தினமும் ரூ.2 லட்சம் சம்பாதிக்கும் 8ம் வகுப்பு மாணவன்!

லண்டன் : 'வாய்ப்புகள் நம் அருகில் தான் இருக்கும், அதை கண்டறிந்து பயன்படுத்திக் கொள்ளும் திறன் தேவை' என்பதை, பிரிட்டனை சேர்ந்த, எட்டாம் வகுப்பு மாணவன் நிரூபித்துள்ளான்.

பிரிட்டனின் சாமர்செட் பகுதியில் வசிக்கும், ஹார்வே மிலிங்டன், 13, என்ற, எட்டாம் வகுப்பு மாணவனின் தினசரி வருமானம், இரண்டு லட்சம் ரூபாய்.

டிஜிட்டல் மயம்:

அந்நாட்டு போக்குவரத்து துறை, கார்களுக்கு வரி செலுத்துவதற்கான தவணை குறித்த ஸ்டிக்கரை ஒட்டி வந்தது. கடந்த ஆண்டு அக்டோபர் முதல், இந்த பணிகள் டிஜிட்டல் மயமாக்கப்பட்டதால், ஸ்டிக்கர் ஒட்டுவது நிறுத்தப்பட்டது.இதன் காரணமாக, கடந்த மார்ச் மாதம், ஹார்வே தந்தையின் காரை, வரி செலுத்தாததால், போக்குவரத்து துறையினர் எடுத்து சென்றனர்.

வரி செலுத்த மறந்ததால், 50 ஆயிரம் ரூபாய் அபராதம் செலுத்தி, கார் எடுத்து வரப்பட்டது.இதுபோல் ஏராளமானோர், வரி செலுத்த மறந்து, 50 ஆயிரம் ரூபாய் முதல், 80 ஆயிரம் ரூபாய் வரை அபராதம் செலுத்தியதை அறிந்த ஹார்வேக்கு, வரி செலுத்துவதற்கான தவணை நாள் குறித்த, ஸ்டிக்கர் ஒட்டும் திட்டம் மனதில் தோன்றியது.

உடனே தன் பெயரில், ஒரு வலைதளம் உருவாக்கி, அதில், இதுகுறித்து விளம்பரம் செய்தான். கார் உரிமையாளர், காரின் பதிவு எண், வரி செலுத்துவதற்கான தவணை நாள் மற்றும் ஸ்டிக்கரின் நிறத்தை குறிப்பிட்டால், உடனடியாக ஸ்டிக்கர் தயார் செய்து, அவர்களின் முகவரிக்கு சென்று, காரில் ஒட்டிவிடுவான். இதற்கு, 395 ரூபாய் கட்டணம்.



400 ஆர்டர்கள் :

துவக்கத்தில் தினமும், 50 ஆர்டர்கள் வந்த நிலையில், தற்போது, 400 ஆர்டர்கள் வருவதாகவும், இதனால் தினமும், 1.60 லட்சம் ரூபாய் வரை வருமானம் சம்பாதிப்பதாகவும் ஹார்வே கூறியுள்ளான்.போக்குவரத்து துறைக்கு, 80 ஆயிரம் அபராதம் கட்டுவதைவிட, 400 ரூபாய் செலவு செய்து ஸ்டிக்கர் ஒட்டுவது, மிகவும் மலிவு என்று வாடிக்கையாளர்கள் பலர் கூறுகின்றனர்.

தினமலர்

வாவ் ! சூப்பர் !!.......................

நன்றி நவீன், நன்றி ப்ரீதிகா ..எவ்வளவு சூப்பர் பையன் இல்ல?

krishnaammaa wrote: புன்னகை..எவ்வளவு சூப்பர் பையன் இல்ல

சூப்பர் பையன்  தானே , அவன்
வாழ்த்துவோம் .

இருப்பினும் , இதற்கெல்லாம், மற்றவர்கள் துணை சார்ந்துதான் நிற்கவேண்டுமா ?
இமெயிலில் நினைவூட்டும் பகுதிகள் உள்ளன .
மொபைல் போனில் நினைவூட்டும் பகுதி உண்டு .
வேண்டாமைய்யா , ஒரு ஸ்டிக்கரில் , அந்த நாளை குறிப்பிட்டு ,
நம்மால் ,நம் காரின் ,கண்ணில் படும்படியாக ஓட்டமுடியாதா ?
மற்றவர் துணை சார்ந்து நிற்க வேண்டாத காரியங்களில் ,
அவர்களை சார்ந்து இருப்பது , என்னால் ஏற்றுக் கொள்ளமுடியவில்லை .

ரமணியன்

ஆச்சரியம் ஆனால் உண்மை !

T.N.Balasubramanian wrote:

krishnaammaa wrote: புன்னகை..எவ்வளவு சூப்பர் பையன் இல்ல

சூப்பர் பையன்  தானே , அவன்
வாழ்த்துவோம் .

இருப்பினும் , இதற்கெல்லாம், மற்றவர்கள் துணை சார்ந்துதான் நிற்கவேண்டுமா ?
இமெயிலில் நினைவூட்டும் பகுதிகள் உள்ளன .
மொபைல் போனில் நினைவூட்டும் பகுதி உண்டு .
வேண்டாமைய்யா , ஒரு ஸ்டிக்கரில் , அந்த நாளை குறிப்பிட்டு ,
நம்மால் ,நம் காரின் ,கண்ணில் படும்படியாக ஓட்டமுடியாதா ?
மற்றவர் துணை சார்ந்து நிற்க வேண்டாத காரியங்களில் ,
அவர்களை சார்ந்து இருப்பது , என்னால் ஏற்றுக் கொள்ளமுடியவில்லை .

ரமணியன்

மேற்கோள் செய்த பதிவு: 1138706

பாருங்களேன் அவ்வளவு சோம்பேறியாக இருக்காங்க....அதை இந்த குட்டிபையன் 'cash ' பண்ணிட்டான்

Dr.சுந்தரராஜ் தயாளன் wrote:ஆச்சரியம் ஆனால் உண்மை !

மேற்கோள் செய்த பதிவு: 1138711

ஆமாம் ஐயா