புற்றுநோய்க்கு புதிய மருந்து!

by **சிவா** Sun Jun 21, 2015 3:34 pm

புற்றுநோய்க்கு புதிய மருந்து கண்டுபிடிக்கப்பட்டிருப்பதாகவும், அது மிகவும் நம்பிக்கை அளிப்பதாகவும் தகவல் வெளியாகியுள்ளது.

புற்றுநோயைக் குணப்படுத்த கொடுக்கப்படும் இரண்டு வெவ்வேறு மருந்துகளை ஒன்றாகச் சேர்த்துக் கொடுத்தபோது, 'மெலனோமா' எனப்படும் முற்றிய தோல் புற்றுநோய் வகையினால் பாதிக்கப்பட்டவர்களில் 60 சதவீதம் பேரின் புற்றுநோய்க் கட்டிகள் சுருங்கிவிட்டதாக இங்கிலாந்தில் நடத்தப்பட்ட ஓர் ஆய்வின் முடிவில் தெரிவிக்கப்பட்டுள்ளது.

'இம்யுனோதெரபி' எனப்படும் உடலில் உள்ள நோய் எதிர்ப்புச் சக்தி மூலம் புற்றுநோயை எதிர்க்கும் சிகிச்சை முறைக்கு இந்த மருந்துகள் உதவுகின்றன. அதாவது, ஒருவரின் உடலில் இயல்பிலேயே இருக்கும் நோய் எதிர்ப்புக் கட்டமைப்பு சொந்த உடலில் உள்ள திசுக்களையே தாக்குவதைத் தடுப்பதற்கு இந்த மருந்துகள் பயன்படுகின்றன.

இந்த கண்டுபிடிப்பை முக்கிய முன்னேற்றம் என்று கூறியுள்ள முன்னணி புற்றுநோய் மருத்துவ நிபுணர் ஒருவர், புற்றுக் கட்டிகளைக் குணப்படுத்துவதற்கான சிகிச்சைமுறையை மாற்றியமைப்பதற்கு இது உதவும் என்று தெரிவித்துள்ளார். ஆனால், இந்த சிகிச்சைமுறையின் பக்கவிளைவுகள் பற்றிச் சிலர் கவலை தெரிவித்துள்ளனர்.

by **ராஜா** Sun Jun 21, 2015 3:37 pm

புற்றுநோய்க்கு புதிய மருந்து! 3838410834

சீக்கிரம் இதற்கு ஒரு முடிவு கட்டவேண்டும் தல.

by nimal Mon Jun 29, 2015 10:49 am

புற்று நோய் என்ன என்பதை அறியமுன் எமது உடலமைப்பைப்பற்றி முதலில் அறிந்துகொள்ள வேண்டும்.கலம் (cell ) என்பது உடலை உருவாக்கும் அடிப்படைப் பொருளாகும்.பல கலங்கள் கலத்திடைப்பொருளால் (inter cellular substance) இணைக்கப்பட்டு இழையங்களை (Tissues ) உருவாக்கும். இவ்விழையங்களின் சேர்க்கையால் அங்கங்கள் (Organs) உருவாகின்றன.

கலத்தின் அசாதாரண வளர்ச்சியினால் அதனுடன் தொடர்புபட்ட மற்றை பாகங்களும் இரையாகின்றன. மருத்துவ துறைக்கு சவால்விடும் வகையில் இவ்வளர்ச்சி உள்ளது . புற்று நோய்க்கு அடிப்படை சிகிச்சையாக சத்திர சிகிச்சை,கீமோ தெரபி,கதிரியல் சிகிச்சை என்பன உள்ளன. மேலும் விளக்கம் தேவை எனில்

nimal முழு பதிவையும் இங்கு பதிவிடுவதாக இருந்தால் பதிவிடுங்கள் , வேறு தளத்திற்கு சுட்டி கொடுக்கும் பதிவுகளை ஊக்கபடுத்த முடியாது மன்னிக்கவும்
-Admin

by **ஜாஹீதாபானு** Mon Jun 29, 2015 12:42 pm

by **T.N.Balasubramanian** Mon Jun 29, 2015 3:16 pm

மருந்து கண்டு பிடிக்கப்பட்டால் நல்லதே .
நல்ல பழக்கவழக்கங்கள் உள்ளவர்களையும் இது தாக்குகிறது .
நோய் வந்து அவதி படுபவர்கள் நிலை கண்டால் ,
நம் மனம் மிகவும் வேதனை படுகிறது .?
ரமணியன் .

by **ayyasamy ram** Mon Jun 29, 2015 4:59 pm

by nimal Tue Jun 30, 2015 4:37 am

புற்றுநோய்க்கு மருந்துகள் பல கண்டுபிடிக்கப்பட்டுள்ளது ஆனால் இது வரைக்கும் முழுமையான வெற்றி இன்னும் கிட்டவில்லை
"முயற்சி திருவினையாக்கும் "என்ற முது மொழிக்கமைய
எதிர்காலத்தில் நல்ல செய்தியை கேட்கலாம்

by **T.N.Balasubramanian** Tue Jun 30, 2015 10:12 am

[quote="nimal"]புற்றுநோய்க்கு மருந்துகள் பல கண்டுபிடிக்கப்பட்டுள்ளது[/quote

மருந்தால் குணமானால் தான் மருந்து கண்டுபிடிக்கப்பட்டதாகும் .
பல மருந்துகள் சோதனை கட்டத்தில் இருக்கின்றன என்பதே சரியான கூற்று .

ரமணியன்

by Preethika Chandrakumar Tue Jun 30, 2015 9:33 pm

by nimal Tue Jun 30, 2015 10:22 pm

சில புற்றுநோய் மருந்துகள் சோதனை கட்டத்தினை தாண்டியும் முற்று முழுதான வெற்றியடையவில்லை
உதாரணமாக நுரையீரல் புற்றுநோயை குணமாக்க மருந்து உண்டு ஆனால் அது சிலபேருக்குத்தான் வெற்றியை அளிக்கும் ஏனெனில் நுரையீரல் புற்றுநோயானது பல காரணிகளில் தங்கியுள்ளதே காரணம் விளக்கமாக செல்வதென்றால் தட்டச்சு செய்வது கடினம்
நிர்வாகத்தின் அறிவுறுத்தல் படி இதில் சுட்டியையும் இணைக்க முடியாதநிலையிருப்பதனால்
காரணத்தை இணையத்தில் தேடினீர்கள் என்றால் புற்றுநோய்க்கான மருத்துவத்தின் வளர்ச்சியை கண்கூடாக அறியலாம்