழங்கத் துவங்கி விட்டது. 'கிப்ட் சிட்டி'யில் உள்ள
ஓட்டல்கள், கிளப்களில், வெளிநாட்டு வர்த்தகர்கள்
வந்து தங்கும்போது, அவர்கள் மதுபானம்
அருந்துவதற்கான அனுமதி சீட்டுகள் எளிதாகக்
கிடைக்கும்.
-
-----------------------------------
தினமலர்

by வேல்முருகன் Sun Jul 05, 2015 6:37 pm

மதுவிலக்கை தளர்த்த குஜராத் திட்டம்

மதுவிலக்கை தளர்த்த குஜராத் திட்டம்

Re: மதுவிலக்கை தளர்த்த குஜராத் திட்டம்