ஸ்ரீவி.,அருகே காய்த்து குலுங்கும் ருத்ராட்சம்!

by **krishnaamma** Mon Jun 15, 2015 1:06 am

ஸ்ரீவி.,அருகே காய்த்து குலுங்கும் ருத்ராட்சம்!

ஸ்ரீவில்லிபுத்தூர்: ஸ்ரீவில்லிபுத்தூர் அருகே மொட்டமலை கலங்காப்பேரி புதூரில் அமைந்துள்ளது தாய் முகாம்பிகை கோயில்.இக்கோயில் ஆறு ஆண்டுகளுக்கு முன்பு கட்டப்பட்டது. இக்கோயிலில் தோஷங்கள் தீர்க்கும் மரங்களான வன்னி மரம்,காசி வில்வம், மகா வில்வம்,வெள்ளை எருக்கள் மரம் மற்றும் ருத்ராட்சம் போன்ற மரங்கள் கடந்த எட்டு ஆண்டுகளாக வளர்க்கப்பட்டு வருகின்றன.

இங்குள்ள ருத்ராட்ச மரம் ஆண்டில் மூன்று மாதங்கள் பூத்து,ஆறு மாதங்கள் வரை காய்த்து குலுங்குகிறது. .இதில் மூன்று முகத்திலிருந்து ஏழு முகங்கள் வரை கொண்ட ருத்ராட்சம் உள்ளன. கோயில் வரும் பக்தர்களுக்கு அவர்களின் விருப்பத்திற்கேற்றவாறு இலவசமாக ருத்ராட்சம் வழங்கப்படுகிறது.

தினமலர்