ஆனி மாதத்தின் ஆன்மிகச் சிறப்புகள்!

உத்திராயண புண்ணிய காலத்தின் கடைசி மாதம் ஆனி! ஆன்மிகச் சிறப்புகள் கொண்ட மாதமிது.

• ஆனி மாதம் உத்திர நட்சத்திரத்தில் நடைபெறும் ஸ்ரீ நடராஜ தரிசன வைபவத்தினை ஆனித்திருமஞ்சனம் என்று போற்றுவர். இத்திருநாளில் சிதம்பரம் ஸ்ரீ நடராஜர் மற்றும் திருவாரூர் தியாகேசர் கோயில்களில் உள்ள ஆயிரங்கால் மண்டபத்தில் நடைபெறும் அபிஷேக ஆராதனைகள், மகா தரிசனம் நிகழ்வுகளில் பக்தர்கள் பங்குகொள்வர்.சிவாலயங்களிலும் ஸ்ரீ நடராஜப் பெருமான் எழுந்தருளிய திருக்கோயில்களிலும் அன்று சிறப்பு அபிஷேகங்கள் நடைபெறும்.

• ஸ்ரீரங்கம் ரங்கநாதர் ஆலயத்தில் ஆனி - கேட்டை நட்சத்திரத்தில் ஆனித்திருமஞ்சனம் நடைபெறும். கோயிலின் தென்பகுதியிலிருந்து தீர்த்தத்துடன் கூடிய தங்கக்குடங்களை யானைமீது கொண்டுவந்து ஸ்ரீ ரங்கநாதருக்கு அபிஷேகம் செய்வர்.

• சிதம்பரம், உத்திரகோசமங்கை திருத்தலங்களில் ஆனி - கார்த்திகை நட்சத்திரத்தன்று ஆனித்திருமஞ்சனத் திருவிழா துவங்கும்.

• ஆனி பௌர்ணமி அன்று சில கோயில்களில் சிறப்பு அபிஷேக வழிபாடுகள் நடைபெறுவதைத் தரிசிக்கலாம். அந்தவகையில் திருச்சி உறையூரில் மேல்கூரை இல்லாமல் திறந்த வெளியில் உள்ள கருவறையில் அருள்புரியும் ஸ்ரீ வெக்காளி அம்மனுக்கு ஆனி பௌர்ணமி அன்று மாம்பழங்களைக் கொண்டு அபிஷேகம் செய்வர். பின்னர் மாம்பழங்களைப் பக்தர்களுக்கு பிரசாதமாக வழங்குவர்.

• திருச்சி மலைக்கோட்டையில் எழுந்தருளியுள்ள ஸ்ரீ தாயுமானவர் கோயிலில் ஆனி பௌர்ணமியன்று, சுவாமிக்கு வாழைப்பழத்தார்களை சமர்பித்து, தங்கள் குடும்பம் வாழையடி வாழையாக சிறப்புடன் வாழ, பிரார்த்தனை செய்வர்.

• ஆனி பௌர்ணமி அன்று சிவபெருமானுக்கும் அம்பாளுக்கும் 16 வகையான அபிஷேக தீபாராதனைகள் நடைபெறும்.

• காரைக்காலில் ஆனி மாத பௌர்ணமியையொட்டி "மாங்கனித் திருவிழா' நடைபெறும். ஆனி பௌர்ணமி அன்று இறைவன் வீதியுலா வரும்போது பக்தர்கள் கூடைகூடையாக வீட்டின் மேல்புறத்தில் அமர்ந்துகொண்டு மாம்பழங்களைக் கொட்டுவார்கள்.

• ஆனி பௌர்ணமியில் மன்னார்குடியில் அருள்புரியும் ஸ்ரீ ராஜகோபாலசுவாமி கோயிலின் தீர்த்த குளமான ஹரித்ரா நதி குளத்தில் தெப்பத் திருவிழா நடைபெறும்.

- டி.ஆர். பரிமளரங்கன்.

அருமையான தகவல்கள்...
திருச்சியில் உள்ளது போல காரைக்காலிலும் மாம்பழ திருவிழா மிகவும் பிரசித்தம் பெற்றது.

சரவணன் wrote:அருமையான தகவல்கள்...
திருச்சியில் உள்ளது போல காரைக்காலிலும் மாம்பழ திருவிழா மிகவும் பிரசித்தம் பெற்றது.

மேற்கோள் செய்த பதிவு: 1143685

காரைகாலில் தான் மாம்பழ திருவிழா மிகவும் பிரசித்தம்....திருச்சி இலுமா சரவணன்?

krishnaamma wrote:

சரவணன் wrote:அருமையான தகவல்கள்...
திருச்சியில் உள்ளது போல காரைக்காலிலும் மாம்பழ திருவிழா மிகவும் பிரசித்தம் பெற்றது.

மேற்கோள் செய்த பதிவு: 1143685

காரைகாலில் தான் மாம்பழ திருவிழா மிகவும் பிரசித்தம்....திருச்சி இலுமா  சரவணன்?

மேற்கோள் செய்த பதிவு: 1143693 அடக் கடவுளே....

• ஆனி பௌர்ணமி அன்று சில கோயில்களில் சிறப்பு அபிஷேக வழிபாடுகள் நடைபெறுவதைத் தரிசிக்கலாம். அந்தவகையில் திருச்சி உறையூரில் மேல்கூரை இல்லாமல் திறந்த வெளியில் உள்ள கருவறையில் அருள்புரியும் ஸ்ரீ வெக்காளி அம்மனுக்கு ஆனி பௌர்ணமி அன்று மாம்பழங்களைக் கொண்டு அபிஷேகம் செய்வர். பின்னர் மாம்பழங்களைப் பக்தர்களுக்கு பிரசாதமாக வழங்குவர்.

இதற்கு பதில் தான் அது...

சரவணன் wrote:

krishnaamma wrote:

சரவணன் wrote:அருமையான தகவல்கள்...
திருச்சியில் உள்ளது போல காரைக்காலிலும் மாம்பழ திருவிழா மிகவும் பிரசித்தம் பெற்றது.

மேற்கோள் செய்த பதிவு: 1143685

காரைகாலில் தான் மாம்பழ திருவிழா மிகவும் பிரசித்தம்....திருச்சி இலுமா  சரவணன்?

மேற்கோள் செய்த பதிவு: 1143693 அடக் கடவுளே....

• ஆனி பௌர்ணமி அன்று சில கோயில்களில் சிறப்பு அபிஷேக வழிபாடுகள் நடைபெறுவதைத் தரிசிக்கலாம். அந்தவகையில் திருச்சி உறையூரில் மேல்கூரை இல்லாமல் திறந்த வெளியில் உள்ள கருவறையில் அருள்புரியும் ஸ்ரீ வெக்காளி அம்மனுக்கு ஆனி பௌர்ணமி அன்று மாம்பழங்களைக் கொண்டு அபிஷேகம் செய்வர். பின்னர் மாம்பழங்களைப் பக்தர்களுக்கு பிரசாதமாக வழங்குவர்.

இதற்கு பதில் தான் அது...

மேற்கோள் செய்த பதிவு: 1143694

okok .அது உறையூர்