புதுவை கடற்கரையில் இலவச வைஃபை சேவை

**ayyasamy ram** · **ayyasamy ram** Sat 4 Jul 2015 - 4:52

புதுச்சேரி கடற்கரைச் சாலையில் இலவச வைஃபை
(கம்பி இல்லா இணைய இணைப்பு) சேவையை,
துணை நிலை ஆளுநர் அஜய்குமார் சிங் வியாழக்கிழமை
இரவு தொடக்கிவைத்தார்.

புதுச்சேரியில் எண்ம (டிஜிட்டல்) இந்தியா திட்ட வார விழா,
கடந்த 1-ஆம் தேதி முதல் கடைபிடிக்கப்பட்டு வருகிறது.
இதன் ஒரு பகுதியாக, புதுச்சேரி கடற்கரைச் சாலையில்
இலவச வைஃபை சேவை தொடக்க விழா, லே கபே
ஹோட்டலில் நடைபெற்றது.

ஆளுநர் அஜய்குமார் சிங் சிறப்பு விருந்தினராகக் கலந்து
கொண்டு இந்த சேவையைத் தொடக்கிவைத்தார்.
தலைமைச் செயலகம் முதல், பழைய துறைமுகம் வரை
இந்த சேவையை மக்கள் பயன்படுத்திக் கொள்ளலாம்.

சுண்ணாம்பு ஆறு படகு குழாம் பகுதியில் இந்தச் சேவை
தொடங்கப்பட்டுள்ளது.
மேலும், பாரதிப் பூங்கா, தாவரவியல் பூங்கா, ரயில் நிலையம்,
பேருந்து நிலையம் உள்ளிட்ட இடங்களிலும் வைஃபை சேவை
தொடங்க நடவடிக்கை எடுக்கப்படுகிறது.

தொடர்ந்து, மின் ஒப்பந்தம் கேட்புக்கான கட்டணத்தை வலை
வாசல் வழியாகச் செலுத்தும் திட்டத்தையும் தொடக்கிவைத்தார்.
-
-------------------------தினமணி

வேல்முருகன் · வேல்முருகன் Sat 4 Jul 2015 - 22:50

எல்லா ஊர்களிலும் இச் சேவையை தொடங்கினால் நன்றாக இருக்கும் .......

புதுவை கடற்கரையில் இலவச வைஃபை சேவை

புதுவை கடற்கரையில் இலவச வைஃபை சேவை

Re: புதுவை கடற்கரையில் இலவச வைஃபை சேவை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக