பால் பவுடரில் நெளிந்த புழுக்கள்.. மேலும் ஒரு நெஸ்லே பீதி!

by **krishnaamma** Thu 4 Jun 2015 - 0:41

First topic message reminder :

பால் பவுடரில் நெளிந்த புழுக்கள்.. மேலும் ஒரு நெஸ்லே பீதி! - Page 2 Y4lM7mZTSAiILz6Gq1QT+03-1433329589-nestle-nan-pro45

கோவை: ஏற்கனவே நெஸ்லேவின் மேகி நூடுல்ஸ் பெரும் சர்ச்சையில் சிக்கியுள்ள நிலையில் தற்போது நெஸ்லேவின் பால் பவுடரும் புதுப் பிரச்சினையில் சிக்கியுள்ளது. குழந்தைகளுக்கான இந்த பால் பவுடரில் உயிருடன் புழுக்கள் கூட்டம் கூட்டமாக நெளிந்து கிடந்தது கண்டுபிடிக்கப்பட்டு பெரும் பரபரப்பை ஏற்படுத்தியுள்ளது. கோவையில்தான் இந்த குமட்டல் சம்பவம் நடந்துள்ளது. மேகி நூடுல்ஸ் உடல் ஆரோக்கியத்தைக் காலி செய்யும் வகையில் உள்ளதாக உ.பி., பீகார் என பல மாநிலங்களில் பிரச்சினையாகி வருகிறது.

இந்த விளம்பர படத்தில் நடித்த நடிகர், நடிகையர் மீது வழக்குகளும் பாய்ந்து வருகின்றன. இந்த நிலையில் நெஸ்லேவின் பால் பவுடரால் புது சர்ச்சை வெளியாகியுள்ளது. கோவை புளியகுளம் பகுதியைச் சேர்ந்தவர் பிரேம் ஆனந்த். டாக்சி டிரைவரான இவர் தனது குழந்தைக்கு வழக்கமாக வாங்கும் நெஸ்லே பால் பவுடரை வாங்கியுள்ளார். 380 கிராம் நெஸ்லே நான் புரோ 3 டப்பாவை அவர் வாங்கினார்.

இவருக்கு 18 மாதத்தில் ஒரு குழந்தையும், இன்னும் ஒரு இரட்டைக் குழந்தைகளும் உள்ளனர். 18 மாதக் குழந்தைக்கு இவர் பேபி பார்முலாவைக் கொடுத்து வருகிறார். இரட்டைக் குழந்தைகளுக்காக இந்த நெஸ்லே பால் பவுடரை அவர் வாங்கி வந்தார். வீட்டுக்கு வந்து டப்பாவைத் திறந்து பால் பவுடரை எடுக்க முயன்றபோது உள்ளே புழுக்கள் உயிருடன் நெளிந்து கொண்டிருப்பதைப் பார்த்து அதிர்ச்சி அடைந்தார் பிரேம் ஆனந்த்.

மேலும் அவரது குழந்தைக்கு 2 நாட்கள் கழித்து தோலில் அலர்ஜியும் ஏற்பட்டுள்ளது. இதையடுத்து அதை தனியார் மருத்துவமனையில் சேர்த்தனர். இந்த விவகாரம் குறித்து நெஸ்லேவின் வாடிக்கையாளர் பிரிவில் புகார் கொடுத்தார் பிரேம் ஆனந்த். இதையடுத்து உள்ளூர் ஏரியா மேனேஜர் கிருஷ்ணபெருமாளுக்கு இதுகுறித்து விசாரிக்குமாறு நெஸ்லேவிடமிருந்து நோட்டீஸ் போனது. அவர் வேறு பால் பவுடர் டப்பாவைத் தருவதாக பிரேம் ஆனந்த்திடம் கூறினார்.

ஆனால் அதை ஏற்க பிரேம் ஆனந்த் மறுத்து விட்டார். இதையடுத்து நிறுவனத்தின் ஆய்வகத்தில் அந்த பால் பவுடரை சோதனை செய்ய நெஸ்லே பிரதிநிதி கூறியுள்ளார். ஆனால் அதையும் பிரேம் ஆனந்த் ஏற்கவில்லை. இது குழந்தைகளின் உயிர் மற்றும் ஆரோக்கியம் சம்பந்தப்பட்ட விஷயம். எனவே பாரபட்சமற்ற நடுநிலையான விசாரணை தேவை என்று பிரேம் ஆனந்த் கூறி விட்டார்.

இந்த நிலையில் இந்த பால் பவுடரை கோவையில் உள்ள உணவு ஆய்வுகத்தில் ஆய்வு செய்து பார்த்தபோது அதில் 28 உயிருள்ள புழுக்கள் இருந்ததும், 22 சிறிய வகை புழுக்கள் இருந்ததும் தெரிய வந்தது. இதையடுத்து தமிழ்நாடு உணவுப் பாதுகாப்பு மற்றும் மருந்து நுிர்வாகத் துறையை அணுகி இந்த பால் பவுடரின் சாம்பிளை அவர்களிடம் கொடுத்து புகார் செய்தார் பிரேம் ஆனந்த்.

இந்தப் பவுடர் மாதிரியை ஆய்வு செய்த அங்குள்ள நிபுணர்கள் இந்த பால் பவுடர் பயன்படுத்துவதற்கு உகந்ததல்ல என்று அறிக்கை கொடுத்துள்ளனர். இருப்பினும் இந்தப் பவுடருக்கு மட்டும்தான் இந்த அறிக்கை பொருந்தும், ஒட்டுமொத்தமாக நெஸ்லே தயாரிப்புகளுக்கு இது பொருந்தாது என்றும் இவர்கள் கூறியுள்ளனர். இன்னும் என்னவெல்லாம் கிளம்பப் போகிறதோ!

விகடன்

by சரவணன் Thu 4 Jun 2015 - 12:55

balakarthik wrote:அட அவனே பாலூத்த தானே விக்குறான்

உண்மைதான். சீனாவில் பால் பவுடர்கள் முற்றிலும் கெமிக்கல் கொண்டு தயார் செய்து விர்ப்பாதாக இன்றும் நம்பப்படுகிறது.
அவனுங்க வேற எப்படியோ மேட் இன் "அந்த நாடு பெயர் வேணும்னாலும் போடுராணுக" தயார் பண்ணி எளிதில் இந்தவுக்கு கொண்டு வந்து விடுகின்றான்.

நம் இந்திய குழந்தைகளை தான் குறி வைக்கிறானுங்க எல்லாரும்... சோகம்

by **M.M.SENTHIL** Thu 4 Jun 2015 - 12:57

கோககோலாவை நம்மாளுங்க தடை பண்ணிட்டாங்களா என்ன? பெரும் தொகை கை மாறினால் போதும், எவன் வீட்டில் எழவு விழுந்தா இவனுங்களுக்கு என்ன.... நடுநிலையான விசாரணை தேவை..

இதை விட, மக்கள் இனியாவது கொஞ்சம் மூளையை உபயோகிக்கனும்.. கவருமென்ட்டே கொடுக்குதுல்ல சத்து மாவுன்னு, அதப் போய் வாங்குறதுக்கு நம்மாளுங்களுக்கு கவுரவ கொறச்சல்...

யோசிங்கப்பு, இனியாவது எதிர்கால இந்தியாவோட தூண்களோட வாழ்க்கையில விளையாடாதீங்க

by **krishnaamma** Thu 4 Jun 2015 - 13:00

balakarthik wrote:அட அவனே பாலூத்த தானே விக்குறான்

அய்யய்யோ.............பாலா !

by **krishnaamma** Thu 4 Jun 2015 - 13:01

M.M.SENTHIL wrote:கோககோலாவை நம்மாளுங்க தடை பண்ணிட்டாங்களா என்ன? பெரும் தொகை கை மாறினால் போதும், எவன் வீட்டில் எழவு விழுந்தா இவனுங்களுக்கு என்ன.... நடுநிலையான விசாரணை தேவை..

இதை விட, மக்கள் இனியாவது கொஞ்சம் மூளையை உபயோகிக்கனும்.. கவருமென்ட்டே கொடுக்குதுல்ல சத்து மாவுன்னு, அதப் போய் வாங்குறதுக்கு நம்மாளுங்களுக்கு கவுரவ கொறச்சல்...

யோசிங்கப்பு, இனியாவது எதிர்கால இந்தியாவோட தூண்களோட வாழ்க்கையில விளையாடாதீங்க

மேற்கோள் செய்த பதிவு: 1141890

நிஜம் செந்தில்............ சோகம்

பாவம் குழந்தைகள்!

by balakarthik Thu 4 Jun 2015 - 13:33

krishnaamma wrote:
balakarthik wrote:அட அவனே பாலூத்த தானே விக்குறான்

அய்யய்யோ.............பாலா !

ஆமாம் அதா குடிச்சுட்டு போறவங்கள பார்த்து அப்படித்தான் அழனும்

by **krishnaamma** Thu 4 Jun 2015 - 13:48

balakarthik wrote:
krishnaamma wrote:
balakarthik wrote:அட அவனே பாலூத்த தானே விக்குறான்

அய்யய்யோ.............பாலா !

ஆமாம் அதா குடிச்சுட்டு போறவங்கள பார்த்து அப்படித்தான் அழனும்

மேற்கோள் செய்த பதிவு: 1141906

சிப்பு வருது

பால் பவுடரில் நெளிந்த புழுக்கள்.. மேலும் ஒரு நெஸ்லே பீதி! - Page 2 433338962

by **ஜாஹீதாபானு** Thu 4 Jun 2015 - 18:22

by யினியவன் Thu 4 Jun 2015 - 18:27

எவ்ளோ நேர்மையா இருக்காங்க
புழுவ கொல்லல பாருங்க
ரொம்ப புழுதநேயத்தோட
இருக்காங்களே

by balakarthik Thu 4 Jun 2015 - 18:32

யினியவன் wrote:எவ்ளோ நேர்மையா இருக்காங்க
புழுவ கொல்லல பாருங்க
ரொம்ப புழுதநேயத்தோட
இருக்காங்களே

புழுவுல ப்ரோத சத்து இருக்காம் அதான்

by சரவணன் Thu 4 Jun 2015 - 19:15

balakarthik wrote:
யினியவன் wrote:எவ்ளோ நேர்மையா இருக்காங்க
புழுவ கொல்லல பாருங்க
ரொம்ப புழுதநேயத்தோட
இருக்காங்களே

புழுவுல ப்ரோத சத்து இருக்காம் அதான்

ஏழைகள் சாப்பிடும் அங்காடி அரிசி கோதுமை ரவா இதுல கூட தான் புழுக்கள் நெளியுது. இதை யாரும் கேட்க மற்றாங்க.. சோகம்

அரசியல் வாதிகள் குழந்தைகள் யாரும் அங்காடி ஐட்டம்ஸ் சாப்பிடறது இல்லை அதனால போலருக்கு...