மியான்மருக்குள் புகுந்து தீவிரவாதிகளை வேட்டையாடிய இந்திய ராணுவம்: நிலைப்பாட்டை மாற்றி மோடி அதிரடி உத்தரவு

மியான்மர் நாட்டுக்குள் ஒளிந்து கொண்டு வடகிழக்கு மாநிலங்களில் பாதுகாப்பு படையினர் மீது கொடூர தாக்குதல்களை நடத்திவரும் தீவிரவாதிகளை, அந்நாட்டுக்குள் சென்று இந்திய ராணுவத்தின் கமாண்டோ படையினர் வேட்டையாடினர்.

மணிப்பூர் மாநில எல்லையை ஒட்டியுள்ள மியான்மர் நாட்டுப்பகுதியில் இரண்டு முகாம்கள் அமைத்து தங்கியிருந்த தீவிரவாதிகள் கடந்த சில வாரங்களில் 30-க்கும் மேற்பட்ட இந்திய ராணுவ வீரர்களை சுட்டுக்கொன்றனர். இதையடுத்து இத்தீவிரவாதிகளின் கதையை முடிக்க திட்டமிட்ட இந்திய ராணுவம் நேற்று அதிகாலை 3 மணிக்கே கமாண்டோ படை வீரர்களை அனுப்பியது. அவர்களுக்கு உதவியாக வான்வழியாக ஆளில்லா விமானங்களும், இந்திய விமானப்படை ஹெலிகாப்டர்களும் செயல்பட்டன. எனினும் இந்திய ராணுவம் தாக்குதல் நடத்தும் தகவலை மியான்மருக்கான இந்திய தூதரகம் நேற்று காலை வழக்கமான அலுவலக நேரத்தில் தான், அந்நாட்டு வெளியுறவுத்துறை அமைச்சகத்திடம் தெரிவித்தது.

இத்தாக்குதல் குறித்து கருத்து தெரிவித்த மத்திய தகவல் ஒளிபரப்புத்துறை மந்திரி ராஜ்யவர்தன் சிங், இந்த அதிரடி தாக்குதலை நடத்த பிரதமர் மோடி உத்தரவிட்டார் என்றார். இந்தியர்கள் மீது தாக்குதல் நடத்தும் தீவிரவாதிகளுக்கு அண்டை நாடுகள் இடமளித்தால், இது போன்ற நடவடிக்கைகள் தொடரும் என்று மோடி கூறியதாகவும் சிங் மேலும் தெரிவித்தார்.

ஏறத்தாழ 13 மணி நேரம் நடைபெற்ற இத்தாக்குதலில், தீவிரவாதிகளின் இரு முகாம்களும் அழிக்கப்பட்டதுடன், 20 முதல் 50 தீவிரவாதிகளும் கொல்லப்பட்டனர். வெற்றிகரமாக தாக்குதலை நடத்தி முடித்த கமாண்டோ படையினர், மீண்டும் இந்திய பகுதிக்குள் திரும்பி வந்தனர். நீண்ட காலத்துக்கு பின் முதன் முறையாக எல்லை தாண்டி சென்று இந்திய ராணுவம் தாக்குதல் நடத்தியது நாட்டு மக்களுக்கு மிகப்பெரிய ஆச்சரியத்தை அளித்துள்ளது. -maalaimalar

இது சைனா காரனோட வேலை......அவன் வால ஓட்ட வெட்டனும்...

இந்த ஆட்சியில் இராணுவத்தின் செயல்பாடு மிக சிறப்பாக உள்ளது ...இப்போதான் ஆசியாவில் இந்தியா மிக பெரிய நாடு என்பதை உணரமுடிகின்றது .

தீவிரவாதிகளை குறிவைத்து இந்திய ராணுவம் தனது கமாண்டோக்களை கொண்டு அதிரடி தாக்குதல்களை நடத்தியது. சுமார் 45 நிமிடங்கள் மட்டுமே நடத்தப்பட்ட அதிரடி தாக்குதல்களில் 100-க்கும் அதிகமான தீவிரவாதிகள் சுட்டுக்கொல்லப்பட்டனர் என்று உள்துறை வட்டார தகவல்கள் வெளியாகி உள்ளது.

தினத்தந்தியில் இவ்வாறு செய்தி வந்துள்ளது தல!

இறுதியில், தாக்குதல் நடத்துவதற்காக இந்திய ராணுவம் உத்தேசித்துள்ளது என்று கூறாமல் இருந்தால் சரி!

சிவா wrote:

தீவிரவாதிகளை குறிவைத்து இந்திய ராணுவம் தனது கமாண்டோக்களை கொண்டு அதிரடி தாக்குதல்களை நடத்தியது. சுமார் 45 நிமிடங்கள் மட்டுமே நடத்தப்பட்ட அதிரடி தாக்குதல்களில் 100-க்கும் அதிகமான தீவிரவாதிகள் சுட்டுக்கொல்லப்பட்டனர் என்று உள்துறை வட்டார தகவல்கள் வெளியாகி உள்ளது.

தினத்தந்தியில் இவ்வாறு செய்தி வந்துள்ளது தல!

இறுதியில், தாக்குதல் நடத்துவதற்காக இந்திய ராணுவம் உத்தேசித்துள்ளது என்று கூறாமல் இருந்தால் சரி!

மேற்கோள் செய்த பதிவு: 1143534

சிவா wrote:

தீவிரவாதிகளை குறிவைத்து இந்திய ராணுவம் தனது கமாண்டோக்களை கொண்டு அதிரடி தாக்குதல்களை நடத்தியது. சுமார் 45 நிமிடங்கள் மட்டுமே நடத்தப்பட்ட அதிரடி தாக்குதல்களில் 100-க்கும் அதிகமான தீவிரவாதிகள் சுட்டுக்கொல்லப்பட்டனர் என்று உள்துறை வட்டார தகவல்கள் வெளியாகி உள்ளது.

தினத்தந்தியில் இவ்வாறு செய்தி வந்துள்ளது தல!

இறுதியில், தாக்குதல் நடத்துவதற்காக இந்திய ராணுவம் உத்தேசித்துள்ளது என்று கூறாமல் இருந்தால் சரி!

மேற்கோள் செய்த பதிவு: 1143534


கமாண்டோ ஆப்பரேசன் 45 நிமிடங்கள் தான் நீடித்தது ..!!