தூக்க மாத்திரை சாப்பிடுவது அவசியம்தானா?

**ayyasamy ram** · **ayyasamy ram** Sat 20 Jun 2015 - 16:24

அவசியமே கிடையாது. இது ஒரு தீய பழக்கம்.
நோய்வாய்ப்பட்ட ஒரு சிலருக்கு சில காலம் மட்டுமே
தூக்க மாத்திரை கொடுப்பதுண்டு.
-அதாவது, அறுவை சிகிச்சை செய்து கொண்டவர்கள்,
ஏதேனும் அடிபட்டு வலியால் அவதிப்படுபவர்கள்,
புற்று நோயாளிகள் போன்றோருக்கு கொடுக்கப்படும்.
-

தூக்க மாத்திரைகளைத் தொடர்ந்து சாப்பிட்டால் பக்க
விளைவுகள் அதிகம். தொடர்ந்து சாப்பிடும்போது
மாத்திரையின் வீரியம் குறைவதுடன், நாளுக்கு நாள்
அதிக மாத்திரைகளை சாப்பிட வேண்டிவரும்.
-

மேலும் மாத்திரை போட்டு தூங்கி எழுந்திருக்கும்
போது புத்துணர்ச்சி இருக்காது. தலை பாரமாக இருக்கும்,
முகம் சோர்வாகக் காணப்படும். சுயமாக தூங்கும்
பழக்கத்தை ஏற்படுத்திக் கொள்வது நல்லது.
-

அதற்குத் தினமும் இரவு குறிப்பிட்ட நேரத்திற்கு
தூங்கச் செல்ல வேண்டும். அதேபோல் காலையில்
குறிப்பிட்ட நேரத்திற்கு எழுந்திருக்க வேண்டும்.
-

படுக்கை அறை, சுத்தமாக, அமைதியான சூழ்நிலையில்
இருக்க வேண்டும். ரேடியோ, டீவி போன்ற பொழுது
போக்கு அம்சங்கள் இருக்கக் கூடாது. தூங்குவதற்கு
முன்பாக டீ, காபி போன்ற பானங்களைக் குடிக்க
கூடாது.
-
ஒரு மணி நேரத்திற்கு முன்பாக வெது
வெதுப்பான பால் ஒரு கப் அருந்தலாம். கண்டிப்பாக
மது அருந்தக்கூடாது.
-

மாலை அரை மணி நேரம் நடை பயிற்சி செய்ய வேண்டும்.
முடிந்தால் 15 நிமிடம் தியானம் செய்வது நல்லது. தூங்கும்
முன் வெதுவெதுப்பான நீரில் குளிப்பதும், நல்ல தூக்கத்தை வ
ரவழைக்கும்.
–
—————————————–
– அனிதா பத்மகுமார்
மங்கையர் மலர்

Preethika Chandrakumar · Preethika Chandrakumar Sat 20 Jun 2015 - 16:26

தூக்க மாத்திரை சாப்பிடுவது அவசியம்தானா? 103459460

**T.N.Balasubramanian** · **T.N.Balasubramanian** Sat 20 Jun 2015 - 18:12

தவிர்த்தல் நலம்

ரமணியன்

(தொணதொணவென்று யாரவது தொணப்பிக்கொண்டெ
இருப்பவர்களுக்கு வேண்டுமானால் கொடுக்கலாம் .)

**ராஜா** · **ராஜா** Sat 20 Jun 2015 - 18:53

தூக்க மாத்திரை ஆபத்தானது அத்துடன் பக்க விளைவுகளும் அதிகம்.

நம்ம பாலாஜி கிட்ட ஒரு மருந்து இருக்கு "தூக்கமும் வரும் , அத்துடன் பக்கா பக்கவிளைவும்" புன்னகை

உண்டு.

ஈகரைச்செல்வி · 08/06/2015

சரவணன் · சரவணன் Sat 20 Jun 2015 - 19:07

ராஜா wrote:தூக்க மாத்திரை ஆபத்தானது அத்துடன் பக்க விளைவுகளும் அதிகம்.

நம்ம பாலாஜி கிட்ட ஒரு மருந்து இருக்கு "தூக்கமும் வரும் , அத்துடன் பக்கா பக்கவிளைவும்" உண்டு.