காபியில் உங்கள் உருவம்: ஆசையாய் பார்க்கலாம், அள்ளிப் பருகலாம்

**ayyasamy ram** · **ayyasamy ram** Sat Jun 27, 2015 8:48 am

-
லண்டன்:
பத்து நிமிடங்களில் உங்கள் உருவத்தில்,
காபி நுரையில் ஏற்றித் தரும் இயந்திரம் உருவாக்கப்
பட்டுள்ளது.

காபியும் காதலும் ஒன்றுகொன்று தொடர்பு கொண்டவை
போலும். இதனாலேயே பெரும்பாலான காபி ஷாப்கள்,
காதலர்களின் கூட்டத்தால் கலகலக்கிறது.

காதலர்கள் மட்டுமல்லாது, ” ரொம்ப நல்ல பிள்ளை’களும்
காபி ஷாப்களுக்குசெல்வதை வழக்கமாக வைத்துள்ளனர்.
–
புதுமை:
–
கூட்டத்தைக் கவர அவ்வப்போது ஏதாவது ஒரு புதுமையை
காபி ஷாப்கள் அறிமுகம் செய்துகொண்டே இருக்கின்றன.
இதில் “லேட்டஸ்ட்’ ஆக வந்துள்ளது தான், காபி நுரையில்
உங்கள் உருவம்.லண்டனில் உள்ள ரிப்பில் மேக்கர் நிறுவனம்
இதற்கான இயந்திரத்தை உருவாக்கி உள்ளது.

உங்கள் உருவத்தை போனில்
“செல்பி’ எடுத்து, இந்த இயந்திரத்திற்கு அனுப்பி விட்டால்,
10 நிமிடங்களில் காபி தயாராகி, அதன் தலையில் பொங்க
பொங்க ஊற்றப்பட்டிருக்கும் வெள்ளை நுரையில், உங்கள்
அழகான உருவமும் அசலாக தெரியும்.

உருவம் மட்டுமல்லாது, உங்களுக்கு பிடித்த வாசகம்,
குடும்ப படம் என்று எதை வேண்டுமானாலும் நுரையில்
அச்சிட்டு அதன் பிறகு, ஆசை ஆசையாய் பருகலாம்.

ஆனால் என்ன<, உங்கள் உள்ள கவர்ந்த “கள்வரின்’ உருவத்தை
எப்படி பருகுவது என்ற தயக்கமும் வருவதற்கு நிறைய வாய்ப்பு
இருக்கிறது. அப்படி நினைப்பவர்கள், அந்த காபியை அப்படியே
நினைவு சின்னமாக வைத்துக்கொள்ள வேண்டியது தான்.
–
—————
நன்றி- தினமலர்

**விஸ்வாஜீ** · **விஸ்வாஜீ** Sat Jun 27, 2015 8:57 am

காபியில் நினைவு சின்னம் சூப்பர்

**T.N.Balasubramanian** · **T.N.Balasubramanian** Sat Jun 27, 2015 9:35 am

இதை எவ்வளவு பேர் காப்பி அடிக்கப் போகிறார்களோ ?

ரமணியன்

shobana sahas · shobana sahas Sat Jun 27, 2015 4:18 pm

சூப்பர் .. தொழில் நுட்பத்தின் வளர்ச்சியை என்ன என்று சொல்லுவது ???????? அருமை .. காபியில் உங்கள் உருவம்: ஆசையாய் பார்க்கலாம், அள்ளிப் பருகலாம் 103459460