'நெஸ்லே' நிறுவன தயாரிப்பு'செரெலாக்' உணவில் வண்டு!

**krishnaamma** · **krishnaamma** Wed Jun 17, 2015 4:58 am

கோவை;கோவையில், 'நெஸ்லே' நிறுவன தயாரிப்பான, 'செரெலாக்' உணவில், வண்டு இருந்ததாக வந்த புகார் குறித்து, உணவு பாதுகாப்பு அதிகாரிகள் விசாரணை நடத்துகின்றனர். கோவை, செல்வபுரம் பகுதியை சேர்ந்த தனியார் நிறுவன ஊழியர், ஸ்ரீராம், 30. கடையில் இவர்
வாங்கிய செரெலாக் உணவில், வண்டு இருந்ததைஅடுத்து, கோவை உணவு பாதுகாப்பு அதிகாரிகளிடம் புகார் தெரிவித்தார்.

ஸ்ரீராம் கூறுகையில், ''கடந்த 14ம் தேதி, அருகிலிருந்த கடையில், செரெலாக் பவுடர் உணவை வாங்கினேன். மறுநாள் பிற்பகல், என் மனைவி, குழந்தைக்கு உணவளிக்க பாக்கெட்டை பிரித்தபோது, அதில் வண்டு இருந்துள்ளது. இதனால், உணவு பாதுகாப்பு அதிகாரிகளிடம் புகார்
தெரிவித்துள்ளோம்,'' என்றார்.

கோவை மண்டல உணவு பாதுகாப்புத் துறை நியமன அலுவலர் கதிரவன் கூறியதாவது:
குழந்தைகள் உணவில் வண்டு இருப்பது குறித்து, உணவு பாதுகாப்புத் துறை கமிஷனருக்கு தகவல் தெரிவித்தோம். அவர் உத்தரவையடுத்து, உணவின் மாதிரி, பரிசோதனைக்கு அனுப்பப்
பட்டுள்ளது. இதன் முடிவுகள், 15 நாட்களுக்குள் வரும். முடிவுகள் வந்த பின், அதன் அடிப்படையில் நடவடிக்கை இருக்கும்.இவ்வாறு, அவர் கூறினார.

தினமலர்