ஹைபுன் கவிதை.

ந.க.துறைவன் · ந.க.துறைவன் Sun Jun 07, 2015 9:16 am

மதிப்பெண்“..!!
*
பள்ளி மாணவர்கள் பத்தாம் வகுப்பு, +2 வகுப்பு பாடங்களில் அதிக மதிப்பெண் எடுத்து தேர்ச்சி பெற்றார்கள்
செய்தி மகிழ்ச்சியளிக்கின்றது. பாராட்டலாம். இந்த தேர்ச்சி எப்படிப்பட்து என்புது தான் கேள்வி. மாணவர்களை மனப்பாடம் செய்ய வைத்து, அதை அப்படியே பரிட்சையில் பதிவு செய்ய வைப்பது ஒரு தேர்வா? மனனம் செய்து எழுதியதை விடைத்தாள்கள் திருத்துபவர்கள் எப்படி முழுமையான சரியான விடையென்று மதிப்பெண் அளிக்கின்றார்கள்? அரசும் இதை எப்படி சரியானமுறையென்று அதிக மதிப்பெண் அள்ளிக் கொடுக்க அனுமதியளிக்கின்றது. இது தான் கல்விமுறையா?
அறிவிற்கு அளிக்கவில்லை
மனப்பாடத்திற்குத்தான்
அள்ளி வழங்கியது மதிப்பெண்.
*

ந.க.துறைவன் · ந.க.துறைவன் Tue Jun 09, 2015 9:22 am

மர [ ண ] ம்….!! [ HAIBUN / ஹைபுன் ]
*
இடி பலத்தக் காற்று. மழையின்னும் ஆரம்பிக்கவில்லை. காற்றில் மரங்கள் பேயாட்டம் போட்டன. முருங்கைகள் பலமிழந்து முறிந்து விழுந்து விட்டன. அதில் உள்ள காய்களைக் கீரைகளைப் பறித்துக் கொள்ள, அருகில் வாழும் பெண்கள் ஓடிவந்து மடமடவென்று ஒடித்து எடுத்துக் கொண்டார்கள். அவர்கள் முகங்களில் ஓசியில் ஒருநாள் சமையலுக்கு காய்கள் கிடைத்ததென்று பெரும் மகிழ்ச்சி. மரத்தின் வீட்டுக்குச் சொந்தக்காரர் விரைந்து வந்து அவர்களை விரட்டியடித்தார். கிடைத்தவரை லாபமென்றுபெண்கள் ஒதுங்கிப் போய்விட்டார்கள். காற்று அடங்கி பலத்த மழைத் தொடங்கியது.
அருகில் யாருமில்லை.
அனாதைப் பிணமாய் கிடந்தது
முருங்கை மரம்.
*

சரவணன் · சரவணன் Tue Jun 09, 2015 11:23 am

அய்யா நம்ம கல்விமுறை எப்போவோ மாறிவிட்டது...இப்போ அழுது என்ன செய்ய.
மிகப் பெரிய போராட்டம் நடத்தி இதை மாற்றியே ஆக வேண்டும்

shobana sahas · shobana sahas Wed Jun 10, 2015 2:42 am

அய்யா கல்வி முறையில் மாற்றம் தேவை . அனால் எதனை பேர் அதை விரும்புகின்ட்றனர் என்பது தெரிய வில்லை . ஏன் என்றல் என் பிள்ளை 499/500 வாங்கி உள்ளன் என்பதியே பெற்றோர் சொல்லிக்கொள்ள விரும்புகின்றனர் . அவனுடைய அறிவு வளர்ச்சி பற்றி யாரும் கவலை கொள்வதில்லை . எப்படியோ ஒரு மார்க் பெருமையாக , அவர்களுடைய மானம் மரியாதை காப்பாற்றி கொள்வதற்காக பிள்ளைகளும் படிக்கின்றனர் . பொது அறிவும் , அறிவியல் , அனுபவ அறிவும் தேவை ... மக்கள் யோசிக்கவேண்டும் . முதலில் பெற்றோர்கள் போலி gauravathai. எண்ணாமல் அறிவு தான் முக்கியம் என்று முடிவு செய்து kodi. பிடிக்க வேண்டும் . மாறுவார்கள ?

ந.க.துறைவன் · ந.க.துறைவன் Wed Jun 10, 2015 9:09 am

நன்றி சரவணன்...

ந.க.துறைவன் · ந.க.துறைவன் Wed Jun 10, 2015 9:10 am

நன்றி சோபனா....

ந.க.துறைவன் · ந.க.துறைவன் Wed Jun 10, 2015 9:11 am

தேடல்…!! [ HAIKUN / ஹைபுன் ]
*
எங்கு தேடினாலும் கிடைக்கவில்லை. கிடைக்கும் என்ற நம்பிக்கையில் தேடிக் கொண்டேயிருந்தான். எங்கு வைத்தோமென்று யோசித்துப் பார்த்தான். கவனத்திற்கு வரவில்லை ஞாபக மறதி வந்துவிட்டதோ என்று பயந்தான். பயம் பல நேரங்களில் மனிதர்களை பயமுறுத்திப் பார்க்கும். பயந்தவர்கள் யாரும் தைரியசாலிகள் இல்லையா என்ன?. முக்கியமான பொருள் என்பதால் மனதில் பதட்டம் அதிகரித்தது. எப்படியும் கிடைத்துவிடும் என்ற உறுதியோடு தேடினான். பளிச்சென்று ஞாபகம் வந்துவிட்டது. அங்கே போய் பார்த்தான். பொருள் வைத்த இடத்திலேயே பத்திரமாக இருந்தது.
சிக்கலானப் பிரச்சினையிலிருந்து தப்பித்தோம்
என்று நிம்மதி பெருமூச்சு விட்டான்.
தேடுவது்மில்லை தொலைப்பதுமில்லை
எந்தவொரு பொருளும் கைவசமில்லை
சேமித்து வாழத் தெரியாதப் பறவைகள்.
*

Sponsored content · Sponsored content

ஹைபுன் கவிதை.

ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

Re: ஹைபுன் கவிதை.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக