மூன்று இந்தியர்களுக்கு இங்கிலாந்து ராணி விருது வழங்கி கவுரவம்

by **ayyasamy ram** Wed Jun 24, 2015 3:43 am

லண்டன்:
சமூகத்திற்கு தொண்டு செய்து, பிறரது வாழ்வில்
மாற்றங்களை ஏற்படுத்தியவர்களுக்கு இங்கிலாந்து
ராணி எலிசபெத் பெயரால் இந்த ஆண்டில் இருந்து
இளம் தலைவர்கள் விருது வழங்கி கவுரவிக்கப்
படுகிறது.
–
காமன்வெல்த் நாடுகள் கூட்டமைப்பை சேர்ந்த
54 நாடுகளை சேர்ந்த 60 சமூக சேவகர்கள் நான்கு
ஆண்டுகளுக்கு ஒரு முறை தேர்வு செய்யப்பட்டு
விருது வழங்கப்பட்டது.
–
அந்த வகையில், கடந்த ஆண்டு தேர்வு
செய்யப்பட்டவர்களில், இரண்டு பெண் உட்பட மூன்று
இந்தியர்களுக்கு இ்ங்கிலாந்து ராணி, இளம் தலைவர்கள்
விருது வழங்கி கவுரவித்தார்.
–
பக்கிங்ஹாம் அரண்மனையில், நேற்று மாலை நடந்த
விழாவில், பெங்களூருவை சேர்ந்த அஷ்வினி அங்காடி,
தேவிகா மாலிக் மற்றும் மகாராஷ்டிரா மாநிலத்தை
சேர்ந்த அக்சய் ஜாதவ் ஆகியோர் விருதை பெற்றுக்
கொண்டனர்.
–
—————————————

தினமலர்