பல்வலியும் அதற்கான தீர்வுகளும்!

**சிவா** · **சிவா** Sun Jun 21, 2015 5:02 pm

பல்வலியால் பலரும் அவதிப்படுவார்கள். பல்லில் துவாரம், தொற்றுகள், பற்களை ஒழுங்காகச் சுத்தம் செய்யாமை போன்ற காரணங்களினால்தான் பல் வலி ஏற்படுகிறது. இதை மிக எளிமையாக வீட்டு வைத்தியத்தின் மூலம் சரிசெய்யலாம்.

* முழு கிராம்பு ஒன்றை, பாதிக்கப்பட்ட பற்களின் இடையே வைத்து சிறிது நேரத்துக்கு வாயை இறுக்கமாக மூடிக்கொள்ளவும். இதனால் கிராம்பில் இருக்கும் ரசாயனம் வெளியேறி பல் வலி குணமாகும்.

* பல் வலி இருக்கும் இடத்தில் ஜாதிக்காய்ப் பொடியை தடவிக் கொண்டு, சிறிதுநேரம் கழித்துக் கழுவினால் நிவாரணம் பெறலாம்.

* உடனடி நிவாரணத்துக்கு, சிறிய லவங்கப் பட்டையை வாயில் போட்டு மென்று அதன் சாற்றை விழுங்கவும்.

* ஈறுகளில் கிருமிகள் தொற்றிக்கொள்ளும்போதும் அழற்சியும் வீக்கமும் ஏற்படும். வீங்கியிருக்கும் ஈறுகளின் மீது காய்ந்த இஞ்சிப் பொடியைத் தடவினால், வலி, வீக்கத்தில் இருந்து நிவாரணம் கிடைக்கும்.

* ஜாதிக்காய் எண்ணெயை பஞ்சு உருண்டையின் மீது தடவி வலி இருக்கும் இடத்தில் தடவலாம்.

**T.N.Balasubramanian** · **T.N.Balasubramanian** Sun Jun 21, 2015 5:25 pm

இப்போது கிராம்பு தைலம் கடையில் கிடைக்கிறது .
அதை கூட சிறிது பஞ்சில் ஒத்தி , வலிக்கும் பகுதியில்
வைத்துக் கொள்ளலாம் . நிவாரணம் கிடைக்கும் .

சிலர் கற்பூரத்தை பொடி பண்ணி வலிக்கும் இடத்தில்
வைத்துக் கொள்வர் . இப்போது கிடைக்கும் கர்பூரங்களில்
வேதிப்பொருட்களே அதிக அளவில் இருப்பதால் ,
இதை தவிர்ப்பது நல்லது .

ரமணியன்

பல்வலியும் அதற்கான தீர்வுகளும்!

பல்வலியும் அதற்கான தீர்வுகளும்!

Re: பல்வலியும் அதற்கான தீர்வுகளும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக