வங்கதேச கிரிக்கெட் கேப்டன் மஷ்ரபே மொர்டசா சாலை விபத்தில் காயம்

by **ராஜா** Thu Jun 04, 2015 3:43 pm

வங்கதேச கிரிக்கெட் வீரரும், ஒரு நாள் கிரிக்கெட் போட்டிக்கான கேப்டனுமான மஷ்ரபே மொர்டசா, சாலை விபத்தில் காயமடைந்தார்.

பயிற்சி மேற்கொள்வதற்காக மிர்புரில் உள்ள ஷேர் இ பங்ளா மைதானத்துக்கு ஆட்டோவில், மொர்டசா சென்று கொண்டிருந்தபோது எதிர்பாராத விதமாக பேருந்து ஒன்று ஆட்டோ மீது மோதியது. இதில் ஆட்டோவிலிருந்து வெளியே விழுந்த மொர்டசாவின் இரு கைகளிலும் காயம் ஏற்பட்டது. இது குறித்து செய்தியாளர்களிடம் பேசிய அவர் கூறுகையில், சிக்கல் தரும் அளவுக்கு காயமடையவில்லை. ஆனால் கைகளில் சிராய்ப்பு ஏற்பட்டுள்ளது என்றார்.

அந்நாட்டில் சுற்றுப்பயணம் செய்ய உள்ள இந்திய அணி வரும் ஜூன் 10 ஆம் தேதியன்று துவங்கும் ஒரு டெஸ்ட் போட்டியிலும் மற்றும் ஜூன் 18 ஆம் தேதி துவங்கும் 3 ஒரு நாள் போட்டிகளிலும் விளையாட உள்ளது. இதில் டெஸ்ட் போட்டிக்கான அணியில் மொர்டசா இடம்பெறவில்லை என்பது குறிப்பிடத்தக்கது. -maalaimalar