கோபம் கொல்வாய்!

by தமிழினியன் Fri Jun 12, 2015 5:26 pm

கொத்திக் குதறியுன்
குணத்தைக்
கொன்று

கதறக் கதறவுன்
கண்ணியம்
சிதைத்து

உதற முடியாக்
கறையுன்னில்
தந்து

சிதறடித்துக்
கலைத்துன்
நிம்மதி

உன்னைச் சீண்டிய
குற்றம்
மறைத்து

உன்னை
மட்டுமே சுட்டிக்
காட்டி

குற்றவாளியாய்க்
கூண்டில்
ஏற்றும்

கூவிச்
சொல்லியும்
கேட்பாரிலருன்

நியாயம்
செத்து நீ
ஊமையாவாய்!

ஆதலால் நீ
கோபம்
கொல்வாய்!

-தமிழினியன் பிரபாகரன்-

by **M.Jagadeesan** Fri Jun 12, 2015 5:55 pm

கவிதை நன்று ! பாராட்டுக்கள் !

கோபத்தை நாம் கொல்லவில்லை என்றால் , அது நம்மைக் கொன்றுவிடும் . எனவேதான் வள்ளுவர் சினத்தை , " சேர்ந்தாரைக் கொல்லி " என்றழைத்தார் . வள்ளுவர் காலத்தில் " கோபம் " என்ற சொல் கிடையாது . சினம், வெகுளி ஆகிய சொற்களால் கோபத்தைக் குறித்தார் .