மது அருந்துவது அடிப்படை உரிமை

by **ayyasamy ram** Tue Jun 30, 2015 11:39 am

-
"மது அருந்துவது அடிப்படை உரிமையாகும். மேலும், மது அருந்துவது என்பது சமூக அந்தஸ்தின் அடையாளமாகும்' என்று மத்தியப் பிரதேச மாநில உள்துறை அமைச்சர் பாபுலால் கெüர் கூறியுள்ளது பெரும் சர்ச்சையை ஏற்படுத்தி உள்ளது.
-தினமணி
மத்தியப் பிரதேச மாநிலத் தலைநகர் போபாலில் மது விற்பனை நேரம் இரவு 10 மணியிலிருந்து 11:30 மணியாக நீட்டிக்கப்பட்டுள்ளது தொடர்பாக, அமைச்சர் பாபுலால் கெüரிடம் செய்தியாளர்கள் ஞாயிற்றுக்கிழமை கேள்வி எழுப்பினர்.
-
அப்போது அவர் கூறியதாவது:
-
மது அருந்துவோரால் சமுதாயத்தில் குற்றங்கள் அதிகரிப்பதாக கூற முடியாது. காரணம், மது அருந்தியதும் ஒருவர் தனது சுயஉணர்வை இழந்துவிடுகிறார்; பிறகு எப்படி அவர் குற்றச் செயல்களில் ஈடுபட முடியும்?
-
அளவோடு மது குடிப்பவரால் எந்த குற்றமும் நிகழ்வதில்லை. எனவே, யாரும் அளவுக்கு அதிகமாக மது அருந்தக் கூடாது. மது அருந்துவது ஒருவரின் அடிப்படை உரிமையாகும். மேலும், இன்றைய காலகட்டத்தில் அது சமூக அந்தஸ்தின் அடையாளமாகும் என்று பாபுலால் கெüர் தெரிவித்தார்.
-
"தமிழகத்தில் பெண்கள் முழுமையான உடை அணிவதால், பிற மாநிலங்களைவிட அங்கு பாலியல் குற்றங்கள் குறைவாக நடைபெறுகின்றன' என்றும்,"பெண்கள் பலாத்காரம் செய்யப்படுவது சில நேரங்களில் சரியானது; சில நேரங்களில் தவறானது' என ஏற்கெனவே பல சர்ச்சைக்குரிய கருத்துகளை இவர் தெரிவித்துள்ளது குறிப்பிடத்தக்கது.
-
தினமணி