மாசு என்கிற மாசிலாமணி - விமர்சனம்

by **சிவா** Sat May 30, 2015 11:59 pm

First topic message reminder :

தந்தை மற்றும் தம்முடைய குடும்பத்தைக் கொன்றவர்களைப் பழிவாங்குகிற தனயனின் பழையகதைதான் என்றாலும் அதற்கு பல்வேறு முலாம்கள் பூசிப் புதிதாகக் காட்டமுயன்றிருக்கிறார் இயக்குநர் வெங்கட்பிரபு.

காவல்துறைஅதிகாரி போல அறிமுகமாகும் சூர்யா, உண்மையில் திருடன். அவருக்குத் துணை பிரேம்ஜி. இவருவரும் சேர்ந்து செய்யும் திருட்டொன்றில் பெரியஇடத்துப் பணத்தில் கைவைத்துவிட சோதனை வந்துவிடுகிறது. பணத்தைப் பறிகொடுத்தவர்கள் துரத்துகிறார்கள் காரொன்றில் தப்பிப்போகும் நேரத்தில் பெரியவிபத்து. அந்த விபத்து சூர்யாவின் வாழ்க்கையைப் புரட்டிப்போடுகிறது.

அந்தவிபத்தில் உயிர்பிழைக்கும் சூர்யாவின் கண்களுக்கு ஆவிகள் தெரியத்தொடங்குகின்றன. உடனே ஆவிகளை துணைக்கு வைத்துக்கொண்டு பேய்ஓட்டும் தொழில் செய்து பணம் சம்பாதிக்கிறார். ஒருகட்டத்தில் சூர்யாவின் உருவத்திலேயே ஒரு ஆவி வந்துவிடுகிறது. அதன்பின் திரைக்கதையிலும் அதற்குள் சூர்யாவின் மனத்திலும் பல மாற்றங்கள்.

காவலதிகாரி, திருடன், ஆவி ஆகிய எல்லாவகைப் பாத்திரங்களிலும் சூர்யா நன்றாகச் செய்திருக்கிறார். மாஸ் பாத்திரத்தில் ஆவிகள் கண்களுக்குத் தெரிந்தவுடன் பதறுகிறார் உடனே அவற்றை வைத்துத் தன் தொழிலைத் திட்டமிடுகிறார். நயன்தாராவைப் பார்த்தவுடன் காதல்கொண்டு வழிகிறார் சக்தி என்கிற ஈழத்தமிழர் பாத்திரத்தில் பாசம் காட்டுகிறார், அநீதிகண்டுபொங்குமிடத்தில் கம்பீரம் காட்டுகிறார்.

நயன்தாரா நர்ஸாக நடித்திருக்கிறார். அவருக்குப் படத்தில் பெரிதாக வேலையில்லை. தொடக்கத்தில் சும்மா வந்துபோகிறவராகவே இருக்கிறார். அவர் நர்ஸாக இருப்பதால் ஓரிடத்தில் கதைக்கு மிகவும் பயன்பட்டிருக்கிறார். இன்னொரு நாயகி பிரணிதா, திருமணமாகி குழந்தையுடன் இருக்கும் சூர்யாவைப் பின்தொடர்ந்து கல்யாணம் செய்துகொள்ளும் வேடம். தன் பெரியகண்களாலேயே நடித்து ரசிகர்களைக் கவர்கிறார்.

படத்தின் முதல்காட்சியிலிருந்து கடைசிக்காட்சி வரை சூர்யாவுடனேயே இருக்கிறார் பிரேம்ஜி. கொஞ்சநேரம்தான் அவர் மனிதர். அதன்பின்னர் பாத்திரம் மாறிவிட்டாலும் அவருடைய சேட்டைகள் எல்லா நேரத்திலும் ஒரேமாதிரியாக இருந்து சிரிக்கவைக்கின்றன. மங்காத்தாவுக்கப்புறம் இப்பதான் இவ்வளவு பணத்தைப் பார்க்கிறேன், ஆண்டனி தெரியுமா? என்று சூர்யாவிடம் கேட்கும்போது எடிட்டர்ஆண்டனியைத் தெரியும்னு சொல்லு என்பது உட்பட பல இடங்களில் திரையரங்கில் சிரிப்பொலிகளை ஏற்படுத்துகிறார். நான் செத்துவிட்டேனா என்று அவர் கேட்கும்போது கூட சோகத்திற்குப் பதில் சிரிப்புதான் வருகிறது.

காவல்துறைஅதிகாரியாக பார்த்திபன், பெரியதொழிலதிபராக சமுத்திரக்கனி, மத்தியஅமைச்சராக ஜெயப்பிரகாஷ், நிறைவேறாத ஆசைகளைக் கொண்ட ஆவிகளாக கருணாஸ், ஸ்ரீமன், நான்கடவுள்ராஜேந்திரன் உட்பட பலர் என்று படத்தில் நிறையநடிகர்கள் கூட்டம். எல்லோரையும் சரியாகப் பயன்படுத்தியிருக்கிறார்கள். நான் வந்தும் ஒண்ணும் புடுங்கலன்னு யாரும் சொல்லிடக்கூடாதுல்ல என்கிற பார்த்திபனின் இயல்பான குசும்புகள் இந்தப்படத்திலும் இருக்கின்றன.

ஆவிகள் கதை என்றாகிவிட்ட பிறகு அதில் எதைவேண்டுமானலும் சொல்லலாம் என்று வெங்கட்பிரபு முடிவுசெய்துவிட்டார். கோயிலுக்குள் போனால் ஆவிகள் உள்ளே வராது என்கிறார், ஆனால் கோயிலுக்குள்ளே பிரேம்ஜியும் சூர்யா கூடவே வருகிறார். ஆவிகளால் எதையும் தொடமுடியாது என்று காட்டுகிறார்கள். ஓரிடத்தில் சூர்யா பேய்ஓட்டப்போகும்போது பூரிக்கட்டையொன்றை கைகளால் ஆவிகள் தள்ளிவிடுகின்றன. திடீரென ஆவிகள் சூர்யாவின் கணகளுக்குத் தெரியாமல் போகும்போது, ஒரு விபத்தில் அவனுக்குக் கிடைத்த சக்தி அடுத்த விபத்தில் பறிபோய்விட்டது என்று சொல்லுகிற இடம் அதியுச்ச நகைச்சுவை.

ஆவிகளின் முன்கதை மற்றும் அவற்றினுடைய ஆசைகளை சூர்யா நிறைவேற்றி வைக்கிற காட்சிகளில் சமுகத்தில் தற்போது நடக்கும் பல அவலங்களைச் சுட்டிக்காட்டியிருக்கிறார்கள். மக்களின் அடிப்படைத்தேவைகள் கூட பெரியஆசை போல மாறிவிட்டதைச் சுட்டிக்காட்டுகிறார்கள். ஆசைகள் நிறைவேறியதும் ஆவிகள் உதிர்ந்துபோகும் காட்சிகளின் மூலம் மக்களுக்கு எதையோ இயக்குநர் உணர்த்தியிருக்கிறார் என்று தோன்றுகிறது.

வெங்கட்பிரபுவின் நண்பர்களெல்லாம் ஏதாவதொரு ரூபத்தில் படத்துக்குள் வந்துவிட்டார்கள். எங்கேயும்எப்போதும் பட கதாபாத்திரமாகவே ஜெய் ஒரு காட்சியில் வருகிறார். ஆவி சூர்யா மனிதன் சூர்யாவுக்கு என்ன உறவுமுறை என்று தெரியவரும்போது ஆவியாகிவிட்டால் இளமையாகவே இருக்கலாம் என்று தெரிகிறது.

சொந்தநாடு மற்றும் வீட்டைவிட்டுவிட்டு இன்னொரு நாட்டுக்குப் போய்ப் பிழைக்கிறவனின் வலி தெரியுமா? என்று சூர்யா பேசுவதன் மூலம் ஈழத்தமிழர் பாத்திரத்துக்கான நியாயத்தைச் செய்திருக்கிறார்கள்.

ஆர்டி.ராஜசேகரின் ஒளிப்பதிவு படத்துக்கேற்ப இருக்கிறது. யுவனின் இசையில் பாடல்கள் இன்னும் பலமாக அமைந்திருக்கலாம்.

விகடன்

by balakarthik Sun May 31, 2015 5:11 pm

பிரேம்ஜியின் காமெடியும் சகிக்கலே படமும் சகிக்கலே இருந்தாலும் நயந்தாராவுக்காகவும் ப்ரனிதவுக்காகவும் 4 தடவை பார்க்கலாம் மாசு என்கிற மாசிலாமணி - விமர்சனம் - Page 2 3838410834

மாசு என்கிற மாசிலாமணி - விமர்சனம் - Page 2 3838410834

Spoiler:

by **சிவா** Sun May 31, 2015 10:35 pm

M.M.SENTHIL wrote:காதுல கடுக்கனா???? நான் போகல சாமி...

அண்ணன் நல்லாத்தான் பேசுறாரு....

மேற்கோள் செய்த பதிவு: 1140066

காதில் கடுக்கன் இல்லை, ஊக்கு!

by **krishnaamma** Mon Jun 01, 2015 12:46 am

நான் பார்த்துட்டேன், எனக்கு படம் ஓகே புன்னகை

....................ஆனால் இங்கிலீஷ் மற்றும் ஹிந்தி ரொம்ப நல்லா இருக்கும், இவங்க இன்னும் சூப்ராக எடுத்திருக்கலாம் புன்னகை

...............குட்டி குட்டியாக நிறைய டயரக்சன் மிச்டகேஸ் இருக்கு சோகம்

by balakarthik Mon Jun 01, 2015 10:42 am

krishnaamma wrote:நான் பார்த்துட்டேன், எனக்கு படம் ஓகே ....................ஆனால் இங்கிலீஷ் மற்றும் ஹிந்தி ரொம்ப நல்லா இருக்கும், இவங்க இன்னும் சூப்ராக எடுத்திருக்கலாம் ...............குட்டி குட்டியாக நிறைய டயரக்சன் மிச்டகேஸ் இருக்கு

வெங்கட் பிரபு படத்துல குட்டிகளும் புட்டிகளும் நிறையா இருக்கும் அது இங்க கொஞ்சமா இருக்கு அதான்

by சரவணன் Mon Jun 01, 2015 11:36 am

balakarthik wrote:இன்னைக்குதான் தரவிறக்கினேன் பார்க்கணும்

ஏன்யா இப்படி திருட்டி வி.சி.டி பாக்குறியே உனக்கே ஞாயமா இருக்கா?

by balakarthik Mon Jun 01, 2015 11:45 am

சரவணன் wrote:
balakarthik wrote:இன்னைக்குதான் தரவிறக்கினேன் பார்க்கணும்
ஏன்யா இப்படி திருட்டி வி.சி.டி பாக்குறியே உனக்கே ஞாயமா இருக்கா?

ஏன்யா அவன் படத்த திருடி எடுக்கும்போது நான் அதை திருட்டு வி.சி.டில பார்க்ககூடாதா

by **ராஜா** Mon Jun 01, 2015 11:48 am

balakarthik wrote:
சரவணன் wrote:
balakarthik wrote:இன்னைக்குதான் தரவிறக்கினேன் பார்க்கணும்
ஏன்யா இப்படி திருட்டி வி.சி.டி பாக்குறியே உனக்கே ஞாயமா இருக்கா?

ஏன்யா அவன் படத்த திருடி எடுக்கும்போது நான் அதை திருட்டு வி.சி.டில பார்க்ககூடாதா

மேற்கோள் செய்த பதிவு: 1140257 மகிழ்ச்சி

by சரவணன் Mon Jun 01, 2015 11:51 am

ராஜா wrote:
balakarthik wrote:
சரவணன் wrote:
balakarthik wrote:இன்னைக்குதான் தரவிறக்கினேன் பார்க்கணும்
ஏன்யா இப்படி திருட்டி வி.சி.டி பாக்குறியே உனக்கே ஞாயமா இருக்கா?

ஏன்யா அவன் படத்த திருடி எடுக்கும்போது நான் அதை திருட்டு வி.சி.டில பார்க்ககூடாதா
மேற்கோள் செய்த பதிவு: 1140257