என் பள்ளிக்கு பூட்டு - எம்.எம்.செந்தில் குமார்

by **M.M.SENTHIL** Sat Jun 06, 2015 12:36 pm

First topic message reminder :

ஒட்டுப் போட்ட
காக்கி டவுசர்,
உஜாலா போட்ட
வெள்ளை சட்டை,
தூக்கு போசியில் பழைய சோறும்
கடிச்சிக்க கந்தாயி பாட்டி
கடையில் வாங்கிய
மாங்காய் ஊறுகாயும்
கால் கடுக்க
பத்து மைல்
நடந்து போனேன்
ஆரம்பப் பள்ளிக்கு !!

வழிநெடுக
வந்து எங்களை
வழி அனுப்பும்
கள்ளி சப்பாத்தி மரங்களும்
கருவேல மரங்களும்!!

ஓணானை கண்டால்
அர்ச்சுணன் ஆவோம்,
வைத்த குறி தப்பாது
ஒரே கல்லில் மடிந்து விழும்!!

மாந்தோப்பை கடக்கையில்
திருடுவது தவறென்றாலும்
திருடனாவோம் நண்பர்க்காய்!!

முழாண்டு பரீட்சையில்
கல்லக்கா புடுங்க போவோம்,
ஆசாரி பட்டறையில
அருவா அடிக்கப் போவோம்,
அஞ்சு ரூபா சம்பாதிச்சாலும்
செலவு பண்ண மூணு நாள் ஆவும்!!

பத்தாங்கிளாசுல
பஸ்டு மார்க்கு என்புள்ளதான்,
இதா பேப்பரப் பாருன்னு
எங்கப்பன் தெருவெல்லாம்
ஓடும்போதுதான் - எனக்கு
என் பள்ளியை ரொம்ப பிடித்தது!!

வெளிநாடு வேலை
அத்தி பூத்தாற்போல்
அவ்வப்போது தாய்நாடு,
எப்போது வந்தாலும்
என் பள்ளியை ஒரு முறை
பார்த்து வருவேன் நான்!!

இதோ இப்போது
பள்ளியின் கதவில்
பெரிய பூட்டு தொங்குகிறது,
தனியாரு பள்ளிங்க
தொறந்துட்டாங்க தெரு தெருவுக்கு,
கல்வி இப்போ கவுரவம்
ஆகிப் போச்சுப்பா,
கவருமென்ட் ஸ்கூளுக்கெல்லாம்
யாருமிப்போ போறதில்ல
அப்பா சொன்னார் !!

by யினியவன் Sat Jun 06, 2015 11:32 pm

விமந்தனி wrote:எனக்கு எப்ப பார்த்தாலும் பரீட்சை எழுதற மாதிரியே கனவு வருது பானு. எதனாலன்னே எனக்கும் தெரியல.... ஆனாலும் அந்த கனவு எனக்கு ரொம்பவும் பிடிச்சிருக்கு....

ஏன்னா ரிசல்ட் வர மாதிரி கனவு வரலேல்ல அதான் புன்னகை

by **விமந்தனி** Sat Jun 06, 2015 11:42 pm

யினியவன் wrote:
விமந்தனி wrote:எனக்கு எப்ப பார்த்தாலும் பரீட்சை எழுதற மாதிரியே கனவு வருது பானு. எதனாலன்னே எனக்கும் தெரியல.... ஆனாலும் அந்த கனவு எனக்கு ரொம்பவும் பிடிச்சிருக்கு....

ஏன்னா ரிசல்ட் வர மாதிரி கனவு வரலேல்ல அதான்

ஹ... ஹா...ஹா... ஆமாம், அதே தான்....!