உளவு பார்க்கும் வேலை வேண்டாம்: அமெரிக்காவிற்கு பிரான்ஸ் எச்சரிக்கை

**ayyasamy ram** · **ayyasamy ram** Thu 25 Jun 2015 - 8:59

பாரீஸ் :
''உளவு பார்ப்பதை பொறுத்துக் கொள்ள மாட்டோம்,'' என,
அமெரிக்காவிற்கு பிரான்ஸ் பகிரங்கமாக எச்சரிக்கை
விடுத்துள்ளது.பிரான்ஸ் அதிபர் பிரான்காய்ஸ் ஹாலண்டே
மற்றும் முன்னாள் அதிபர்கள், ஜாக்குயஸ் செரிக்,
நிகோலஸ் சர்கோசி ஆகியோரை, அமெரிக்க தேசிய
பாதுகாப்பு படை உளவு பார்த்தது தொடர்பான ஆவணங்களை,
'விக்கிலீக்ஸ்,' நேற்று முன்தினம் வெளியிட்டது.

இது, பிரான்சில் பெரும் பரபரப்பை ஏற்படுத்தியது. இதையடுத்து,
அதிபர் ஹாலண்டே, நேற்று, பாதுகாப்பு துறை அதிகாரிகளின்
அவசர கூட்டத்தை கூட்டினார்.

அதில், அமெரிக்காவின் உளவு விவகாரம், உள்நாட்டு பாதுகாப்பு
உள்ளிட்ட அம்சங்கள் விவாதிக்கப்பட்டன. இதையடுத்து,
அதிபர் மாளிகை வெளியிட்ட அறிக்கை விவரம்:பிரான்ஸ்
தலைவர்களை உளவு பார்க்க மாட்டோம் என்று அளித்துள்ள
உறுதிமொழியை, அமெரிக்கா மதித்து நடக்க வேண்டும்.

உள்நாட்டு பாதுகாப்புக்கு விடுக்கப்படும் எத்தகைய
அச்சுறுத்தலையும், பிரான்ஸ் பார்த்துக் கொண்டு சும்மா இருக்காது.
இவ்வாறு அதில் கூறப்பட்டுள்ளது.

இதுகுறித்து, அமெரிக்க தேசிய பாதுகாப்பு கவுன்சில் செய்தி
தொடர்பாளர் நெட் பிரைஸ் கூறுகையில், ''ஹாலண்டேயின் தகவல்
பரிமாற்றங்களை உளவு பார்க்க வேண்டும் என, அமெரிக்கா
கருதியதில்லை; இனியும் கருதாது,'' என்று தெரிவித்துள்ளார்.

இதன் மூலம், 2006 - 12 வரை, பிரான்ஸ் முன்னாள் அதிபர்கள்
உளவு பார்க்கப்பட்டதை, அமெரிக்கா மறைமுகமாக ஒப்புக்
கொண்டுள்ளது.
-
-----------------------------------

தினமலர்

சரவணன் · சரவணன் Fri 26 Jun 2015 - 13:04

இவன் யாரு அடுத்த நாட்டை உளவு பார்க்க?

உளவு பார்க்கும் வேலை வேண்டாம்: அமெரிக்காவிற்கு பிரான்ஸ் எச்சரிக்கை

உளவு பார்க்கும் வேலை வேண்டாம்: அமெரிக்காவிற்கு பிரான்ஸ் எச்சரிக்கை

Re: உளவு பார்க்கும் வேலை வேண்டாம்: அமெரிக்காவிற்கு பிரான்ஸ் எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக