கடத்தலில் மங்காத தங்கம்: இந்த ஆண்டு 'டாப்' : ரூ.1000 கோடியை தாண்டியது1

**krishnaamma** · **krishnaamma** Wed May 27, 2015 11:25 pm

புதுடில்லி : இந்திய வரலாற்றிலேயே முதல் முறையாக சட்டவிரோதமாக வெளிநாடுகளில் இருந்து கடத்தி வரப்பட்ட தங்கத்தின் அளவு பல மடங்கு அதிகரித்துள்ளது. 2014-15 நிதியாண்டில் மட்டும் ரூ.1000 கோடி மதிப்பிலான சுமார் 3500 கிலோ தங்கம் இந்தியாவிற்கு கடத்தி வரப்பட்டுள்ளது.

வெளிநாடுகளில் இருந்து இந்தியாவிற்கு கடத்தி வரப்படும் தங்கத்தின் அளவு ஆண்டுக்கு ஆண்டு அதிகரித்து வருகிறது. கடந்த ஓராண்டில் மட்டும் இது ஒரேஅடியாக அதிகரித்துள்ளது அனைவரையும் அதிர்ச்சி அடைய வைத்துள்ளது.
2012-2013ம் நிதியாண்டில் சுங்கவரி அதிகாரிகள், போலீசார், வருவாய்த்துறை அதிகாரிகள் ஆகியோர் கைப்பற்றிய கடத்தல் தங்கத்தின் அளவு 350 கிலோ. இவற்றின் மதிப்பு ரூ.100 கோடி மட்டுமே. வெளிநாடுகளில் இருந்து கொண்டு வரப்படும் தங்கத்தின் மீதான வரியை அரசு 10 சதவீதம் உயர்த்திய பிறகு கடத்தல் தங்கத்தின் அளவு 900 சதவீதமாக அதிகரித்துள்ளது.

பல ஆண்டுகளாக துபாய், தாய்லாந்து, சீனா ஆகிய நாடுகளில் இருந்து கடத்தி வரப்படும் தங்கத்தின் சொர்க்கபுரியாக நேபாளம் இருந்து வந்தது. ஆனால், கடந்த 2 ஆண்டுகளாக நேபாளத்தில் அவ்வப்போது ஏற்பட்டு வரும் நிலநடுக்கங்களால் அங்கு கடத்தி வரப்படும் தங்கத்தின் அளவும் குறைந்து விட்டதாக கூறப்படுகிறது. சமீபத்தில் ஏற்பட்ட பயங்கர நிலநடுக்கங்களால், நேபாளத்தில் பதுக்கி வைக்கப்பட்ட தங்கங்கள் அண்டை நாடான இந்தியாவிற்கு வர்த்தகம் செய்ய கொண்டு வரப்பட்டதாலேயே தங்கம் கடத்தலில் இந்தியா முன்னணிக்கு வந்ததற்கு காரணம் என கூறப்படுகிறது.

நேபாள நிலநடுக்கத்திற்கு முன்பு வரை அங்கிருந்து இந்தியாவிற்கு வரும் கடத்தல் தங்கத்தின் அளவு 40 கிலோவாக மட்டுமே இருந்தது. ஆனால் நிலநடுக்கத்திற்கு பிறகு எந்தெந்த வழிகளில் எல்லாம் இந்தியாவிற்குள் தங்கத்தை கொண்டு வர முடியுமோ அத்தனை வழிகளிலும் கடத்தல்காரர்கள் கொண்டு வந்துள்ளனர். குறிப்பாக மணிப்பூர், வங்கதேசம், மேற்குவங்கம் ஆகியவற்றின் எல்லை பகுதிகள் வழியாகவே அதிக அளவில் தங்கம் இந்தியாவிற்குள் கொண்டு வரப்பட்டுள்ளன.
இலங்கையில் இருந்து சென்னை துறைமுகங்கள் மூலமாகவும், துபாய் மற்றும் தாய்லாந்தில் இருந்து தங்கங்கள் விமான நிலையங்கள் மூலமும் கடத்தப்படுவதாக கூறப்படுகிறது.

கடத்தல் தங்கங்களை கொண்டு செல்ல பெரும்பாலும் கூரியர் பர்சல் வழிகளையே கடத்தல்காரர்கள் பயன்படுத்துகிறார்களாம். அவற்றில் டார்ச் லைட், டிரான்சிஸ்டர் ஆகியவற்றிற்குள் பேட்டரி வடிவத்திலும், தகடுகள் வடிவத்திலும் தங்கம் வேறு இடத்திற்கு கொண்டு செல்லப்படுகிறதாம். சமீபத்தில் டில்லி விமான நிலையத்தில் இருந்து கூரியர் மூலம் கடத்தப்பட இருந்த 60 கிலோ தங்கம் கைப்பற்றப்பட்டுள்ளது.

தினமலர்

**krishnaamma** · **krishnaamma** Wed May 27, 2015 11:28 pm

shobana sahas · shobana sahas Thu May 28, 2015 3:57 am

சரவணன் · சரவணன் Thu May 28, 2015 9:21 pm

எப்படியோ தங்கம் நம் நாட்டுக்கு தானே வருது!

தங்கத்தை எவ்வளவு கஷ்ட்டப்பட்டு கடத்தல் காரர்கள் கடத்தி வந்தாலும், சுங்கத்துறை அலுவலர்கள் மிக எளிதில் அதை தட்டிச்சென்று விடுகின்றனர்.... ரிலாக்ஸ்

**krishnaamma** · **krishnaamma** Thu May 28, 2015 10:33 pm

சரவணன் wrote:எப்படியோ தங்கம் நம் நாட்டுக்கு தானே வருது!

தங்கத்தை எவ்வளவு கஷ்ட்டப்பட்டு கடத்தல் காரர்கள் கடத்தி வந்தாலும், சுங்கத்துறை அலுவலர்கள் மிக எளிதில் அதை தட்டிச்சென்று விடுகின்றனர்....

மேற்கோள் செய்த பதிவு: 1139418

அதானே புன்னகை