தத்துவம் மச்சி தத்துவம்

-

என்னதான் ஒரு கோழி நம்ம வீட்டு கேட் கிரில்ல உட்கார்ந்து இருந்தாலும், அதை ‘கிரில் சிக்கன்’னு சொல்ல முடியாது!
– சிக்கனமாய் சேர்த்து வைத்து சிங்கிள் ஆளாய் சிக்கன் சாப்பிடுவோர் சங்கம்

– நா.கி.பிரசாத், கோவை.

என்னதான் ஒரு நஷ்டம், தேவதை மாதிரியான ஃபிகர்களால ஏற்பட்டாலும், அந்த நஷ்டத்தை ‘லாஸ் ஏஞ்சல்ஸ்’னு சொல்ல முடியுமா?
– லாஸை வைத்து தத்துவ ஜூஸை தயாரிப்போர் சங்கம்
– வீ.விஷ்ணுகுமார், கிருஷ்ணகிரி.

அன்பா இருக்கிறவன் ஃபிரண்டு; திடீர் திடீர்னு மாறுவது டிரெண்டு. அடிக்கடி போய்க்கிட்டே இருக்கிறதுக்குப் பேருதான் கரன்டு.
– பவர்கட் நேரத்தில் ஃபிரண்டைத் தேடி அலைவதையே டிரெண்டாக வைத்திருப்போர் சங்கம்
– அ.பேச்சியப்பன், ராஜபாளையம்.

‘‘உள்ளூர் திருடர்களோட வாழ்வாதாரம் பாதிக்கக் கூடாதுன்னு நம்ம இன்ஸ்பெக்டர் நினைக்கறாருன்னு எப்படிச் சொல்றே கபாலி?’’
‘‘கண்டிப்பாக வெளியூர் திருடர்களுக்கு இங்கே திருட அனுமதியில்லைன்னு ஊர் எல்லையில போர்டு வச்சிருக்காரே!’’
– பெ.பாண்டியன், காரைக்குடி.

‘‘தலைவர் வெளியில தலைகாட்ட முடியாம அவமானப்பட்டு திரியறாரா… ஏன்?’’
‘‘இன்னும் ஒரு கேஸ்ல கூட அவர் கைதாகலையாம்..!’’
– வி.சகிதா முருகன், தூத்துக்குடி.

‘‘நான் இந்தப் பெட்டிக்கடை வைக்க எங்க அண்ணனோட சம்சாரம்தான் பணம் கொடுத்தாங்க…’’
‘‘சில்லரை வர்த்தகத்துல அண்ணி முதலீடுன்னு சொல்லுங்க!’’
– அ.பேச்சியப்பன், ராஜபாளையம்.

‘‘போதை தலைக்கு ஏறினதும், பாட்டிலைக் கட்டிப் பிடிச்சுக்கிட்டு தலைவர் அழுவறாரே… ஏன்?’’
‘‘இவர் சந்தோஷமா இருக்கறதுக்காக இந்த பாட்டிலை தயாரிக்க எவ்வளவோ பேர் கஷ்டப்படறாங்களேன்னு நினைச்சு அழுவறாராம்!’’
– எஸ்.எஸ்.பூங்கதிர், வில்லியனூர்.

நன்றி- குங்குமம்