ஈராஸ் நிறுவனத்திலிருந்து வெளியேறினார் ரஜினி மகள்!

**ayyasamy ram** · **ayyasamy ram** Tue Jun 02, 2015 9:23 pm

சென்னை:
ஈராஸ் நிறுவனத்தின் தென்னிந்திய தலைமைப் பொறுப்பிலிருந்து
விலகுவதாக நடிகர் ரஜினிகாந்த் மகள் சௌந்தர்யா தெரிவித்துள்ளார்.
-
இது தொடர்பாக தனது ட்விட்டர் பக்கத்தில் கூறியுள்ள சௌந்தர்யா அஸ்வின், ‘எனது குழந்தையுடன் நேரம் செலவிட வேண்டி ஈராஸ் நிறுவனத்திலிருந்து அதிகாரப்பூர்வமாக வெளியேறுகிறேன். மேலும் எனது அடுத்த கட்ட பணியிலும் ஈடுபட உள்ளேன்.

’கோச்சடையான்’ படத்தின் இசை வெளியீட்டின் போதே ரஜினி சௌந்தர்யாவை அவரது குடும்ப வாழ்க்கையை முதலில் கவனிக்கவும் என கேட்டுக்கொண்டது குறிப்பிடத்தக்கது. அதே போல் ரஜினியும் குழந்தையுடன் நேரம் செலவிடும்படி கேட்டுக்கொண்டதாக தகவல்கள் தெரிவிக்கின்றன.

அதன்படி ‘ஈராஸ் நிறுவனத்தின் தென்னிந்திய தலைமைப் பொறுப்பை ராஜினாமா செய்துள்ளார் சௌந்தர்யா அஸ்வின்.