புது டெல்லி: சைக்கிள் ஷேரிங் திட்டம் அறிமுகம்!

புது டெல்லி: வாகன நெரிசல், மாசுகட்டுப் பாட்டை குறைத்தல், மக்களிடையே சைக்கிள் ஓட்டு வதை ஊக்கப்படுத்தும் வகையில் நகரில் சைக்கிள் ஷேரிங் திட்டம் அறிமுகப்படுத்த டெல்லி மேம்பாட்டு ஆணையம் ஒப்புதல் அளித்துள்ளது. டெல்லியில் நாளுக்கு நாள் வாகன பயன்பாட்டு அதிகரித்து வருகிறது. இதனால், வாகன நெரிசல் ஏற்படுவதுடன் அதிலிருந்து வெளியேறும் புகையால் சுற்றுச்சூழலும் மாசடைகிறது.

நாட்டின் தலைநகரில் வாகன நெரிசல், மாசுவை குறைக்கவும், எரிபொருளை சிக்கனப்படுத்தவும் பல்வேறு நடவடிக்கைகள் எடுக்கப்படுகின்றன. அதில் ஒரு பகுதியாக, ஐரோப்பிய நாட்டில் மிகவும் பிரபலமான சைக்கிள் ஷேரிங் திட்டத்தை டெல்லியில் கொண்டு வர ஏற்கனவே முடிவு செய்யப்பட்டிருந்தது. இது தொடர்பாக, டெல்லி மேம்பாட்டு ஆணையத்தின் தலைவர் நஜீப் ஜங் தலைமையில் 51வது கூட்டம் நேற்று முன்தினம் நடைபெற்றது. இதில், சைக்கிள் ஷேரிங் திட்டம் குறித்து ஆலோசிக்கப்பட்டது. பின்னர், சைக்கிள் ஷேரிங் திட்டத்தை அறிமுகப்படுத்த நஜீப் ஜங் ஒப்புதல் அளித்தார்.

இது குறித்து டிடிஏ தலைவராகவும் இருக்கும் நஜீப் ஜங் கூறியதாவது: நாட்டில் தற்போதுள்ள சூழ்நிலையில் ஒன்று அல்லது இரண்டு கிலோ மீட்டர் தூரத்திற்கு கூட நாம் மோட்டார் பைக் கையோ அல்லது காரையோ தான் பயன்படுத்துகிறோம். இதனால் வாகன நெரிசலும், நெருக்கடியும் ஏற்படுகிறது. இதன் மூலம் மாசு அதிகரிக்கிறது. இந்நிலையில், சைக்கிள் பயன்பாட்டை அதிகரிக்கச் செய்யவும், மக்களின் உடல் நலனை பேணவும், சைக்கிள் ஷேரிங் திட்டம் அறிமுகப்படுத்த அனுமதி அளிக்கப்பட்டுள்ளது. இதன் மூலம் வாகன நெரிசல் மற்றும் நெருக்கடி குறையும்.

இவ்வாறு நஜீப் ஜங் கூறினார். இது குறித்து டிடிஏ துணை தலைவர் பல் வீந்தர் குமார் கூறியதாவது: வாகன நெரிசல், நெருக்கடியை கட்டுப்படுத்தும் வகையில், சைக்கிள் ஷேரிங் திட்டம் அறிமுகம் செய்யப்படுகிறது. இதற்கு நஜீப் ஜங் ஒப்புதல் அளித்துள்ளார். சைக்கிள் ஷேரிங் என்பது, வாடகை சைக்கிளை பயன்படுத்துவது போன்றுதான். வாடகை சைக்கிளை பெறும் நபர், தான் வாங்கிய இடத்திலேயே திருப்பி கொண்டுப்போய் கொடுக்க வேண்டும். ஆனால், இந்த திட்டத்தில் சைக்கிள் வாங்கும் நபர், தான் செல்லும் இடத்தில் உள்ள மையத்தில் அதை திருப்பி கொடுத்தால் போதுமானது.

பயன் பாட்டு நேரம் பொருத்து கட்டணம் வசூலிக்கப்படும். இத்திட்டத்திற்கு, பயன்பாட்டாளரின் அனைத்து விவரங்களும் அடங்கிய ஸ்மார்ட்கார்டை பயன்படுத்த வேண்டும். சைக்கிளுக்கான வாடகை கட்டணத்தை ஸ்மார்ட் கார்டு மூலம் செலுத்தலாம். அதே ஸ்மார்ட்கார்டை மெட்ரோ ரயிலுக்கும், பேருந்துக்கும் பயன்படுத்திக் கொள்ளலாம். இந்த திட்டம் முதல் முறையாக துவாரகா பகுதியில் தொடங்கப்பட உள்ளது.

இதற்காக துவாரகா பகுதியில் 100 கி.மீ தொலைவிற்கு சைக்கிள் மற்றும் பாதசாரிகளுக்கான பாதை அமைக்கப்படுகிறது. 30 சதுர அடி பரப்பளவில் தலா 40 சைக்கிள்கள் நிறுத்தும் வகையில் டெல்லி மெட்ரோ உள்ளிட்ட முக்கிய இடங்களில் 180 சைக்கிள் ஸ்டேஷன்கள் நிறுவப்படும். இத்திட்டம் தொடங்கப்பட்ட பின் முதல் மூன்று ஆண்டுகளுக்கு வருவாய் குறித்து எதிர்பார்க்கப்படாது. இவ்வாறு பல்வீந்தர் குமார் கூறினார்.

தினகரன்

மாசு படுதல் குறையுதோ இல்லையோ, உடலில் உள்ள கொழுப்பு குறையும்....

நாங்கள் பள்ளியில் படிக்கும் பொது சைக்கிள் தான். இப்பல்லாம் பசங்க சைக்கிள்ள போறதா கௌரவ குறைச்சலா நினைக்கிறாங்க..பைக் தான்...
முக்கியமா பெண்கள் ஸ்கூட்டி தான்

எனக்கு கவிஞர் "டி ராஜேந்தர்" சொன்ன கவிதை ஞாபகம் வருது

இப்பல்லாம் கிராமம் கூட ஆயிட்டு சிட்டி,
பியுட்டி, பாட்டி எல்லாம் போறது ஸ்கூட்டி,
பாய்ஸ் அடிக்கிறாங்க சிட்டி & லூட்டி
வாட் எ பிட்டி வாட் எ பிட்டி...........................

நல்ல திட்டம் தான் உபயோகிக்கனுமே நம் மக்கள்

M.M.SENTHIL wrote:மாசு படுதல் குறையுதோ இல்லையோ, உடலில் உள்ள கொழுப்பு குறையும்....

நிஜம், இங்கு பெங்களூரில் இன்போசிஸ் இல் இது போல சைக்கிள்கள் காம்பஸ் குள்ளே வைத்திருப்பார்கள். ஒரு இடத்திலிருந்து மற்றொரு இடத்துக்கு நடப்பதற்கு பதில் சைக்கிளில் போகலாம் ............சீக்கிரமும் போகலாம், எக்சசைசும் ஆச்சு

சரவணன் wrote:நாங்கள் பள்ளியில் படிக்கும் பொது சைக்கிள் தான். இப்பல்லாம் பசங்க சைக்கிள்ள போறதா கௌரவ குறைச்சலா நினைக்கிறாங்க..பைக் தான்...
முக்கியமா பெண்கள் ஸ்கூட்டி தான்

எனக்கு கவிஞர் "டி ராஜேந்தர்" சொன்ன கவிதை ஞாபகம் வருது  

இப்பல்லாம் கிராமம் கூட ஆயிட்டு சிட்டி,
பியுட்டி, பாட்டி எல்லாம் போறது  ஸ்கூட்டி,
பாய்ஸ் அடிக்கிறாங்க சிட்டி &  லூட்டி  
வாட் எ பிட்டி வாட் எ பிட்டி...........................

balakarthik wrote:நல்ல திட்டம் தான் உபயோகிக்கனுமே நம் மக்கள்

மேற்கோள் செய்த பதிவு: 1141506

ஆம்மாம்.......இன்னொரு வம்பும் இருக்கு பாலா.....நல்லா உபயோகிக்கிறேன் என்று 'கொண்டு' போய் விடகூடாது பாருங்கோ