விரல்கள் செய்யும் விந்தை!

by **தமிழ்நேசன்1981** Thu Jul 02, 2015 2:23 pm

First topic message reminder :

உண்ணும் உணவு, சுவாசிக்கும் காற்று, வெளிப்புறம் பூசும் சரும கிரீம்கள் என அனைத்திலும் மறைந்து, நிறைந்திருக்கின்றன நச்சுக்கள். உணவையே மருந்தாகச் சாப்பிட்டதுபோய், மருந்தையே உணவாகச் சாப்பிடும் காலத்தில் இந்த நச்சுக்கள் கல்லீரல், சிறுநீரகம் முதல் சின்ன சின்ன அணுக்கள் வரை தங்கியிருக்கின்றன. இந்த நச்சுக்களை அகற்றும் சுலபமான வழி, நம் விரல்களிலேயே உள்ளது. அதுதான் கழிவு நீக்க முத்திரை. கட்டைவிரல் நுனியால் மோதிர விரலின் அடிப் பகுதியில் உள்ள ரேகையைத் தொட்டு அழுத்த வேண்டும். மற்ற விரல்கள் நேராக இருக்க வேண்டும். இது, நிலத்தைத் தீயால் அழிக்கும் முறையாகும்.
விரல்கள் செய்யும் விந்தை! - Page 2 P60b

முத்திரைக்கான கட்டளைகள்

காலை, மாலை இருவேளையும் 5 முதல் 20 நிமிடங்கள் வரை செய்யலாம்.

முத்திரை செய்த பிறகு, கட்டாயம் நீர் அருந்த வேண்டும்.

முத்திரை செய்யும் காலங்களில் நீர் அதிகமாகக் குடிப்பதால், கழிவுகள் எளிதில் வெளியேற்றப்படுகின்றன. வாய் துர்நாற்றம், வயிற்றுப்போக்கு போன்றவை வராமலும் தடுக்கிறது.

புதிதாகச் செய்பவர்களுக்கு, சில நாட்களுக்கு மட்டும் பசி எடுக்காது. எளிதில் செரிக்கக்கூடிய உணவுகளைச் சாப்பிடுவதே நல்லது. வயிறுமுட்ட, சாப்பிடக் கூடாது.

முதன்முதலாகச் செய்பவர்கள், மூன்று வாரங்கள் வரை செய்யுங்கள். பிறகு, மாதத்துக்கு மூன்று நாள் செய்தாலே போதும்.

மருந்துகளை உட்கொள்வோர், இந்த முத்திரையைச் செய்தால், அதிகமாக நீர் அருந்த வேண்டியது மிக அவசியம்.

சிலருக்கு இரண்டு மூன்று முறை வயிற்றுப்போக்கு ஏற்படலாம். இதற்கு, இளநீர், எலுமிச்சைச் சாறு, மோர், வெந்நீர் குடித்தாலே போதும்.
விரல்கள் செய்யும் விந்தை! - Page 2 P60c

பலன்கள்:

காபி, டீ, இனிப்பு உணவுகளுக்கு அடிமையானவர்கள் தொடர்ந்து இந்த முத்திரையைச் செய்தால், அந்தப் பழக்கத்திலிருந்து எளிதில் வெளிவரலாம்.

உடலில் சேர்ந்த கழிவுகள் வெளியேறும். கெட்ட கொழுப்புகள் கரையும்.

புகை, மது போன்ற தீயப் பழக்கங்களிலிருந்து வெளிவர இந்த முத்திரை உதவும்.

மனதில் ஏற்படும் எதிர்மறை எண்ணங்கள் கட்டுப்படும்.

முடி வளர்ச்சி சீராக இருக்கும். சருமத்தில் பொலிவுகூடும். சீரற்ற மாதவிலக்குப் பிரச்னை தீரும். உடலும் மனமும் ஆரோக்கியமாகும்.

நோய்கள் இன்றி ஆரோக்கியமான வாழ்க்கை வாழ, கழிவு நீக்க முத்திரை நமக்கு ஒரு வழிகாட்டி.

நன்றி-டாக்டர்விகடன்

by **T.N.Balasubramanian** Mon Jul 20, 2015 8:49 pm

செயல் முறை படங்கள் ,குறிப்புகள் நன்றாக உள்ளது .
நன்றி

ரமணியன்

by **krishnaamma** Mon Jul 20, 2015 9:06 pm

நல்ல பகிர்வு நேசன்...மிக்க நன்றி புன்னகை

by **ayyasamy ram** Mon Jul 20, 2015 10:24 pm

by shobana sahas Tue Jul 21, 2015 7:56 am

by **விமந்தனி** Tue Jul 21, 2015 10:53 am

அருமையான பகிர்வு தமிழ். நானும் முயற்சி செய்து பார்க்கிறேன். தூக்கமின்மை தான் பெரும் பிரச்சனையாக இருக்கிறது. இன்னும் தொடர்ந்து போடுங்கள். அப்படியே மூச்சு பயிற்சி செய்வது பற்றியும் பதிவிடுங்கள்.

by balakarthik Tue Jul 21, 2015 11:09 am

நல்ல பகிர்வு அண்ணா

ப்ராணாயமம் யோகாசனம் போன்றவைகளை முடிந்தவரை புத்தகத்தை படித்து செய்யாமல் முறையான குருவை அணுகி செய்வதே நல்லது ஏனென்றால் நமது உடல் நிலைக்கு ஒவ்வாத சில பயிற்சிகளால் வேறு விதமான பிரெச்சனைகள் வரலாம்

by **T.N.Balasubramanian** Tue Jul 21, 2015 11:35 am

விமந்தனி wrote:அருமையான பகிர்வு தமிழ். நானும் முயற்சி செய்து பார்க்கிறேன். தூக்கமின்மை தான் பெரும் பிரச்சனையாக இருக்கிறது. இன்னும் தொடர்ந்து போடுங்கள். அப்படியே மூச்சு பயிற்சி செய்வது பற்றியும் பதிவிடுங்கள்.

மேற்கோள் செய்த பதிவு: 1151926

அதனால்தானே ,ஜாமக் கோழியாய் , பதிவுகள், பதிவிட முடிகிறது .
உங்கள் பிரிச்சினை தீர்ந்தால் , பதிவுகள் அடிப்படாதா ?
ரமணியன்

by **விமந்தனி** Tue Jul 21, 2015 11:50 am

balakarthik wrote:நல்ல பகிர்வு அண்ணா

ப்ராணாயமம் யோகாசனம் போன்றவைகளை முடிந்தவரை புத்தகத்தை படித்து செய்யாமல் முறையான குருவை அணுகி செய்வதே நல்லது ஏனென்றால் நமது உடல் நிலைக்கு ஒவ்வாத சில பயிற்சிகளால் வேறு விதமான பிரெச்சனைகள் வரலாம்

பிராணயாமம் செய்ய கூட குருவை அணுகவேண்டுமா..? சில Blog ல இது பற்றி விவரமா போட்டிருக்காங்களே அதை வச்சு செய்யக்கூடாதா...?

by balakarthik Tue Jul 21, 2015 11:53 am

அவசியம் நல்ல குருமூலமாக கற்பதே சிறந்தது

by **விமந்தனி** Tue Jul 21, 2015 11:54 am

T.N.Balasubramanian wrote:
விமந்தனி wrote:அருமையான பகிர்வு தமிழ். நானும் முயற்சி செய்து பார்க்கிறேன். தூக்கமின்மை தான் பெரும் பிரச்சனையாக இருக்கிறது. இன்னும் தொடர்ந்து போடுங்கள். அப்படியே மூச்சு பயிற்சி செய்வது பற்றியும் பதிவிடுங்கள்.

அதனால்தானே ,ஜாமக் கோழியாய் , பதிவுகள், பதிவிட முடிகிறது .
உங்கள் பிரிச்சினை தீர்ந்தால் , பதிவுகள் அடிப்படாதா ?
ரமணியன்

ஜாமக்கோழி ஆக்கிவிட்டீர்களா என்னை...? புன்னகை

எனக்கு எப்போது பலன் சொல்லப்போகிறீர்கள்?