வளர உதவியது யாருக்கு? குழந்தைக்கா புழுக்களுக்கா?காம்ப்ளானுக்கு நோட்டீஸ்!

**krishnaamma** · **krishnaamma** Tue Jun 16, 2015 1:16 am

வளர உதவியது யாருக்கு? குழந்தைக்கா புழுக்களுக்கா?: விளக்கம் அளிக்க காம்ப்ளானுக்கு நோட்டீஸ்!

வளர உதவியது யாருக்கு? குழந்தைக்கா புழுக்களுக்கா?காம்ப்ளானுக்கு நோட்டீஸ்! P8eyEzyWTFSZM8sJxe05+Tamil_News_large_1275135

லக்னோ : மேகி நூடுல்சை தொடர்ந்து காம்ப்ளானும் சிக்கலில் சிக்கி உள்ளது. காம்ப்ளான் பவுடரில் புழுக்கள் மிதந்ததாக வந்த புகாரை அடுத்து, ஹச்.ஜெ.ஹெயின்ஸ் கம்பெனிக்கு உத்தர பிரதேச உணவு பாதுகாப்பு மற்றும் மருந்து நிர்வாக கழகம் நோட்டீஸ் அனுப்பி உள்ளது.

நெஸ்லே இந்தியா நிறுவனம் தயாரித்த மேகி நூடுல்சில் அனுமதிக்கப்பட்ட அளவை விட காரீயம் (லெட்) மற்றும் மோனோசோடியம் குளோடாமேட்(எம்.எஸ்.ஜி.,) ஆகியவை சேர்க்கப்பட்டிருப்பதாக புகார் எழுந்தது. இதனையடுத்து சோதனை நடத்தப்பட்டது. அதில் மேகி நூடுல்ஸ் சாப்பிடுவதற்கு ஏற்றது அல்ல என நிரூபிக்கப்பட்டது. இதனால் பெரும்பாலான மாநிலங்கள் மேகி நூடுல்சிற்கு தடை விதித்தன.

மேகி நூடுல்ஸ் தயாரிப்புக்களை திரும்பப் பெற வேண்டும் என மத்திய அரசும் நெஸ்லே நிறுவனத்திற்கு உத்தரவிட்டது. இதன் காரணமாக பல்வேறு உணவுப் பொருட்களையும் சோதிக்கும் பணியில் உணவு பாதுகாப்புத்துறை இறங்கி உள்ளது. மேகி சர்ச்சை அடங்குவதற்குள், தற்போது காம்ப்ளானுக்கும் சிக்கல் எழுந்துள்ளது.

லக்னோவைச் சேர்ந்த தணிஷ் ராய் சிங்கானியா என்பவர் வாங்கிச் சென்ற காம்ப்ளான் பாக்கெட்டில் உயிருடன் புழுக்கள் நெளிந்தன. இது தொடர்பாக அவர் உணவு பாதுகாப்பு அதிகாரிகளிடம் புகார் அளித்தார். உணவு பாதுகாப்பு கழக தலைவர் ஜெ.பி.சிங் கூறுகையில், புகாரை அடுத்து காம்ப்ளான் மாதிரிகள் சேகரிக்கப்பட்டு சோதனைக்கு அனுப்பப்பட்டுள்ளன.

அதே சமயம், இது தொடர்பாக விளக்கம் அளிக்க அந்நிறுவனத்திற்கும் நோட்டீஸ் அனுப்பி உள்ளோம். புழுக்கள் இருந்ததாக கூறப்படும் காம்ப்ளான் இந்த ஆண்டு பிப்ரவரி மாதத்தில் தான் தயாரிக்கப்பட்டுள்ளது என தெரிவித்துள்ளார்.

உணவு பாதுகாப்பு துறையின் நோட்டீசிற்கு இமெயில் மூலம் காம்ப்ளான் தயாரிப்பு நிறுவனமான ஹச்.ஜெ.ஹெயின்ஸ் பதிலளித்துள்ளது. அதில், காம்ப்ளான் ஆரோக்கியமும் சுவையும் நிறைந்த பானம். அதில் புரோட்டீன்கள், கார்போஹைட்ரேட்கள், வைட்டமின் -பி உள்ளிட்ட 26 வகை வைட்டமின்கள், மினரல்கள் சேர்க்கப்பட்டுள்ளன என தெரிவித்துள்ளதாக கூறப்படுகிறது.

மேகி நூடுல்ஸ், காம்ப்ளான் போன்ற உணவுப் பொருட்கள் மட்டுமல்ல, நாடு முழுவதும் விற்பனை செய்யப்பட்டு வரும் சில வலி நிவாரண மாத்திரைகளிலும் இந்த குளறுபடி நடப்பதாக உணவு பாதுகாப்பு அதிகாரிகள் தெரிவித்துள்ளனர். ஏப்ரல் 2016ல் தயாரிக்கப்பட்ட மாத்திரைகள் என 10 மாதங்களுக்கு முந்தைய தேதியிட்டு இந்த மாத்திரைகள் விற்கப்படுகின்றன.

இவற்றில் காலாவதியாகும் காலம் மார்ச் 2018 என குறிப்பிடப்பட்டுள்ளன. காலாவதியாகும் தேதியை மட்டுமே மக்கள் பார்ப்பதால் இந்த மாத்திரைகள் விற்கப்பட்டு வருகின்றன. இவற்றை உடனடியாக திரும்பப் பெற அந்த நிறுவனத்திற்கு உத்தரவிடப்பட்டுள்ளதாகவும் அதிகாரிகள் தெரிவித்துள்ளனர்.

தினமலர்