முதல் அமைச்சர் ஜெயலலிதா தாக்கல் செய்த சொத்து விவரம்

ஆர்.கே.நகர் தொகுதி இடைத்தேர்தலில் அ.தி.மு.க. சார்பில் போட்டியிடும் முதல்–அமைச்சர் ஜெயலலிதா நேற்று வேட்புமனு தாக்கல் செய்தார். அப்போது, தனது சொத்து விவரங்களையும் தாக்கல் செய்திருந்தார். அதன் நகல் பிரதி நேற்று இரவு வேட்புமனு தாக்கல் செய்யும் அலுவலகமான சென்னை தண்டையார்பேட்டை மாநகராட்சி மண்டல அலுவலகம் 4–ல் ஒட்டப்பட்டது.

அதில் கூறப்பட்டுள்ள விவரம் வருமாறு:–

2013–2014–ம் ஆண்டு வங்கிக்கணக்குப்படி மொத்த வருமானம் ரூ.33 லட்சத்து 22 ஆயிரத்து 730. கையிருப்பு ரூ.39 ஆயிரம். வங்கி கணக்கில் சேமிப்பு தொகை ரூ.9 கோடியே 80 லட்சத்து 9 ஆயிரத்து 639. வழக்கில் முடக்கப்பட்ட தொகை ரூ.2 கோடியே 47 லட்சத்து 74 ஆயிரத்து 945 (மயிலாப்பூர் கரூர் வைஸ்யா வங்கி கணக்கு உள்பட).

5 நிறுவனங்களில் தொழில் முதலீட்டு தொகை ரூ.31 கோடியே 68 லட்சத்து 82 ஆயிரத்து 808. சொந்தமாக வைத்திருக்கும் 9 வாகனங்களின் மதிப்பு ரூ.42 லட்சத்து 25 ஆயிரம். வெள்ளி பொருட்கள் 1,250 கிலோ. இதில், ஒரு கிலோவுக்கு ரூ.25 ஆயிரம் மதிப்பிடப்பட்டதின் அடிப்படையில் ரூ.3 கோடியே 12 லட்சத்து 50 ஆயிரம். வழக்கில் முடக்கப்பட்ட தங்க நகைகள் 21,280.300 கிராம்.

காஞ்சீபுரம் மற்றும் ஐதராபாத்தில் உள்ள விவசாய நிலங்களின் மதிப்பு ரூ.14 கோடியே 78 லட்சத்து 37 ஆயிரத்து 300 (17.93 ஏக்கர்). சென்னை போயஸ் கார்டன், மந்தைவெளி, தேனாம்பேட்டை மற்றும் ஐதராபாத்தில் உள்ள வணிக கட்டிடங்களின் மதிப்பு ரூ.13 கோடியே 34 லட்சத்து 70 ஆயிரத்து 990. போயஸ் கார்டன் வீட்டின் மதிப்பு (24,000 சதுரஅடி) ரூ.43 கோடியே 96 லட்சத்து 74 ஆயிரத்து 900.

ஒட்டுமொத்த அசையா சொத்தின் மதிப்பு ரூ.72 கோடியே 9 லட்சத்து 83 ஆயிரத்து 190. ஒட்டுமொத்த அசையும் சொத்தின் மதிப்பு ரூ.45 கோடியே 4 லட்சத்து 6 ஆயிரத்து 447. ஜெயலலிதா பெயரில் உள்ள மொத்த வங்கிக் கடன் (அபிராமபுரம் இந்தியன் வங்கி உள்பட) மதிப்பு ரூ.2 கோடியே 4 லட்சத்து 2 ஆயிரத்து 987.

இதுல ஜட்ஜ் அய்யாக்கு கொடுத்த பேமன்ட்ட
கழிச்சுட்டு தான கணக்கு காட்டி இருக்காங்க பாஸ்

ஜெ., சொத்து மதிப்பு ரூ.117 கோடி

ஆர்.கே.நகர் தொகுதி இடைத்தேர்தலில் அதிமுக சார்பில் போட்டியிடும் முதல்வர் ஜெயலலிதா நேற்று வேட்புமனு தாக்கல் செய்தார். அந்த மனுவில் அவர், தனது சொத்து மதிப்பு ரூ.117 கோடி என குறிப்பிட்டுள்ளார். 2011ம் ஆண்டு தேர்தலின் போது அவர் தாக்கல் செய்த வேட்புமனுவில் தனது சொத்து மதிப்பு ரூ.51.40 கோடி எனவும், 2006ம் ஆண்டு தேர்தலில் போது சொத்து மதிப்பு ரூ.24.7 கோடி எனவும் குறிப்பிட்டிருந்தார். ஒவ்வொரு தேர்தலின் போதும் ஜெ.,வின் சொத்து மதிப்பு இரண்டு மடங்காக காட்டப்பட்டப்பட்டுள்ளது குறிப்பிடத்தக்கது.

ஜூன் 27ம் தேதி சென்னை ஆர்.கே.நகர் தொகுதியில் இடைத்தேர்தல் நடைபெற உள்ளது. இதற்காக அதிமுக சார்பில் ஜெயலலிதா நேற்று பிற்பகல் 1.50 மணியளவில் தண்டையார்பேட்டையில் உள்ள மண்டல அலுவலகத்திற்கு வந்து வேட்புமனு தாக்கல் செய்துள்ளார். அதில் தனது சொத்து மதிப்பு ரூ.117.13 கோடி என குறிப்பிட்டுள்ளார். வேட்புமனுவில் குறிப்பிட்டுள்ள ஜெ.,வின் சொத்து மதிப்பு விபரம் :

அசையும் சொத்து மதிப்பு - ரூ.45.04 கோடி

அசையா சொத்து மதிப்பு - ரூ.72.09 கோடி

வங்கி கணக்கு - ரூ.9.80 கோடி

முதலீடுகள் - ரூ.31.68 கோடி (கோடநாடு உள்ளிட்ட 5 இடங்களில் பங்குதாரருடன் இணைந்த முதலீடு)

ரூ.44 கோடி மதிப்பிலான போயஸ் தோட்ட வீட்டின்(வேத நிலையம்) தற்போதைய சந்தை மதிப்பு ரூ.81 கோடி. 24,000 சதுரடியிலான இந்த பகுதியில் 21,662 சதுரடியில் வீடு கட்டப்பட்டுள்ளது. இதன் மதிப்பு ரூ.43.96 கோடி. 1967ம் ஆண்டு ஜூலை 15ம் தேதி ரூ.1.32 லட்சத்திற்கு ஜெ., இந்த வீட்டை வாங்கி உள்ளார். சென்னை போயஸ் கார்டன் வீடு, ஐதராபாத் ஸ்ரீநகர் காலனி உள்ளிட்ட 4 இடங்களில் ஜெ.,க்கு சொந்தமாக வீடு உள்ளது.

ஐதராபாத், தெலுங்கானா உள்ளிட்ட பகுதிகளில் 14.5 ஏக்கரில் வேளாண் நிலங்கள் உள்ளன. இவற்றின் மதிப்பு ரூ.14.44 கோடி.

2 டோயோட்டா போர்டா, 1980 மாடல் அம்பாசிடர் கார், 1990 மாடல் கான்டசா உள்ளிட்ட 9 வாகனங்கள். இவற்றின் சந்தை மதிப்பு ரூ.42.55 லட்சம்

21280.300 கிராம் தங்கம் ( சொத்துகுவிப்பு வழக்கில் போலீசாரால் பறிமுதல் செய்யப்பட்டு, தற்போது கர்நாடக அரசு கருவூலத்தில் உள்ளது)

தங்கத்தின் மதிப்பு கணக்கிட முடியவில்லை என குறிப்பிட்டுள்ளார்.

வருமான வரி தாக்கல் அடிப்படையில் 2013-14ம் ஆண்டில் மொத்த வருமானம் ரூ.33.32 லட்சம்.

குடும்ப உறுப்பினர்கள் எவரும் இல்லை என குறிப்பிட்டுள்ளார்.

சொத்து விவரம் படிக்கும் போதே கண்ணை கட்டுதே சிவா