கத்திரி வெயில் முடிந்தது; பொது மக்கள் நிம்மதி

**சிவா** · **சிவா** Sat May 30, 2015 1:50 am

மக்களை வாட்டி வதைத்த கத்திரி வெயில் எனப்படும் அக்னி நட்சத்திரம் இன்றுடன் முடிந்ததால் பொது மக்கள் நிம்மதி அடைந்து உள்ளனர்.

கத்திரி வெயில் எனப்படும் அக்னி நட்சத்திரம் நாடு முழுவதும் கடந்த 4–ந் தேதி தொடங்கியது. அக்னி நட்சத்திரம் தொடங்கிய நாளில் இருந்து மும்பையில் கோடை வெயில் மக்களை வாட்டி வருத்தெடுத்தது. இதனால் பொது மக்கள் மிகவும் பாதிக்கப்பட்டனர். குறிப்பாக இருசக்கர வாகன ஓட்டிகளும், மின்சார ரெயில் பயணிகளும் மிகவும் சிரமம் அடைந்தனர். மேலும் கொளுத்திய கோடை வெயிலால் பொது மக்கள் வீடுகளை விட்டு வெளியே வர பயந்து வீடுகளிலேயே முடங்கினர். அக்னி நட்சத்திரம் தொடங்கிய நாளில் இருந்து சராசரியாக 95 டிகிரி வெப்பநிலை பதிவாகி இருந்தது. இதனால் எப்போது அக்னி நட்சத்திரம் முடியும் என பொது மக்கள் ஏக்கம் அடைந்தனர்.

கத்திரி வெயிலின் கடைசி நாளான இன்றும் மும்பையில் 95 டிகிரி வெப்பநிலை பதிவாகியது. குறிப்பாக பகல் 1 மணிக்கு மேல் வெயிலின் தாக்கம் மிகவும் அதிகமாக இருந்தது. இருப்பினும் காலை, மாலை நேரங்களில் மும்பையின் சில பகுதிகள் மேக மூட்டத்துடன் காணப்பட்டன. இந்தநிலையில் அக்னி நட்சத்திரம் எனப்படும் கத்திரி வெயில் இன்றுடன் முடிவடைந்தது. இதனால் மும்பைவாசிகள் நிம்மதி பெரு மூச்சு அடைந்து உள்ளனர். இந்தநிலையில் அக்னி நட்சத்திரத்தின் போது வெயிலின் தாக்கம் வழக்கத்தை விட அதிகமாக இருந்ததால் மும்பையில் மழைக்காலம் விரைவில் தொடங்க வாய்ப்பு இருப்பதாக மண்டல வானிலை ஆய்வு மையம் அறிவித்து உள்ளது.

**krishnaamma** · **krishnaamma** Sat May 30, 2015 12:35 pm

ம்.இந்த முறை தமழ் நாட்டில் கொஞ்சம் தேவலாம் போல இருக்கே வெயில் ............ஆங்காங்கு மழை பெய்து இருக்கு புன்னகை

கத்திரி வெயில் முடிந்தது; பொது மக்கள் நிம்மதி

கத்திரி வெயில் முடிந்தது; பொது மக்கள் நிம்மதி

Re: கத்திரி வெயில் முடிந்தது; பொது மக்கள் நிம்மதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக