சென்னையில் நிலத்தை ரூ.550 கோடிக்கு விற்ற நெரோலாக்

சென்னை:
சென்னையில் இருந்த 15.86 ஏக்கர் நிலத்தை,
ரூ.550 கோடிக்கு நெரோலாக் பெயின்ட் நிறுவனம்
விற்றுள்ளது.

சென்னை பெருங்குடியில், முன்னணி பெயின்ட்
தயாரிப்பு நிறுவனமான நெரோலாக்கிற்கு
சொந்தமான 15.86 ஏக்கர் நிலம் இருந்தது.
இந்த நிலத்தை விற்கலாம் என அந்நிறுவன
நிர்வாக கூட்டத்தில் முடிவு செய்யப்பட்டது.

நிலத்தை ரூ.550 கோடிக்கு பெங்களூரை சேர்ந்த
பிரிகேட் பிராபர்ட்டீஸ் என்ற நிறுவனம் வாங்கி
உள்ளது. இந்நிறுவனத்திற்கு சிங்கப்பூர் அரசுக்கு
சொந்தமான முதலீட்டு நிறுவனத்தின் ஆதரவும்
இருந்துள்ளது.

சென்னையில் நடந்த நில விற்பனையில் மிக
ப்பெரியது என கருதப்படும் இந்த ஒப்பந்தத்தினால்,
அந்த இடத்தின் மதிப்பு ஒரு சதுர அடிக்கு ரூ.7959 என
கணக்கிடப்பட்டு உள்ளது.

இது குறித்து கருத்து தெரிவித்த ரியல் எஸ்டேட்
ஆலோசகர் ராஜேஷ் பாபு, ""சமீப காலமாக
சென்னையில் ரியல் எஸ்டேட் தொழில் மந்தமாக
இருந்தது.
இந்த விற்பனை மூலம், இத்தொழில் மீண்டும்
சூடு பிடிக்கும்'' என்றார்.

ஏற்கனவே, பிரிகேட் நிறுவனம் பெங்களூருவில்
ஒயிட்பீல்ட் மற்றும் புரூக்பீல்ட் ஆகிய இடங்களில்
இரண்டு குடியிருப்பு வளாகங்களை கட்டும்
பணியில் ஈடுபட்டுள்ளது. சென்னை பெருங்குடியிலும்
குடியிருப்புகளை கட்டி வருகிறது.

எடுக்க முடியுமா?: இதற்கிடையே, இவ்வளவு தொகை
கொடுத்து வாங்கப்பட்ட நிலத்தை வைத்து முதலீட்டை
திரும்ப எடுக்க முடியுமா என்ற கேள்வி எழுந்துள்ளது.

ரியல் எஸ்டேட் அதிபர் ஒருவர் கூறுகையில்,
"பிரிகேட் வாங்கிய விலைக்கு, வணிக வளாகம்
கட்டினால் ஒரு சதுர அடிக்கு ரூ.80 முதல் ரூ.90 வரை
விற்றாக வேண்டும், குடியிருப்பாக இருந்தால், ஒரு சதுர
அடி ரூ.11000க்கு விற்றாக வேண்டும். இவ்வளவு
விலைக்கு விற்பது ரொம்ப கடினம்'' என்கிறார்.

சில நாட்களுக்கு முன்பு, பெருங்குடி அருகே உள்ள
தகவல் தொழில்நுட்ப பொருளாதார மண்டலத்தை
கனடாவை சேர்ந்த ஒரு நிறுவனத்திற்கு
ரூ.1340 கோடிக்கு விற்றது சபூர்ஜி பலோன்ஜி நிறுவனம்.
வெளிநாட்டு வாழ் இந்தியரான சி.சிவசங்கரன் தனது
இடத்தை ரூ.400 கோடிக்கு விற்றார்.
-
----------------

-தினமலர்