ஆஞ்சநேயருக்கு நோட்டீஸ்!....

by **krishnaamma** Wed Jun 10, 2015 10:30 am

பொது இடங்களை ஆக்கிரமித்து வசிப்பவர்களுக்கு அங்கிருந்து வெளியேறுமாறு அரசு அதிகாரிகள் நோட்டீஸ் அனுப்புவது வழக்கம்.

ஆனால், மத்தியப் பிரதேச மாநிலம், பிந்த் மாவட்டத்தில் கோயிலில் உள்ள ஆஞ்சநேயருக்கே நகராட்சி நிர்வாகம் நோட்டீஸ் அனுப்பியது, அனைவரையும் வியப்பில் ஆழ்த்தியுள்ளது.
பிந்த் மாவட்டத்தின் சோட்டி பஜாரியாவில் உள்ள ஆஞ்சநேயர் கோயில் கதவில் அந்த நோட்டீஸை கடந்த 5-ஆம் தேதி நகராட்சி நிர்வாகத்தினர் ஒட்டிச் சென்றனர்.

ஆஞ்சநேயரின் பெயருக்கு அனுப்பப்பட்டிருந்த அந்த நோட்டீஸில், "இந்தக் கோயில் பொது இடத்தை ஆக்கிரமித்துக் கட்டியிருப்பதால், இங்கிருந்து ஒரு வாரத்தில் நீங்கள் வெளியேற வேண்டும்.
இல்லாவிட்டால், இந்த இடம் தரைமட்டமாக்கப்படும்; மேலும், கட்டடக் கழிவுகளை அகற்றுவதற்கான செலவுத் தொகையும் உங்களிடம் இருந்து வசூலிக்கப்படும்' என்று தெரிவிக்கப்பட்டிருந்தது.
அன்றைய தினம் கோயிலுக்கு வந்த பக்தர்கள், நோட்டீûஸ கண்டு அதிர்ச்சியடைந்து, நகராட்சி தலைமை அதிகாரி ஆர்.எஸ்.சாரியிடம் முறையிட்டனர்.

அதற்குப் பதில் கூற முடியாமல் தவித்த அவர், "அங்குள்ள கோல் சந்தையில் இருந்து கிலா சாலை வரையில் உள்ள ஆக்கிரமிப்புகளுக்கு மொத்தம் 218 நோட்டீஸ்கள் அனுப்பப்பட்டன. ஒரே நேரத்தில் அதிக எண்ணிக்கையில் நோட்டீஸ் அனுப்பியதில் தவறு நடந்துவிட்டது' என்று சமாளித்தார்.
அந்த நோட்டீஸை அனுப்பிய நகராட்சி அதிகாரி தினேஷ் திவாரியிடம் விளக்கம் கேட்டு கடிதம் அனுப்பியிருப்பதாகவும் அவர் கூறினார்.

இதுகுறித்து தினேஷ் திவாரி கூறுகையில், "ஏராளமானோருக்கு நோட்டீஸ் அனுப்பும்போது, இவ்வாறு தவறு நடந்துவிட்டது' என்றார்.

தினமணி

by **krishnaamma** Wed Jun 10, 2015 10:32 am

அடப்பாவிகளா..இவங்க பண்ணுகிற அக்கிரமத்துக்கு ஒரு அளவே இல்லியா?...............அவங்க தெரியாமல் அடிக்கட்டும், ஒரு வேலை door நம்பர் அல்லது , நில சர்வே எண்ணை பார்த்து நோட்டிஸ் அடித்திருக்கலாம்....( முதலில் அதுவே தப்பு).........என்றாலும் வந்து ஒட்டினவனுக்கு கண் இல்லையா என்ன? கோபம்

by **மாணிக்கம் நடேசன்** Wed Jun 10, 2015 10:38 am

ஆஞ்சநேயர், ரொம்ப குசும்பு பிடிச்சவரு, இதையெல்லாம் அவரு கண்டுக்க மாட்டாரு.

by **ராஜா** Wed Jun 10, 2015 12:17 pm

இந்து மதத்தையும் இந்து தெய்வங்களையும் எப்படி வேண்டுமானாலும் கேலி கிண்டல் பண்ணலாம் என்று திமிரு தான் காரணம்.

by **T.N.Balasubramanian** Wed Jun 10, 2015 12:31 pm

1.அதிகாரிகள் அளவுக்கு மீறி ,தன் கீழ் உள்ளகுமாஸ்தாக்களை நம்புவதால் ஏற்பட்டு இருக்கலாம் .
2. அல்லது அளவுக்கு மீறி குமாஸ்தாக்களை கோபித்துக் கொண்டு இருக்கலாம் . பழி தீர்த்துக் கொண்டுவிட்டான் .
3. கையெழுத்து போடுமுன் , பெறுபவர் பெயரையாவது பார்த்து இருந்திருக்கலாம் .

ரமணியன்