புருஷ சாமுத்ரிகா லக்ஷணங்கள்

சரவணன் · சரவணன் Sat May 30, 2015 10:38 pm

First topic message reminder :

புருஷ சாமுத்ரிகா லக்ஷணங்கள் - Page 5 JyVTxhVQem1dknLsl8Dl+p01

ஈகரையன் · ஈகரையன் Wed Jun 10, 2015 4:19 pm

நல்ல பதிவு தொடருங்கள்.

சரவணன் · சரவணன் Wed Jun 10, 2015 4:27 pm

ஈகரையன் wrote:நல்ல பதிவு தொடருங்கள்.

கண்டிப்பாக...நிறைய இருக்கிறது...தொடருகிறேன்!

**krishnaamma** · **krishnaamma** Wed Jun 10, 2015 4:57 pm

ம்ம்...சூப்பர் சரவணன்..தொடருங்கள்............... புன்னகை

....தொடர்கிறேன் !

**T.N.Balasubramanian** · **T.N.Balasubramanian** Wed Jun 10, 2015 5:20 pm

கை ரேகை சம்பந்தமான பதிவுகள் நன்றாக உள்ளன .
தொடருங்கள் ,சரா
ரமணியன்

சரவணன் · சரவணன் Wed Jun 10, 2015 7:33 pm

புறங்கை:-

புறங்கை மிருதுவாகவும், உயர்ந்தும் இருக்கப் பெற்றவன் செல்வமும், அழகும் உள்ளவனாய் இருப்பான்.

புறங்கையில் நரம்பு எழப்பெற்றவன் வருமையாளனாய் இருப்பான்.

கை நகம்:-

கையில் நகம் மிருதுவாக இருக்கப் பெற்றவன் செல்வமுடையவனாக இருப்பான்.

உரமாய் (அழுத்தமாய்) இருக்கப் பெற்றவன் காமவிகாரம் உடையவனாய் இருப்பான்.

சிவந்து இருக்கப் பெற்றவன் செல்வமுடையவனாய் இருப்பான்.

வெளுத்து இருக்கப் பெற்றவன் வறுமை உடையவனாய் இருப்பான்

விரல்கள் மெல்லியதாய் இருக்கப் பெற்றவன் அழகும், ஆயுள் விருத்தியும் உள்ளவனாய் இருப்பான்.

விரல்கள் பருத்திருக்கப் பெற்றவன் திடமானவனாய் (பலம்) இருப்பான்.

விரல்கள் நீண்டு இருக்கப் பெற்றவன் குனவானாய் இருப்பான்.

விரல்கள் குறுகி இருக்கப் பெற்றவன் வறுமை உடையவனாய் இருப்பான்.

முழங்கை:-

முழங்கை பருத்து இருக்கப் பெற்றவன் செல்வமும், கபடும் உடையவனாய் இருப்பான்.

சிறுத்து இருக்கப் பெற்றவன் வறுமை உடையவனாய் இருப்பான்.

நரம்பு தோன்றி இருக்கப் பெற்றவன் துக்கம் உடையவனாய் இருப்பான்.

எலும்பு எழப் பெற்றவன் வறுமை உடையவனாய் இருப்பான்.

முழங்கையில் மயிர் சிறுத்துக் கருத்து இருக்கப் பெற்றவன் எந்நேரமும் பெண் போகம் உள்ளவனாய் இருப்பான்.

முழங்கையில் மயிர் சிவந்து இருக்கப் பெற்றவன் வறுமை உடையவனாய் இருப்பான்.

முழங்கையில் மயிர் பருத்து இருக்கப் பெற்றவன் பலசாலியாவான்.

முழங்கைக்கு மேல் தோள் வரை உரோமங்கள் ஏதும் இல்லாதிருப்பவன் அழகு உடையவனாய் இருப்பான்.

முழங்கைக்கு மேல் தோள் வரை உரோமங்கள் இருக்கப் பெற்றவன் வறுமையும், தாராள குணம் உள்ளவனாகவும் இருப்பான்.

**krishnaamma** · **krishnaamma** Thu Jun 11, 2015 1:34 am

இன்டரஸ்டிங் புன்னகை

சரவணன் · சரவணன் Thu Jun 11, 2015 10:48 pm

கால் விரல்கள்:-

இரண்டு கால்களிலும் பெரிய விரலுக்கு அடுத்த விரல் நீண்டிருக்கப் பெற்றவன் சொல்லும் சொல்லையுடையவனாய் இருப்பான்.

சிறு விரலும் அடுத்த விரலும் நடுவிரலும் நீண்டிருக்கப் பெற்றவன் பழியுடையவனாய் இருப்பான்.

விரல்கள் நெருங்கி இருக்கப் பெற்றவன் பந்துக்களோடு சேரப் பெறாதவனாய் இருப்பான்.

விரல்கள் கலக்க இருக்கப் பெற்றவன் இனம் சேரப் பெறாதவனாய் இருப்பான்.

வலது காலில் 6 விரல்கள் இருக்கப் பெற்றவன் வெகு செல்வம் உடையவனாய் இருப்பான். – இடது காலில் 6 விரல்கள் இருக்கப் பெற்றவன் வெகு அலைச்சல் உள்ளவனாய் இருப்பான்.

விரல்களின் மேல் மயிர் நெருங்கி இருக்கப் பெற்றவன் திரவியஞ் சேர்ப்பவனாய் இருப்பான்.

விரல் ஒன்று மேல் ஒன்று ஏறி குன்றி இருக்கப் பெற்றவன் வறுமை உள்ளவனாய் இருப்பான்.

பெரு விரலுக்கு அடுத்த விரல் மிகவும் நீண்டு இருக்கப் பெற்றவன் வெகு பூஷன முள்ளவனாய் இருப்பான்.

நடு விரல்கள் நீண்டு இருக்கப் பெற்றவன் ஆயுள் விருத்தி உள்ளவனாய் இருப்பான்.

விரல்கள் சுருண்டு இருக்கப் பெற்றவன் செல்வம் உள்ளவனாய் இருப்பான்.

-----

வலது கால் பெரு விரலிலே மச்சம் இருக்கப் பெற்றவன் அதிக சம்பத்து உள்ளவனாய் இருப்பான், இடது கால் பெருவிரலிலே மச்சம் இருக்கப் பெற்றவன் செல்வம் உள்ளவனாய் இருப்பான். மற்ற விரல்களில் மச்சம் இருக்கப் பெற்றவன் வறுமை உள்ளவனாய் இருப்பான்.

வலது பெருவிரலில்: மயிர் ஆவது, மச்சமாவது, குழிமச்சமாவது, ஒற்றை மச்சமாவது, வளஞ்சுழியாவது, இருக்கப் பெற்றவன் அதிக சம்பத்து உள்ளவனாய் இருப்பான். இடஞ்சுழியாக இருக்கப் பெற்றவன் பொருள் சேர்ப்பவனாக இருப்பான்.

இடது கால் பெருவிரல்: இடஞ்சுழி இருக்கப் பெற்றவன் எடுத்த காரியம் முடிப்பவனாக இருப்பான். வலஞ்சுழி இருக்கப் பெற்றவன் ஈனருடன் திரிபவனாய் இருப்பான்.

மற்ற விரல்களில் இடஞ்சுழி இருக்கப் பெற்றவன் நினைத்தது முடிப்பவனாய் இருப்பான். வலஞ்சுழி இருக்கப் பெற்றவன் காம விகாரியாய் இருப்பான்.

சரவணன் · சரவணன் Thu Jun 11, 2015 10:50 pm

மச்சமானது

* உள்ளங் காலின் வலது பக்கத்தில் இருக்கப்பெற்றவன் நூறு வயது உடையவனாக இருப்பான். இடது பக்கத்தில் இருக்கப்பெற்றவன் பாவமுள்ளவனாயிருப்பான்.

* புறங்காலின் வலது பக்கத்தின் நடுவில் இருக்கப் பெற்றவன் நினைத்ததை முடிக்காதவனாயிருப்பான்.

* கணைக்காலின் வலது பக்கத்தல் இருக்கப் பெற்றவன் அழகுள்ளவனாயிருப்பான், இடது பக்கத்தில் இருக்கப் பெற்றவன் வறுமை உள்ளவனாக இருப்பான்.

* வலது முழங்காலில் இருக்கப் பெற்றவன் செல்வமுள்ளவனாயிருப்பான். இடது முழங்காலில் இருக்கப் பெற்றவன் அலைச்சல் உள்ளவனாயிருப்பான்.

* வலது துடையில் இருக்கப் பெற்றவன் நன்மை உள்ளவனாயிருப்பான். இடது துடையில் உள்ளவன் தீமை உள்ளவனாய் இருப்பான்

* வலது பீஜத்தில் இருக்கப் பெற்றவன் பரதார நோக்கமுள்ளவனாயிருப்பான் (இங்கே பரதார – பல தார என்று இருப்பதாக தோன்றுகிறது). இடது பீஜத்தில் இருக்கப் பெற்றவன் பெண் ஆசை இல்லாதவனும், ஞானியாகவும் இருப்பான்.

* முதுகின் நடிவில் இருக்கப் பெற்றவன் அதிக சம்பத்து உள்ளவனாக இருப்பான், வலது பக்கத்தில் இருக்கப் பெற்றவன் அதிக செல்வம் உள்ளவனாகவும், இடது பக்கத்தில் இருக்கப் பெற்றவன் வறுமை உள்ளவனாகவும் இருப்பான்.

* இடது விலாவில் இருக்கப் பெற்றவன் போகமற்றவனாய் இருப்பான், வலது விலாவில் இருக்கப் பெற்றவன் போகம் அற்றவனாகவே இருப்பான்.

* நாபியின் வலது பக்கத்தில் இருக்கப் பெற்றவன் வெற்றியுள்ளவனாய் இருப்பான். இடது பக்கத்தில் இருக்கப் பெற்றவன் சுகமற்றவனாக இருப்பான். நடுவில் இருக்கப் பெற்றவன் அதிக சம்பத்து உள்ளவனாக இருப்பான்.

* வயிற்றின் வலது பக்கத்தில் இருக்கப் பெற்றவன் செல்வம் உள்ளவனாக இருப்பான், இடது பக்கத்தில் இருக்கப் பெற்றவன் வியாதி உள்ளவனாய் இருப்பான். நடுவில் இருக்கப் பெற்றவன் கபடு உள்ளவனாய் இருப்பான்.

* மார்பின் வலது பக்கத்தில் இருக்கப் பெற்றவன் அதிக சம்பத்து உள்ளவனாகவும், இடது பக்கத்தில் இருக்கப் பெற்றவன் சாதாரண செல்வம் பெற்றவனாகவும் இருப்பான். வலது முலையில் இருக்கப் பெற்றவன் தன் மனைவியோடு அதிக ஒருமை உள்ளவனாக இருப்பான். இடது முலையில் இருக்கப் பெற்றவன் சுக போசனமுள்ளவனாய் இருப்பான்.

* வலது தோளில் இருக்கப் பெற்றவன் செல்வமும், வெற்றியும் உள்ளவனாக இருப்பான். இடது தோளில் இருக்கப் பெற்றவன் செல்வமும், பயமும் உள்ளவனாக இருப்பான்.

* வலது முழங்கை நுனியில் இருக்கப் பெற்றவன் வசீகரமுள்ளவனாக இருப்பான். இடது முழங்கை நுனியில் இருக்கப் பெற்றவன் பகை உள்ளவனாய் இருப்பான். வலது முன் கையில் இருக்கப் பெற்றவன் செல்வமுள்ளவனாய் இருப்பான். இடது முன் கையில் இருக்கப் பெற்றவன் வலிமை உள்ளவனாய் இருப்பான். வலது உள்ளங்கையில் இருக்கப் பெற்றவன் விதரணம்(ஈகை) உள்ளவனாய் இருப்பான், இடது உள்ளங்கையில் இருக்கப் பெற்றவன் வறுமை உள்ளவனாக இருப்பான்.

* வலது:- பெருவிரல் – ஞானம், சுட்டு விரல் – அறிவுள்ளவன், நடுவிரல் – தீர்க்காயுள், அணிவிரல் (மோதிர விரல்) – பூஷனமுள்ளவன், சிறு விரல் – நன்மை.

* இடது:- பெருவிரல் – பாவி, சுட்டு விரல் – மந்த குணம், நடுவிரல் – அற்ப ஆயுள், அணிவிரல் – வறுமை, சிறு விரல் – மலடு.

* வலது புறங்கையில் இருக்கப் பெற்றவன் பெருமை உள்ளவனாக இருப்பான், இடது புறங்கையில் இருக்கப் பெற்றவன் கிலேச முள்ளவனாக (ஆலோசகர்) இருப்பான்.

* வலது அக்குளில் இருக்கப் பெற்றவன் விதரணம் உள்ளவனாகவும், இடது அக்குளில் இருக்கப் பெற்றவன் வெகு கபடதாரயாய் இருப்பான்.

* வலது கழுத்தில் இருக்கப் பெற்றவன் சாதாரண செல்வம் உள்ளவனாகவும், இடது கழுத்தில் இருக்கப் பெற்றவன் அற்ப போகமுடையவனாகவும் இருப்பான்.

* வலது கன்னம்: செல்வமும், அலைச்சலும் உள்ளவனாக இருப்பான், இடது கன்னம்: வறுமை உள்ளவனாக இருப்பான்.

* வலது தாடையில் இருக்கப் பெற்றவன் போகமுடையவனாக இருப்பான், இடது தாடையில் இருக்கப் பெற்றவன் கிலேசமுடையவனாக (ஆலோசகர்) இருப்பான். நடுத்தாடையில் இருக்கப் பெற்றவன் ஆயுள் உள்ளவனாக இருப்பான். கீழ் தாடையில் இருக்கப் பெற்றவன் போஜனப் பிரியன் (சாப்பாட்டு ராமண்).

* வலது மேல் காதில் இருக்கப் பெற்றவன் சொற்ப செலவு உடையவனாக இருப்பான், இடது மேல் காதில் இருக்கப் பெற்றவன் தூஷனை (அவதூறு பேசுபவன்) சொல்பவனாக இருப்பான். காதில் நடுவில் இருக்கப் பெற்றவன் சொல் வேறு, செயல் வேறு என்று இருப்பான்.

* மூக்கின் வலது பக்கம் – செல்வந்தன், இடது பக்கம் – வறுமையில் வாடுவான். மூக்கின் நடுவில் – சொற்ப செல்வம் பெற்றவனாக இருப்பான்.

* வலது கண்ணில் வெள்ளை விழியில் இருக்கப் பெற்றவன் நல்ல புத்தி உடையவன், இடது கண்ணின் வெள்ளை விழியில் இருக்கப் பெற்றவன் வெகு காமம் உள்ளவனாக இருப்பான்.

* வலது புருவத்தில் இருக்கப் பெற்றவன் நல்ல உருவங்களை காணத்தக்க குணமுடையவன். இடது புருவத்தில் இருக்கப் பெற்றவன் விகார உருவங்களை காணத்தக்க குணமுடையவனாக இருப்பான்.

* நெற்றியின் வலது பக்கத்தில் இருக்கப் பெற்றவன் செல்வமுடையவனாகவும், இடது பக்கத்தில் இருக்கப் பெற்றவன் வறுமை உள்ளவனாகவும் இருப்பான். நடு நெற்றி – தீர்க்காயுள்.

* வலது செவியில் இருக்கப் பெற்றவன் சதா காலமும் ஞான விருப்பம் உள்ளவனாக இருப்பான். இடது செவியில் இருக்கப் பெற்றவன் பழி சொல்லையும், பொல்வார்த்தையையும் கேட்பதில் விருப்பமுடையவனாக இருப்பான்.

**krishnaamma** · **krishnaamma** Fri Jun 12, 2015 2:37 am

ம்.......சூப்பர் பகிர்வு சரவணன் புன்னகை

சரவணன் · சரவணன் Sat Jun 13, 2015 10:00 pm

சுழி:

* வலது காதின் உள்ளே வலஞ்சுழி இருக்கப் பெற்றவன் நல்ல தீரமுடையவனாய் இருப்பான்.

* இடது காதின் உள்ளே இடஞ்சுழி இருக்கப் பெற்றவன் யூகை(அறிவுக் கூர்மை) இல்லாதவனும்,
வறுமை உடையவனுமாய் இருப்பான்.

* சுழி தலையின் வலது பக்கத்தில் இருக்கப் பெற்றவன், மிகுந்த செல்வம் உடையவனாய் இருப்பான்.

* சுழி தலையின் இடது பக்கத்தில் இருக்கப் பெற்றவன் மாறு வேஷங் கொண்டு பிச்சை எடுப்பான்.

* தலையின் மத்தியில் சுழி இருக்கப் பெற்றவன் சாதாரண ஸ்திதி (செல்வம்/வாழ்வு) உடையவனாய் இருப்பான்.

Sponsored content · Sponsored content

புருஷ சாமுத்ரிகா லக்ஷணங்கள்

புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

Re: புருஷ சாமுத்ரிகா லக்ஷணங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக