இனிய உளவாக இன்னாத மொழியெதற்கு?

by குழலோன் Thu Jun 18, 2015 7:03 am

படித்தவன் தவறிழைத்தால் பாழாய்ப் போவான்
பார்புகழ்ப் பாரதியும் அன்றே பாடிவைத்தான்
கவிதை வடிப்பவர்க்கும் இவ்விதி பொருந்துமன்றோ
கூச்சமின்றி விரசமாய்ப் பாடியா வயிறுவளர்ப்பாய்?

இனிய உளவாக இன்னாத மொழியெதற்கு?
கனித்தமிழ் பாட்டிலே பொல்லாத வரியெதற்கு?
நனிப்பசும் பாலில் துளிவிஷம் சேர்த்தாற்போல்
உயர்தமிழ்ப் பாட்டிலே வசைமொழி சேர்க்கின்றாய்!

கெடுமதி உணர்வைச் சிந்தையில் தேக்கிக்
கவிதையெனப் படைப்பது கொடும்பாதகச் செயலாகும்!
நிறைமொழி மாந்தர் உள்ளம் உவக்கச்
சிறுமதி கொண்டோரைக் கடிந்துரைப்போம் வாரீர்!!

(குறிப்பு; திரையிசைப் பாடல் என்னும் பேரில், ஆபாசப் பாட்டெழுதும் எழுத்து மூர்க்கரைச் சாடி எழுதப்பட்டது.)

by **ராஜா** Thu Jun 18, 2015 11:22 am

இனிய உளவாக இன்னாத மொழியெதற்கு? 3838410834

காசுக்கு தமிழை விற்கும் கூட்டம் தானே இப்ப அதிகமா இருக்கு.

by சரவணன் Thu Jun 18, 2015 6:57 pm

அருமை தலைவரே!

by Preethika Chandrakumar Thu Jun 18, 2015 8:21 pm

by சரவணன் Thu Jun 18, 2015 8:50 pm

Preethika Chandrakumar wrote:

ஏதாவது வார்த்தைகளில் வாழ்த்தலாமே மேடம்?........... அய்யோ, நான் இல்லை

by Preethika Chandrakumar Thu Jun 18, 2015 9:13 pm

சரவணன் wrote:
Preethika Chandrakumar wrote:

ஏதாவது வார்த்தைகளில் வாழ்த்தலாமே மேடம்?...........

மேற்கோள் செய்த பதிவு: 1146128
ஓகே!!!!

அருமையான கவிதை!

by **ayyasamy ram** Thu Jun 18, 2015 10:54 pm

by **M.Jagadeesan** Sat Jun 20, 2015 10:31 am

"வண்மை இல்லையோர் வறுமை இன்மையால் " என்று பாடினான் கம்பன் .

கோசல நாட்டில், கேட்பவர்கள் இல்லை ; ஆகவே அங்குக் கொடுப்பவர்கள் இல்லை !

அதுபோல தரக் குறைவான சினிமா பாடல்களைக் கேட்பவர்கள் இல்லையென்றால் ; அதுபோன்ற பாடல்களை யாரும் எழுதமாட்டார்கள் !
ஆகவே குறை ரசிகர்களிடம்தான் உள்ளது .

by **T.N.Balasubramanian** Sat Jun 20, 2015 10:45 am

சரவணன் wrote:
Preethika Chandrakumar wrote:

ஏதாவது வார்த்தைகளில் வாழ்த்தலாமே மேடம்?...........

மேற்கோள் செய்த பதிவு: 1146128

இனிய உளவாக இன்னாத மொழியெதற்கு?
அதாவது , கருத்துள்ள ,கற்பனை மிக்க கவிதைகளை ரசித்து
அழகு தமிழில் ,அதை புகழலாம் அல்லது அருமை என்றோ
அம்சம் என்றோ இனிய ஒரு வார்த்தையாலும் புகழவேண்டிய சமயத்தே ,

வெறும் ஸ்மைலியால் கூறலாமா !
ரமணியன்

by **M.Jagadeesan** Sat Jun 20, 2015 10:57 am

//அதாவது , கருத்துள்ள ,கற்பனை மிக்க கவிதைகளை ரசித்து
அழகு தமிழில் ,அதை புகழலாம் அல்லது அருமை என்றோ
அம்சம் என்றோ இனிய ஒரு வார்த்தையாலும் புகழவேண்டிய சமயத்தே ,
வெறும் ஸ்மைலியால் கூறலாமா !//
ரமணியன்

கல்யாண வீடுகளில் விருந்தினர்களை வரவேற்க " பெண் பொம்மைகளை " வைத்திருப்பார்கள் ! அதுபோலத்தான் EMOTICONS மூலமாக நம் கருத்தைத் தெரிவிப்பதும் !