ஜூன் மாத பலன்கள் !

**krishnaamma** · **krishnaamma** Mon Jun 01, 2015 10:58 pm

First topic message reminder :

மாத ராசிபலன் : மீனம்
2015 ஜூன் 1 முதல் 30 வரை

- நவக்கிரக ரத்னஜோதி சந்திரசேகரபாரதி

மீனம்:

உங்கள் ராசி அதிபதி குரு 5-ல் உலவுவது விசேடமாகும். சூரியன், செவ்வாய், சுக்கிரன் ஆகியோரது சஞ்சாரமும் சிறப்பாக இருப்பதால் மனத்துக்கினிய சம்பவங்கள் வாழ்க்கையில் நிகழும். பொருளாதார நிலை திருப்தி தரும். ஸ்பெகுலேஷன், கொடுக்கல்-வாங்கல் இனங்கள் லாபம் தரும். தெய்வ தரிசனமும் சாது தரிசனமும் கிடைக்கும். நல்லவர்கள் உங்களுக்குப் பக்கபலமாக இருப்பார்கள். உடன்பிறந்தவர்களாலும் மக்களாலும் அனுகூலம் உண்டாகும். திருமனம் போன்ற சுப காரியங்கள் நிகழும்.

திருமணம் ஆனவர்களுக்கு மகப்பேறு பாக்கியம் கிட்டும். அரசியல்வாதிகளுக்கு உயர் பதவிகள் கிடைக்கும். நிர்வாகத்துறையினருக்கு வரவேற்பு கூடும். எதிரிகள் ஓடி ஒளிவார்கள். போட்டிகளிலும், பந்தயங்களிலும் வழக்கு, வியாஜ்ஜியங்களிலும் வெற்றி கிட்டும். துணிச்சலான காரியங்களில் ஈடுபாடு உண்டாகும். நிலபுலங்கள் ஓரளவு லாபம் தரும். அதிர்ஷ்ட வாய்ப்புக்கள் கூடிவரும். புத்திசாலித்தனத்தாலும் செயல் வேகத்தாலும் ஓரிரு சாதனைகளை ஆற்றுவீர்கள்.

15-ஆம் தேதி முதல் சூரியனும் செவ்வாயும் 4-ஆமிடம் மாறுவது சிறப்பாகாது. நண்பர்கள் உறவினர்களால் மன வருத்தம் உண்டாகும். அலைச்சல் கூடும். தாய் நலனில் கவனம் செலுத்த வேண்டிவரும். முன்பின் அறிமுகம் இல்லாதவர்களிடம் விழிப்புடன் பழகுவது நல்லது. கோபத்தைக் குறைத்துக் கொள்வது அவசியமாகும். பயணத்தின்போது விழிப்புடன் இருப்பது நல்லது. உஷ்ணாதிக்கத்தால் உடல் நலம் பாதிக்கும். புத பலம் குறைந்திருப்பதால் வியாபாரிகள் எச்சரிக்கையுடன் செயல்பட்டால் நஷ்டத்துக்கு ஆளாகாமல் தப்பலாம். மாணவர்கள் படிப்பில் முழுக்கவனம் செலுத்துவது அவசியமாகும்.

உத்திரட்டாதி நட்சத்திரக்காரர்களுக்கு சுபபலன்கள் கூடும்.

அதிர்ஷ்டத் தேதிகள்: ஜூன் 4, 7, 11, 12, 18, 26 (முற்பகல்), 29,.

திசைகள்: வடகிழக்கு, தென்கிழக்கு, தெற்கு, கிழக்கு..

எண்கள்: 1, 3, 6, 9,

**krishnaamma** · **krishnaamma** Mon Jun 01, 2015 11:05 pm

மாத ராசிபலன் : ரிஷபம்
2015 ஜூன் 1 முதல் 30 வரை

- நவக்கிரக ரத்னஜோதி சந்திரசேகரபாரதி

ரிஷபம்:

உங்கள் ராசிக்கு 3-ல் சுக்கிரனும், 11-ல் கேதுவும் உலவுவது சிறப்பாகும். போட்டிப் பந்தயங்களிலும், விளையாட்டு விநோதங்களிலும் வெற்றி கிட்டும். கலைத்துறையினருக்கு புதிய ஒப்பந்தங்கள் கைக்கு வந்து சேரும். மாதர்கள் நலம் பெறுவார்கள். ஆன்மிகவாதிகளுக்கு மதிப்பு உயரும். தெய்வப் பணிகளில் ஈடுபாடு உண்டாகும். ஜன்ம ராசியில் சூரியன், செவ்வாய், புதன் ஆகியோர் உலவுவதால் அலைச்சல் கூடும். எக்காரியத்திலும் அவசரப்படாமல் நிதானமாக ஈடுபடுவது அவசியமாகும். வீண் விவகாரங்க்ளில் ஈடுபடலாகாது.

குரு 3-லும் ராகு 5-லும் உலவுவதால் மக்கள் நலம் கவனிக்கப்பட வேண்டிவரும். வயிறு சம்பந்தமான உபாதைகள் ஏற்படும். பெரியவர்களின் அதிருப்திக்கு ஆளாகாமல் இருப்பது நல்லது. பொருளாதாரம் சம்பந்தமான இனங்களில் விழிப்புத் தேவை. நண்பர்கள் உறவினர்களால் அதிகம் அனுகூலத்தை எதிர்பார்க்க இயலாமல் போகும். அவர்களால் சில இடர்ப்பாடுகளும் உண்டாகும். உடன்பிறந்த சகோதரிகளால் நலம் பெற வாய்ப்புக் கூடிவரும். தீ, மின்சாரம், ஆயுதம் ஆகியவற்றின் பக்கம் நெருங்கும்போது பாதுகாப்பு தேவை

15-ஆம் தேதி முதல் சூரியனும் செவ்வாயும் 2-ஆமிடம் மாறுவதும் சிறப்பாகாது. பேச்சிலும் செயலிலும் நிதானத்தைக் கடைப்பிடிப்பது அவசியமாகும். குடும்பத்தில் சலசலப்புக்கள் ஏற்படும். பக்குவமாகச் சமாளிப்பது நல்லது. கண், மார்பு, நுரையீரல் சம்பந்தமான உபாதைகள் சிலருக்கு ஏற்படும். உடல் ஆரோக்கியத்தில் கவனம் தேவை. மருத்துவச் செலவுகள் சற்று கூடவே செய்யும். உஷ்ணாதிக்கத்தைக் குறைத்துக் கொள்வது நல்லது. கெட்ட பழக்கவழக்கங்களைத் தவிர்க்கவும். எதிலும் ஒருமுறைக்குப் பலமுறை யோசித்து ஈடுபடுவது அவசியமாகும்.

ரோகிணி, மிருகசீரிஷ நட்சத்திரக்காரர்களுக்கு ஓரளவு நற்பலன்கள் உண்டாகும்.

அதிர்ஷ்டத் தேதிகள்: ஜூன் 7, 8, 11, 12, 18, 26, 29,.

திசைகள்: தென்கிழக்கு, வடமேற்கு.

எண்கள்: 6, 7.

**krishnaamma** · **krishnaamma** Mon Jun 01, 2015 11:05 pm

மாத ராசிபலன்: மேஷம்
2015 ஜூன் 1 முதல் 30 வரை

- நவக்கிரக ரத்னஜோதி சந்திரசேகரபாரதி

மேஷம்:

உங்கள் ராசிக்கு 2-ல் புதனும் 4-ல் சுக்கிரனும், 6-ல் ராகுவும் உலவுவதால் சுக, செளக்கியம் கூடும். கேளிக்கை, உல்லாசங்களில் ஈடுபாடு அதிகரிக்கும். புதிய ஆடை, அணிமணிகளும் அலங்காரப்பொருட்களும் சேரும். பெண்களால் அனுகூலம் உண்டாகும். கலைத்துறையினருக்கு வெற்றி வாய்ப்புக்கள் அதிகரிக்கும். செய்து வரும் தொழிலில் அபிவிருத்தி காண வழிபிறக்கும். புதியவர்களின் தொடர்பு பயன்படும். அயல்நாட்டுத் தொடர்புடன் செய்யும் வர்த்தகம் லாபம் தரும். ஆராய்ச்சியாளர்களுக்கு மதிப்பு உயரும். பயணத்தின் மூலம் முக்கியமான காரியங்கள் ஒன்றிரண்டு இப்போது நிறைவேறும்.

2-ல் சூரியனும் செவ்வாயும் இருப்பதால் பேச்சில் கடுமையைக் குறைத்துக் கொண்டு, இனிமையைக் கூட்டிக் கொண்டால் குடும்பத்திலும் வெளிவட்டாரத்திலும் உங்கள் செல்வாக்கைக் காத்துக் கொள்ளலாம். 8-ல் சனி இருப்பதால் அதிகம் உழைக்க வேண்டிவரும். சோர்வுக்கும் சோம்பலுக்கும் இடம் தராமல் கடுமையாகப் பாடுபட்டால் தான் ஓரளவாவது பயன்பெறமுடியும். கெட்டவர்களின் சகவாசத்தை அடியோடுதவிர்ப்பதன் மூலம் பிரச்னைகளில் சிக்கிக் கொள்ளாமல் தப்பலாம். தொழிலாளர்களுக்கும் விவசாயிகளுக்கும் முன்னேற்றம் தடைப்படும்.

15-ஆம் தேதி முதல் சூரியனும் செவ்வாயும் 3-ஆமிடம் மாறுவதால் மனத்தில் துணிவும் தன்னம்பிக்கையும் கூடும். போட்டிகளிலும், விளையாட்டுகளிலும் வெற்றி கிட்டும். இசைக்கலைஞர்களுக்கு வரவேற்பு அதிகரிக்கும். இயந்திரப்பணியாளர்கள், இன் ஜினீயர்கள், நிர்வாகிகள் ஆகியோருக்கெல்லாம் செழிப்புக் கூடும். உடன்பிறந்தவர்கள் உதவி புரிவார்கள். தந்தை நலம் சீராகும். துணிச்சலான காரியங்களில் ஈடுபாடு கூடும். எதிரிகள் ஓடி ஒளிவார்கள். அரசியல் ஈடுபாடு ஆக்கம் தரும்.

அசுவினி, பரணி நட்சத்திரக்காரர்களுக்கு நற்பலன்கள் கூடும் மாதமிது.

அதிர்ஷ்டத் தேதிகள்: ஜூன் 4, 7, 8, 11, 12, 18, 26,.

திசைகள்: தென்மேற்கு, தென்கிழக்கு.

எண்கள்: 4, 5, 6.

**krishnaamma** · **krishnaamma** Mon Jun 01, 2015 11:06 pm

நன்றி விகடன்..........சும்மா ஒரு மாறுதலுக்கு மீனம் டு மேஷம் புன்னகை

shobana sahas · shobana sahas Tue Jun 02, 2015 1:20 am

krishnaamma wrote:நன்றி விகடன்..........சும்மா ஒரு மாறுதலுக்கு மீனம் டு மேஷம்

மேற்கோள் செய்த பதிவு: 1140617
நல்லது தானே மாற்றம் ? எனக்கு மிக பிரமாதமாக உள்ளது . பார்போம் . மகிழ்ச்சி

**krishnaamma** · **krishnaamma** Tue Jun 02, 2015 10:26 am

shobana sahas wrote:
krishnaamma wrote:நன்றி விகடன்..........சும்மா ஒரு மாறுதலுக்கு மீனம் டு மேஷம்
மேற்கோள் செய்த பதிவு: 1140617
நல்லது தானே மாற்றம் ? எனக்கு மிக பிரமாதமாக உள்ளது . பார்போம் .

மேற்கோள் செய்த பதிவு: 1140654

நீங்க எந்த ராசி?....நான் மீனம் புன்னகை

Preethika Chandrakumar · Preethika Chandrakumar Tue Jun 02, 2015 1:09 pm

என் ராசிக்கு சூப்பரா போட்டிருக்கு.
பதிவிட்ட க்ரிஷ்ணாம்மாக்கு மிக்க நன்றி!!!

shobana sahas · shobana sahas Wed Jun 03, 2015 7:15 am

Naan kanni rasi krishnaamma.

சரவணன் · சரவணன் Wed Jun 03, 2015 7:39 am

shobana sahas wrote:Naan கன்னி - rasi krishnaamma.

நீங்க கன்னி ங்குறது தெரியுது , ராசி என்னன்னு சொல்லுங்க?

**krishnaamma** · **krishnaamma** Wed Jun 03, 2015 10:14 am

shobana sahas wrote:Naan kanni rasi krishnaamma.

மேற்கோள் செய்த பதிவு: 1141377

okok புன்னகை

shobana sahas · shobana sahas Thu Jun 04, 2015 3:01 am

சரவணன் wrote:
shobana sahas wrote:Naan கன்னி - rasi krishnaamma.
நீங்க கன்னி ங்குறது தெரியுது , ராசி என்னன்னு சொல்லுங்க?

மேற்கோள் செய்த பதிவு: 1141381
நீங்க என்ன ரஆசி சரவணன் ?

Sponsored content · Sponsored content

ஜூன் மாத பலன்கள் !

ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

Re: ஜூன் மாத பலன்கள் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக