செவிலியர் வேலைக்கு ஆன்லைனில் விண்ணப்பிக்கும் தேதி நீட்டிப்பு!

சென்னை:
செவிலியர் வேலைக்கு ஆன்லைனில் விண்ணபிக்கும்
தேதி மே 18 வரை நீட்டிக்கப்பட்டுள்ளது. இதனை தமிழக
அரசின் மருத்துவ சேவைகள் தேர்வு வாரியம் தெரிவித்துள்ளது.
-

-


தமிழ்நாட்டில் உள்ள அரசு மருத்துவமனைகளில்
ஒப்பந்த அடிப்படையில் 7243 செவிலியர் பணியிடங்கள்
போட்டித் தேர்வு மூலம் நிரப்புவதற்கான அறிவிப்பை
கடந்த ஏப்ரல் 19ஆம் தேதி தமிழக அரசின் மருத்துவ
சேவைகள் தேர்வு வாரியம் வெளியிட்டது.

இதில் 6792 பணியிடங்கள் பெண்களுக்கும்,
451 பணியிடங்கள் ஆண்களுக்கும் ஒதுக்கப்பட்டுள்ளது.
தொகுப்பு ஊதியமாக மாதம் ரூ.7,700 வழங்கப்படும்
என்றும், ஆண்டுக்கு ரூ.500 ஊதிய உயர்வு அளிக்கப்படும்
என்றும், இரண்டு ஆண்டுகளுக்குப்பின் காலியிடங்கள்
ஏற்படுவதை பொறுத்து பணி நிரந்தரம் செய்யப்படும்
என்றும் கூறப்பட்டிருந்தது.

01.07.2015 தேதியின் படி 18 - 58 வயதுக்குள் இருக்க
வேண்டும் என்றும், செவிலியர்கள் (பெண்கள்)மாநில
அரசால் அங்கீகரிக்கப்பட்ட பயிற்சி நிறுவனத்தில்
3 வருட ஜெனரல் நர்சிங் டிப்ளமோ முடித்து 6 மாத
கால Midwifery பயிற்சியையும் முடித்திருக்க
வேண்டும் என்றும் மேற்கண்ட தகுதிகளுடன்
Tamil Nadu Nurse and Midwives Council
-லில் நிரந்தர பதிவு செய்திருக்க வேண்டும் என்றும்
கூறப்பட்டிருந்தது.

மேலும், மே 11ஆம் தேதி ஆன்லைனில் விண்ணப்பிக்க
கடைசி நாள் என்று அறிவிக்கப்பட்டிருந்தது.

இந்த நிலையில், ஆன்லைனில் விண்ணப்பிக்கும்
தேதியை
நீட்டித்து தமிழக அரசின் மருத்துவ சேவைகள் தேர்வு
வாரியம் அறிவித்துள்ளது. அதன்படி, ஆன்லைனில்
மே 18ஆம் தேதி வரை விண்ணப்பிக்கலாம் என்று
கூறப்பட்டுள்ளது. இந்தியன் வங்கி மூலம் கட்டணம்
செலுத்துபவர்கள் மே 20ஆம் தேதிக்குள் கொடுக்க
வேண்டும்
என்று தெரிவிக்கப்பட்டுள்ளது.

எழுத்துத்தேர்வில் மாற்றம் செய்யப்படவில்லை.
எழுத்துத் தேர்வு ஜுன் 28ஆம் தேதி நடைபெறுகிறது.

விண்ணப்பக் கட்டணம், பொது மற்றும் ஓபிசி
பிரிவினருக்கு ரூ.600. தாழ்த்தப்பட்டோர்,
பழங்குடியினருக்கு ரூ.300. இதனை ஆன்லைன்
அல்லது ஆஃப்லைன் முறையில் செலுத்தலாம்.

www.mrb.tn.gov.in என்ற இணையதளத்தின்
மூலம் ஆன்லைனில் மட்டுமே விண்ணப்பிக்க
வேண்டும்.
மேலும் விண்ணப்பதாரர்களின் சந்தேகங்களுக்கு
முழுமையான விவரங்கள் அறிய
www.mrb.tn.gov.in என்ற இணையதளத்தை
பார்க்கவும்.
-
---------------------------------------------
விகடன்