நன்னாரி

**சிவா** · **சிவா** Sat Jun 13, 2015 11:16 pm

நன்னாரி என்றால், மணம், குளுமை அளிக்கும் பொருளாகத்தான் நமக்குத் தெரியும்.

ஆனால், நல்ல மூலிகையான நன்னாரி, மேலும் பல நன்மைகளை வாரி வழங்குகிறது. நன்னாரியின் இலைகள், வேர், பட்டை என அனைத்துமே பயனளிக்கின்றன.

ஒற்றைத்தலைவலி, செரிமானப் பிரச்சினை, பால்வினை நோய் போன்றவற்றுக்கு நன்னாரி சிறந்த மருந்தாகப் பயன்படுகிறது.

வேதிப்பொருட்கள்:

நன்னாரி இலைகளிலிருந்து ரூட்டின், வேர்களிலிருந்து ஹெக்ஸா டிரை அக்கோன்டேன், லூபியால், ஆல்பா அமரின், பீட்டா அமரின், இட்டோஸ்டிரால் ஆகிய வேதிப்பொருள்கள் எண்ணெய் யாகப் பிழிந்து எடுக்கப்படுகின்றன.

பயன்கள்:

சிறுநீர் நன்றாக வெளியேறச் செய்யும் நன்னாரி, வியர்வையைப் பெருக்கி உடலில் உஷ்ணத்தைத் தணித்து உடம்புக்கு உரமளிக்கக்கூடிய தன்மை உடையது.

நன்னாரி வேர் 5 கிராம் அளவுக்கு எடுத்து நன்கு அரைத்து 200 மி.லி. பாலில் சாப்பிட்டு வர நீர்க்கடுப்பு, வறட்டு இருமல் ஆகியவை தீரும்.

ஆண்மை பெருக நன்னாரி வேர் குடிநீரை இளஞ்சூடாக அருந்தி வரவேண்டும்.

வியர்வை நாற்றம் நீங்க மிளகு, உப்பு, புளி இவற்றுடன் நன்னாரியின் இலை, பூ, காய், கொடி, வேர் முதலியவற்றுடன் நெய் சேர்த்து வதக்கி உட்கொண்டு வர வேண்டும்.

நன்னாரி வேர்ப்பட்டையை நீரில் ஊறவைத்து தேவையான அளவு பாலும், சர்க்கரையும் கலந்து குழந்தைகளுக்குக் கொடுத்தால் உடலைத் தேற்றுவதோடு நாள்பட்ட இருமலும் நீங்கும்.

நன்னாரி வேர்ப் பொடியுடன் சோற்றுக் கற்றாழை சதைப் பகுதியைச் சேர்த்து உண்டால், விஷக்கடிகளால் உண்டாகும் பக்க விளைவுகள் நீங்கும்.

சரவணன் · சரவணன் Sat Jun 13, 2015 11:24 pm

அருமையான, பயனுள்ள பதிவு நன்றி!

நன்னாரி வேரை நறுக்கி போட்டு மண்பானையில் நீர் ஊற்றி குடித்தால் நன்றாக இருக்கும்... ஜொள்ளு

**krishnaamma** · **krishnaamma** Sat Jun 13, 2015 11:30 pm

அருமையான, பயனுள்ள பதிவு நன்றி சிவா புன்னகை

.
.
நாட்டுல விளைந்தால் நன்னாரி, மலை இல் விளைந்தால் அது மாகாளி (கிழங்கு ) என்று சொல்வார்கள் புன்னகை

**M.Jagadeesan** · **M.Jagadeesan** Sun Jun 14, 2015 8:20 am

நன்னாரி சர்பத் குடிக்குங்கால் கோடையிலே
என்னே அதன்ருசி ஆஹாஹா ! - தின்பதற்கு
வெள்ளரிப் பிஞ்சும் மிளகும் இருந்திட்டால்
அள்ளுமே கொள்ளை ருசி !

Sponsored content · Sponsored content

நன்னாரி

நன்னாரி

Re: நன்னாரி

Re: நன்னாரி

Re: நன்னாரி

Re: நன்னாரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக