சமையல் காஸ் சிலிண்டருக்கு மானியம் வேண்டாம்

சமையல் காஸ் சிலிண்டருக்கு மானியம் வேண்டாம்

தமிழகத்தில், 'சமையல் காஸ் சிலிண்டருக்கு மானியம் வேண்டாம்' என, 21,300 பேர், தாமாக முன் வந்து, எண்ணெய் நிறுவனங்களிடம், விருப்பம் தெரிவித்துள்ளனர். ஆனால், மானியத்தை விட்டுக் கொடுக்க, லட்சக்கணக்கில் பணம் சம்பாதிக்கும் அரசியல்வாதிகள் மற்றும் நடிகர்கள் மவுனம் காத்து வருகின்றனர்.

இந்தியாவின் முன்னேற்றத்திற்காக, காஸ் மானியத்தை விட்டுக் கொடுங்கள்' என, பிரதமர் நரேந்திர மோடி வேண்டுகோள் விடுத்தார். இதையடுத்து, 'காஸ் சிலிண்டருக்கு மானியம் வேண்டாம்' என, விரும்புபவர்கள், தங்கள் காஸ் ஏஜென்சி மூலம், ஒப்புதல் கடிதம், எஸ்.எம்.எஸ்., இணைய தளம் உள்ளிட்ட ஏதேனும் ஒன்றின் வாயிலாக, எண்ணெய் நிறுவனங்களிடம் தெரிவிக்கலாம். அதன்படி, தற்போது, நாடு முழுவதும், 2.10 லட்சம் வாடிக்கையாளர்கள், 'காஸ் சிலிண்டருக்கு மானியம் வேண்டாம்' என, தெரிவித்துள்ளனர். குறிப்பாக, தமிழகத்தில் மட்டும், 21,300 பேர், காஸ் சிலிண்டர் மானியத்தை விட்டுக் கொடுத்துள்ளனர்.

ஆனால், அ.தி.மு.க., - தி.மு.க., - தே.மு.தி.க., - பா.ஜ., - காங்., - பா.ம.க., உள்ளிட்ட அரசியல் கட்சிகளில் இருக்கும் வசதி படைத்த பலர், நடிகர், நடிகைகள், காஸ் சிலிண்டர் மானியத்தை விட்டுக் கொடுக்க தயக்கம் காட்டி வருகின்றனர்.
இதுகுறித்து, எண்ணெய் நிறுவன அதிகாரி ஒருவர் கூறியதாவது:தமிழகத்தில் உள்ள அரசியல்வாதிகளில் பலர், சமையல் காஸ் இணைப்பை தங்கள் மனைவி பெயரில், பெற்றுள்ளனர்.
இதனால், அவர்கள், 'மானியம் வேண்டாம்' எனக் கூறினாலும், அதை அடையாளம் காண்பது
கடினமாக உள்ளது. இருப்பினும், பிரபலமாக உள்ளவர்கள், மனைவி பெயரில் காஸ் இணைப்பு வைத்திருந்து, 'மானியம் வேண்டாம்' எனக் கூறினால், அவர்களை கவுரவிக்கும் வகையில், அவர்களின் பெயரை விளம்பரப்படுத்த தயாராக உள்ளோம். ஆனால், தமிழக அமைச்சர்கள், எம்.எல்.ஏ.,க்கள், எம்.பி.,க்களில், பலர், மானியம் வேண்டாம் என, இதுவரை கூறாததால், பெயர்
பட்டியலை வெளியிடவில்லை.இவ்வாறு, அவர் கூறினார்.

நன்றி : தினமலர்

ரமணியன்

தீவிரமாக விசாரித்ததில் , இந்த அரசியல் வாதிகள் /நடிகர்கள் எல்லாம் மிகவும் ஏழ்மையில்
இருப்பதாக தெரிகிறது .
அம்மா உணவகத்தில் தான் தினமும் காலை, (breakfast )காலை உணவு ஆகிறதாம் .
சில சமயம் விசிறிகள்/தொண்டர்கள் தான் பணமும் கொடுக்கிறார்களாம் .

ரமணியன்