நீ ஒல்லிங்கறதால தான் கூப்பிட்டேன்..!!

by **ayyasamy ram** Sun Jun 07, 2015 4:49 pm

-
—

நன்றி காட்டணும்னு எண்ணி, அதைக் காட்டாமல்
இருப்பது எதைப் போன்றது தெரியுமாடா?

மற்றவன்: எதைப் போன்றதுடா?

கிப்ட் கவர்ல பணம் போட்டுவிட்டு, அதை தம்பதிகளுக்குப்
பரிசளிக்காமல், திருப்பிக் கொண்டு போறையே… அதைப்
போன்றதுதான்டா!
–
வி.சி.கிருஷ்ணரத்னம்,
–
——————————————
–
“ரொம்ப தேங்க்ஸ்ங்க, வாலண்டரியா கூப்பிட்டு, உங்க
பக்கத்துல இருக்கிற சீட்டை எனக்கு உட்காரத் தந்ததுக்கு”
–
“அட… உன் மேல எனக்கு என்னப்பா அக்கறை?
பொது பொதுன்னு குண்டா இருக்கிற ஒருத்தன் எனக்குப்
பக்கத்துல உட்கார்ந்துட்டு வந்தா எனக்குத்தானே கஷ்டம்?
நீ ஒல்லிங்கறதால தான் கூப்பிட்டு உட்காரச் சொன்னேன்”
–
ஆர்.புனிதா,
–
—————————————–
“வெளிநாட்டு வேலை’ என்ற தலைப்பில் வந்த

எஸ்எம்எஸ்.

=============

ஓய்ந்து இருக்கையில்

சாய்ந்து கொள்ளத் தாயும் இல்லை…

இன்பமாய் இருக்கையில்

அன்பு கொள்ளத் தாரமும் இல்லை…

கோபமாய் இருக்கையில் கொஞ்சிப் பேசித் தணிக்க

குழந்தையும் இல்லை…

ஏங்கி இருக்கையில் தாங்கிக் கொள்ள

நட்பும் இல்லை…

நல்ல உணவும் இல்லை…

சொல்ல உறவும் இல்லை…

இதையெல்லாம் விட்டு விட்டு

நான் வந்தேன்…

வெளிநாடு…

எனையன்றி யாரறிவார்

இங்கு நான் படும்பாடு?

===============

ஜோ.ஜெயக்குமார், நாட்டரசன்கோட்டை.

பேல்பூரி – 12-10-14 தினமணி